Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9 - Tupanaarü Ore

⁹ Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9 Referans Kwoze

Yeremía 29:13

Rü cha̱u̱xca̱x tá pedaugü rü tá choxü̃ ipeyangau erü guxü̃ i perü ngúchaü̃maxã tá cha̱u̱xca̱x pedaugü.

Yeremía 24:7

Rü cua̱x tá nüxna chaxã nax ngẽmaãcü choxü̃ nacua̱xgüxü̃ca̱x nax choma chixĩxü̃ ya Cori ya Tupana. Rü nümagü rü chorü duü̃xü̃gü tá nixĩgü, rü choma rü tá norü Tupana chixĩ erü guxü̃ma i norü ngúchaü̃maxã tá cha̱u̱xca̱x nawoegu.

Nüxíraxü̃xü̃ ga popera ga ãẽ̱xgacügüchiga 8:61

Rü ngẽmaca̱x i pemax rü penaxwa̱xe nax tórü Cori ya Tupanamaxã pixaixcümagüxü̃ rü peyanguxẽẽgüxü̃ rü naga pexĩnüexü̃ i guxü̃ma i norü mugü ñoma i ngunexü̃gurüxü̃ —ñanagürü ga Charomóü̃.

Norü taxre ga to ga popera ga ãẽ̱xgacügüchiga ümatüxü̃ 15:2

Rü yemaca̱x ãẽ̱xgacü ga Acháxü̃tawa naxũ rü ñanagürü nüxü̃: —¡Pa Acháx, choxü̃ irüxĩnü i cuma rü guxü̃ma i ngẽma Yudáanecüã̱xgü rü Bẽyamíü̃anecüã̱xgü! Rü nüma ya Cori ya Tupana rü pexü̃tawa nangẽxma ega pema rü naga pexĩnüegu. Rü ngẽxguma naxca̱x pedaugügu rü nüxü̃ tá ipeyangau, natürü ngẽxguma tá nüxna pixĩgachitanügu, rü nüma rü tá ta pexna nixũgachi.

Wiyaegü 9:10

Pa Corix, yíxema cuxü̃ cua̱xgüxe rü cuxü̃́ tayaxõgü. Rü taguma tüxü̃ icuyarüngüma ya yíxema cuxca̱x daugüxe.

1 Chamué 16:7

Natürü ga Tupana rü Chamuéxü̃ ñanagürü: —Tama name i norü düxétümarewa rü norü máchanemarewa nax cungugüxü̃ ya wüxi ya yatü. Tama daa nixĩ. Choma rü tama duü̃xü̃gü nangugüxü̃ãcüma chanayaxu ya wüxi ya yatü. Duü̃xü̃gü rü ngẽma düxétüxü̃nemare nixĩ i nangugügüxü̃, natürü i choma rü ngẽma norü maxü̃ rü norü ĩnü nixĩ i ngẽma changugüxü̃ —ñanagürü.

Ore i mexü̃ ga Cuáü̃ ümatüxü̃ 4:24

Erü Tupana rü Naãxẽ nixĩ. Rü ngẽmaca̱x yíxema nüxü̃ icua̱xüü̃güxe rü tanaxwa̱xe nax guxü̃ma i tümaãẽmaxã rü tümaarü maxü̃maxã aixcüma mea nüxü̃ ticua̱xüü̃güxü̃ —ñanagürü.

Yeremía 17:10

Rü choma ya Tupanaxicatama nixĩ i aixcüma chanangugüxü̃ i norü ĩnü i wüxichigü i duü̃xü̃, rü chaxicatama nixĩ i nüxü̃ chacuáxü̃ nax ta̱xacügu naxĩnüxü̃. Rü ngẽma tamaxü̃xü̃ãcütama tá tüxü̃́ chanaxütanü ya wüxíechigü —ñanagürü.

Wiyaegü 139:2

Rü cuma nüxü̃ cucua̱x i guxü̃ma i ngẽma chaxüxü̃. Rü woo curü yáxü̃wa changexmagu rü nüxü̃ cucua̱xama i ngẽma nagu charüxĩnüxü̃.

