Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:12 - Tupanaarü Ore

¹² Rü cuwa nixĩ i ne naxĩxü̃ i guxü̃ma i mexü̃gü rü cua̱xüü̃gü. Rü cuma nixĩ i namaxã icucuáxü̃ i guxü̃ma. Rü cuma nixĩ i toxna cunaxãxü̃ i pora. Rü cuxme̱xwa nangẽxma nax toxü̃ cutaxẽẽxü̃ rü toxü̃ cuporaexẽẽxü̃ ya guxãma.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:12 Referans Kwoze

Efesios 3:16

Rü nüxna chaca ya Tanatü nax guxü̃ma i norü mexü̃wa pexna naxããxü̃ca̱x i ngẽma pora i Naãxẽ ya Üünexü̃wa ne ũxü̃ nax peãẽwa aixcüma peporaexü̃ca̱x.

Wenaxarü naxümatü ga Tupanaarü mugü 8:18

Rü name i nüxna pecua̱xãchie ya yimá perü Cori ya Tupana, erü nüma nixĩ i pexna naxããxü̃ i pora nax pexü̃́ nangẽxmaxü̃ca̱x i perü ngẽmaxü̃gü. Rü nüma i ñu̱xma rü ngẽmaãcü nixĩ i pemaxã yanguxẽẽãxü̃ ga yema norü uneta ga nũxcüma perü o̱xigümaxã nüxü̃ yaxuxü̃.

Filipenses 4:13

Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.

Danié 6:26

Rü pemaxã nüxü̃ chixu rü pexü̃ chamu rü guxü̃ma i ñaa naane i chomax namaxã ichacuáxü̃wa rü chanaxwa̱xe i nüxü̃ pengechaü̃ rü nüxü̃ picua̱xüü̃gü ya yimá Daniéarü Tupana. Erü yimá Tupana rü maxü̃cü nixĩ, rü guxü̃guma nangẽxmaecha. Rü ngẽma nüma nax ãẽ̱xgacü yixĩxü̃ rü taguma inarüxo, rü ngẽma norü pora rü taguma inayagu̱x.

Norü taxre ga to ga popera ga ãẽ̱xgacügüchiga ümatüxü̃ 20:6

Rü nayumüxẽ rü ñanagürü: —Pa Cori Pa Torü O̱xigüarü Tupanax, cuma rü daxũguxü̃ i naanewa cungexma rü cuma nixĩ i namaxã icucuáxü̃ i guxü̃ma i nachixü̃anegü. Cuma rü guxü̃étüwa cungexma rü guxü̃arü yexera cupora. Rü ngẽmaca̱x tataxuma ya texé ya cuxü̃ rüyexeraxe.

Colosenses 1:11

Rü nüxna naxca̱x tacagü nax norü pora i mexẽchixü̃maxã pexü̃ naporaexẽẽxü̃ca̱x nax ngẽmaãcü guxü̃ma i guxchaxü̃gümaxã peporaexü̃ca̱x rü yáxna namaxã pexĩnüexü̃ca̱x rü petaãẽgüxü̃ca̱x.

Efesios 3:20

Rü ñu̱xma rü name nax nüxü̃ icua̱xüü̃güxü̃ ya Tupana. Erü nüma rü nüxü̃́ nangẽxma i pora nax tüxna naxããxü̃ i ngẽma naxca̱x íicaxü̃arü yexeraxüchi rü ngẽma nagu rüxĩnüexü̃arü yexeraxüchi. Rü ngẽma norü pora i tawa ngẽxmaxü̃maxã nixĩ i naxüaxü̃ i guxü̃ma i ngẽma.

Ichaía 40:29

Dücax, rü yíxema ipaxe rü pora tüxna naxã. Rü yíxema turaxe rü tüxü̃ ínanaporaãchixẽxẽ.

Norü taxre ga to ga popera ga ãẽ̱xgacügüchiga ümatüxü̃ 1:12

Rü ñu̱xma rü cuxna chanaxã i cua̱x nax mea cuãẽxü̃ cucuáxü̃ca̱x. Natürü naétü cuxna chanaxã i diẽru rü ngẽmaxü̃gü rü yema nüxíraxü̃güxü̃ ga ãẽ̱xgacügüarü yexera cuxü̃ chatachigaxẽxẽ. Rü ngẽma cuwena ãẽ̱xgacügü ixĩgüxü̃ rü taxũtáma ngẽxgumarüxü̃ chanatachigaxẽxẽ —ñanagürü ga Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:17

Rü ñanagürügü: “Pa Torü Cori ya Tupana ya Guxü̃étüwa Ngẽxmacüx, cuma rü woetama guxü̃guma cuyexma rü guxü̃gutáma cungexmaecha. Rü moxẽ cuxna taxãgü, erü marü cugüme̱xẽwa cunangexmaxẽxẽ i guxü̃ma, rü marü icunaxügü nax namaxã icucuáxü̃.

Ichaía 43:13

Rü choma nixĩ i guxü̃guma Tupana chixĩxü̃. Rü cho̱xme̱xwa rü taxúema tümaarü poramaxã tügü ítapoxü̃. Rü ngẽma choma chaxüxü̃ rü taxúema tayanaxoxẽxẽ —ñanagürü.

Ngu̱xẽẽtaeruü̃arü ore 5:19

Rü ngẽxgumarüxü̃ ta ya guxãma ya yíxema Tupana muxü̃ i tümaarü ngẽmaxü̃gü tüxna ãxẽ, rü nüma ya Tupana tüxü̃ namu nax tanangṍxü̃ rü tayaxaxüxü̃ i ngẽma tüxna üxü̃. Erü ngẽma nax poraãcü ipuracüxü̃wa nax nangṍxü̃ rü yaxaxüxü̃, rü Tupanawa ne naxũ.