Yeremía 9:24

Natürü ngẽxguma texé tügü icua̱xüxü̃chaü̃gu rü name i tügü ticua̱xüxü̃ naxca̱x nax choxü̃ tacuáxü̃. Rü ẽcü tügü ticua̱xüxü̃ naxca̱x nax nüxü̃ tacuáxü̃ nax choma nax tümaarü Cori ya Tupana chixĩxü̃ rü ñoma i naanewa nüxü̃ changechaü̃xü̃ i duü̃xü̃gü rü mea namaxã nax ichacuáxü̃ rü aixcüma nawe̱xguxü̃ i chorü ĩnü. Rü ngẽma nixĩ i namaxã chataãẽxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Ochéa 4:1

Pa Iraéanecüã̱xgüx ¡iperüxĩnüe i ngẽma pemaxã nüxü̃ yaxuxü̃ ya Cori ya Tupana! Nüma rü pemaxã nanu, erü petanüwa rü marü tataxuma ya texé ya tümamücümaxã ixaixcümáxe, rü bai ya texé ya aixcüma naxǘxe i ngẽma Tupanamaxã nüxü̃ tixuxü̃, rü bai ya texé ya aixcüma Tupanaxü̃ cuáxe.

Yeremía 31:34

Rü ngẽxguma rü tá marü taxuca̱xtama texé toguxexü̃ tangu̱xẽxẽ nax choxü̃ tacuáxü̃ca̱x, rü bai i tümamücü, rü bai i tümatanüxü̃. Erü ngẽxguma rü tá guxãma ya yáxe rü woo buxe rü tá choxü̃ tacua̱xgü. Rü choma rü tá tüxü̃́ nüxü̃ icharüngüma i tümaarü chixexü̃ rü marü tagutáma nüxna chacua̱xãchi i tümaarü pecadugü. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 45:19

Rü choma rü tama ẽxü̃guxü̃wa rü waanexü̃wa chidexa. Rü tama Acóbutanüxü̃xü̃ ñacharügü: “¡Cha̱u̱xca̱x peda̱u̱x natürü taxũtáma choxü̃ peyangau!” ñachagürü. Rü choma ya Tupana rü guxü̃guma aixcümaxü̃ chixu. Rü ngẽma nüxü̃ chixuxü̃ rü aixcüma name —ñanagürü.

Norü taxre ga popera ga ãẽ̱xgacügüchiga 20:3

—Pa Corix, Pa Tupanax, cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü ñu̱xũchi poraãcü naxaxu.

Yeremía 22:16

Rü tüxü̃ ínapoxü̃ ga guxema ingearü diẽruã̱xgüxe rü guxema guxchaxü̃wa yexmagüxe. Rü yemaca̱x nixĩ ga mea nüxü̃ nangupetüxü̃ ga gumá cunatü. Rü yema naxüxü̃wa inanawe̱x nax aixcüma choxü̃ nacuáxü̃. Rü choma ya Cori ya Tupana nixĩ i nüxü̃ chixuxü̃ i ngẽma ore.

Ínachoxü̃xü̃chiga 15:2

Nagu chawiyae ya Cori ya Tupana erü nüma nixĩ i choxü̃ naporaxẽẽxü̃ rü choxü̃ namaxẽẽxü̃. Rü nüma nixĩ i chorü Tupana yixĩxü̃ rü ngẽmaca̱x nüxü̃ chicua̱xüxü̃. Rü nüma rü chaunatüarü Tupana nixĩ, rü ngẽmaca̱x chanataxẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:9

Rü nüma ga duü̃xü̃gü rü nataãẽgü yerü norü ngúchaü̃maxã Cori ya Tupanana nanaxãmaregü ga norü yemaxü̃gü. Rü yexgumarüxü̃ ta rü nüma ga ãẽ̱xgacü ga Dabí rü poraãcü nataãẽxü̃chi.

Ngechuchuarü ngúexü̃gü ga yamugüxü̃arü puracüchiga 17:30

Rü nũxcüma ga duü̃xü̃gü rü naechitamare ínatüe, natürü nüma ga Tupana rü namaxã yáxna naxĩnü. Natürü i ñu̱xma ya Tupana rü nanamu i duü̃xü̃gü i guxü̃wama nax naxca̱x nadaugüxü̃. Rü nanamu nax nüxü̃ naxoexü̃ i nacüma i chixexü̃gü.

Popera ga Yudíugü ga yaxõgüxü̃ca̱x ümatüxü̃ 4:13

Rü nataxutama i ta̱xacü ya Tupana üxü̃ i tá na̱xcha̱xwa nügü icúxü̃, erü nape̱xewa rü guxü̃ma nango̱x. Rü guxü̃xü̃ma nadau rü guxü̃xü̃ma nacua̱x ya yimá tá namaxã nüxü̃ ixucü i tórü maxü̃chiga.