Ucu̱xẽgüchiga 10:22

Cori ya Tupanaarü ngü̃xẽxẽ rü taãxẽ tüxna naxã, rü taxuxü̃ma i ta̱xacürü ngúxü̃ taxca̱x ínanguxẽxẽ.

Yox 9:19

¿Rü texé nagu tarüxĩnü nax tümaarü poramaxã tá nüxü̃ tarüporamaexü̃? Erü nüxicatama nixĩ i aixcüma naporaxü̃. ¿Rü texé tá nüxna taca i norü maxü̃chiga? ¿Rü texé tapora nax ãẽ̱xgacüpe̱xewa naxca̱x tangemaxü̃?

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Ichaía 46:10

Rü choma rü noxriarü ügügutama rü ñu̱xmata norü gu̱xwa nangu rü nüxü̃ chixu i ngẽma tá wüxichigü i ngunexü̃ ngupetüxü̃. Rü naxü̃patama nüxü̃ chixu i ngẽma tá ínguxü̃. Rü choma nüxü̃ chixu, rü ngẽma nagu charüxĩnüxü̃ rü tá ningu. Rü ngẽma nüxü̃ chixuxü̃ rü tá chayanguxẽxẽ.

Ichaía 45:24

Rü ngẽxguma rü tá ñanagürügü: “Cori ya Tupanaxicatama nixĩ ya ixaixcümacü ya pora tüxna ãcü”, ñanagürügü tá. Rü guxü̃ma i ngẽma chauxchi aiexü̃ rü tá naxãnee.

Ucu̱xẽgüchiga 8:18

Choma rü tüxna chanaxã i tümaarü ngẽmaxü̃gü rü tüxü̃ chicua̱xüxü̃, rü tüxü̃ chatachigaxẽxẽ, rü mexü̃ i ĩnü tüxna chaxã.

Ore i mexü̃ ga Cuáü̃ ümatüxü̃ 19:11

Rü Ngechuchu nanangãxü̃, rü ñanagürü: —Taxũchima cuxme̱xwa changexma ega tama Tupana naxwa̱xegu. Rü ngẽmaca̱x i ngẽma cuxna choxü̃ muxü̃ rü curü yexera poraãcü napecaduã̱x —ñanagürü.

Wiyaegü 62:11

Tupana rü wüxi i orexü̃ nixu, rü choma rü marü taxree̱xpü̱xcüna nüxü̃ chaxĩnü i ngẽma ore. Cuma, Pa Corix, rü cupora rü aixcüma toxü̃ cungechaü̃. Rü yíxema mexü̃ ügüxe rü cuma rü tá tüxna cunaxã i ngẽma natanü i tüxna üxü̃. Natürü yíxema chixexü̃ ügüxe rü tá tanayaxu i ngẽma poxcu i tüxna üxü̃.

Wiyaegü 29:11

Rü nüma ya Cori ya Tupana rü nanaporaexẽxẽ i norü duü̃xü̃gü. Rü nüxü̃ narüngü̃xẽxẽ nax tama daigu naxĩnüexü̃ca̱x.

Wiyaegü 29:1

Pa Dauxü̃cüã̱x ¡nüxü̃ picua̱xüü̃gü ya Cori ya Tupana naxca̱x i norü pora rü norü üüne!

Wiyaegü 28:8

Rü nüma ya Cori ya Tupana nixĩ i norü duü̃xü̃güxü̃ naporaexẽẽxü̃. Rü nüma nixĩ i nüxü̃ nangü̃xẽẽxü̃ rü ínapoxü̃ãxü̃ ya yimá ãẽ̱xgacü ya nümatama nüxü̃ naxunetacü.

Yox 42:10

Rü yexguma Yox namücügüca̱x yumüxẽguwena rü Tupana Yoxü̃ narüngü̃xẽxẽ. Rü yema noxri nüxü̃́ yexmaxü̃arü yexera nüxna nanaxã ga norü yemaxü̃gü.

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

Yochué 4:24

Rü yemaacü nangupetü nax guxü̃ma i ñaa naanewa ngẽxmagüxü̃ i nachixü̃anegü nüxü̃ cuáxü̃ca̱x nax ñuxãcü naporaxüchixü̃ ya Cori ya Tupana, rü pema rü guxü̃gutáma nüxü̃ pengechaxü̃güxü̃ca̱x rü naga pexĩnüexü̃ca̱x —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:13

Rü ngẽmaca̱x, Pa Torü Tupanax, i ñu̱xmax rü moxẽ cuxna taxãxü̃ rü cuxü̃ ticua̱xüü̃güxü̃ erü cuxüüne.

Norü taxre ga to ga popera ga ãẽ̱xgacügüchiga ümatüxü̃ 32:29

Rü nanaxü ta ga muxü̃nema ga ĩanegü. Rü namu ga norü wocagü rü norü carnérugü, yerü ga Tupana rü nüxna nanaxã ga muxü̃ma ga yemaxü̃gü.

Danié 2:20

—Guxü̃guma namecümaxüchi ya Tupana, erü noxrü nixĩ i guxü̃ma i cua̱x rü guxü̃ma i pora.

Wiyaegü 103:19

Rü nüma ya Cori ya Tupana rü daxũguxü̃ i naanewa nanangẽxmaxẽxẽ i norü tochicaxü̃ rü ngéma namaxã inacua̱x i guxü̃ma.