Wiyaegü 101:2

Rü chanaxwa̱xe nax aixcüma mea cuxca̱x chamaxü̃xü̃. ¿Rü ñuxgu tá chauxü̃tawa cuxũ nax choxü̃ curüngü̃xẽẽxü̃ca̱x? Rü ngẽmaãcü i chorü maxü̃ rü aixcüma tá name nape̱xewa i chopatacüã̱xgü.

Wiyaegü 7:9

Pa Cori Pa Tupana ya Ixaixcümacüx, cuma rü cunangugü i wüxichigü i duü̃xü̃güarü ĩnügü rü norü ngúchaü̃gü i naãẽwa nagu naxĩnüexü̃. ¡Rü iyanaxoxẽxẽ i norü chixexü̃ i ngẽma chixexü̃gu maxẽxü̃! ¡Natürü yíxema mexü̃gu maxü̃́xẽ rü tüxna nadau nax tama chixexü̃gu tanguxü̃ca̱x!

Wenaxarü naxümatü ga Tupanaarü mugü 31:21

Natürü ngẽxguma naxca̱x tá ínanguxgu i naguxü̃raü̃xü̃ i ngúxü̃gü rü guxchaxü̃gü, rü ñaa wiyaewa tá nüxna nacua̱xãchie nax chixexü̃ naxügüxü̃. Erü ngẽma nataagü rü tá nüxna nacua̱xãchi i ñaa wiyae rü tá nagu nawiyaegü. Rü choma rü naxü̃pa nax nagu chanachocuxẽẽxü̃ i ngẽma Iraétanüxü̃ nawa i ngẽma naane ga namaxã chaxueguxü̃ rü marü nüxü̃ chacua̱x nax ta̱xacürü chixexü̃gu tá yixĩxü̃ ga naxĩnüexü̃ —ñanagürü ga Tupana.

Popera ga Yudíugü ga yaxõgüxü̃ca̱x ümatüxü̃ 12:28

Rü ñu̱xma nax guxü̃guca̱x tórü ãẽ̱xgacü yixĩxü̃ ya Tupana, rü name nax nüxna moxẽ ixãgüxü̃, rü nüxü̃ ingechaü̃güãcüma rü nüxü̃ imuü̃eãcüma nüxü̃ icua̱xüü̃güxü̃, ngẽma nüma nanaxwa̱xexü̃rüxü̃.

Norü taxre ga popera ga ãẽ̱xgacügüchiga 22:2

Rü nüma ga Yochía rü Tupanape̱xewa mexü̃ naxü. Yerü nũxcümaü̃cü ga norü o̱xi ga Dabícümagu nixũ. Rü taguma ta̱xacüca̱x ñuxgu nüxna ínaxũxũ ga yema nacüma ga mexü̃.

Ngechuchuarü ngúexü̃gü ga yamugüxü̃arü puracüchiga 1:24

Rü ñaãcü nayumüxẽgü: —Pa Corix, cuma nüxü̃ cucua̱x i guxü̃ma i duü̃xü̃güarü maxü̃. ¡Rü ñu̱xma rü toxü̃ nawe̱x i ngexü̃rüüxü̃ i ñaa taxrewa nixĩ i cunaxwa̱xexü̃ nax cunamuxü̃ca̱x nax naxüaxü̃ca̱x i ñaa puracü ga Yúda ítáxü̃ ga yexguma norü poxcuwa naxũxgu! —ñanagürügü.

Ore i mexü̃ ga Cuáü̃ ümatüxü̃ 21:17

Rü norü tomaepü̱xcüna Pedruna naca, rü ñanagürü: —Pa Chimóü̃ Pa Cuáü̃ Nanex, ¿aixcümaxü̃chi yixĩxü̃ i choxü̃ cungechaü̃xü̃? —ñanagürü. Rü yexguma ga Pedru rü nangechaü̃, yerü norü tomaepü̱xcüna Ngechuchu nüxna naca rü aixcüma nüxü̃ nangechaü̃. Rü ñanagürü ga Pedru: —Pa Corix, cuma nüxü̃ cucua̱x i guxü̃ma. Rü cuma nüxü̃ cucua̱x nax aixcümaxü̃chi cuxü̃ changechaü̃xü̃ —ñanagürü. Rü Ngechuchu ñanagürü nüxü̃: —Ẽcü, ¡nüxna nadau i chorü duü̃xü̃gü i ñoma carnérugürüxü̃ ixĩgüxü̃!

Ore i mexü̃ ga Cuáü̃ ümatüxü̃ 2:25

Rü yemaca̱x ga nüma rü taxuca̱xma texé namaxã nüxü̃ tixu nax ta̱xacügu naxĩnüexü̃ ga yema duü̃xü̃gü. Yerü nümatama marü nüxü̃ nacua̱x nax ta̱xacügu naxĩnüexü̃ ga naãxẽwa ga wüxichigü.

Ochéa 4:6

Rü chorü duü̃xü̃gü rü chixexü̃gu nayi rü nayue erü tama chorü mugüxü̃ nacua̱xgü. Rü ngẽma rü cugagu nixĩ, Pa Chacherdótex, erü cuma rü ta nüxü̃ cuxo i chorü mugü. Rü ngẽmaca̱x i choma rü ta cuxü̃ chaxo nax chorü chacherdóte quixĩxü̃. Erü cumax rü nüxü̃ icurüngüma i chorü ucu̱xẽgü rü ngẽmaca̱x i choma rü tá ta nüxü̃ icharüngüma i ngẽma cutaagü.

Wenaxarü naxümatü ga Tupanaarü mugü 4:35

Rü nüma rü pexca̱x nanaxü ga guxü̃ma ga yema nax yemaacü nüxü̃ pecuáxü̃ca̱x nax nüma yixĩxü̃ ya Cori ya aixcüma Tupana ixĩcü, rü naweama rü nataxuma i to i tupana.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Naanearü ügüchiga 8:21

Rü yexguma Cori ya Tupanaxü̃ napaxgu ga yema naema rü nüma rü namaxã nataãxẽ. Rü ñanagürü: —Tagutáma wena chixexü̃ namaxã chaxuegu i ñaa naane nagagu i ngẽma duü̃xü̃gü woo yexguma noxritama chanango̱xẽẽgu i ngẽma duü̃xü̃gü rü chixexü̃guxicatama narüxĩnüe. Rü ngẽxgumarüxü̃ ta tagutáma wena chanadai i guxü̃ma i naeü̃gü i ngẽma ñu̱xma namaxã chaxüxü̃rüxü̃.

Echequié 38:10

Rü Choma ya Cori ya Tupana rü cumaxã nüxü̃ chixu: “Rü ngẽma ngunexü̃gu rü chixexü̃ i ĩnü tá cuwa nangu.

Yeremía 11:20

Natürü i cumax Pa Corix, Pa Tupana ya Guxãétüwa Ngẽxmacüx, rü wüxi ya ãẽ̱xgacü ya mecü quixĩ. Cuma rü aixcüma nüxü̃ cucua̱x nax mea cunangugüxü̃ i wüxichigüarü maxü̃. ¡Rü choxü̃ nüxü̃ nadauxẽxẽ nax ñuxãcü tá cunapoxcuexü̃ i ngẽma duü̃xü̃gü! Erü marü cumaxã nüxü̃ chixu i chorü guxchaxü̃ rü cuxme̱xwa chanangexmaxẽxẽ i ngẽma.

Ucu̱xẽgüchiga 17:3

Ngẽma úirumü rü diẽrumü, rü üxüwa nixĩ i yaguxü̃ nax ínayi̱xixü̃ca̱x i norü üxaxü̃. Natürü ngẽma tórü ĩnü rü Tupana nixĩ ya nüxü̃ ücü.

Édra 8:22

Yerü chorü ãne nixĩ ga ãẽ̱xgacüxü̃tawa naxca̱x íchaca̱xaxü̃ ga churaragü ga cowarugu ĩxü̃ nax torü uanügüna toxü̃ ínapoxü̃xü̃ca̱x ga namawa, yerü yexguma taxũta itaxĩãchigu rü marü ãẽ̱xgacümaxã nüxü̃ tixugü nax Tupana tüxü̃ rüngü̃xẽẽxü̃ ya yíxema naxca̱x daugüxe, natürü tüxü̃ napoxcu ya guxãma ya tama naga ĩnüexe.

Ínachoxü̃xü̃chiga 3:16

¡Rü ngéma naxũ rü nangutaque̱xexẽxẽ i guxü̃ma i Iraétanüxü̃arü ãẽ̱xgacügü, rü namaxã nüxü̃ ixu rü ñacugürü nüxü̃!: “Nüma ya Cori ya Tupana ya perü o̱xigüarü Tupana ya Abraáü̃arü rü Ichaáarü rü Acóbuarü Tupana, rü gumá nixĩ ga cha̱u̱xca̱x ngócü. Rü gumátama nixĩ ga chomaxã nüxü̃ ixucü nax pegu naxĩnüxü̃ rü nüxü̃ nacuáxü̃ nax ñuxãcü chixri pemaxã nachopetüxü̃ i ngẽma Equítuanecüã̱xgü.

Yeremía 20:12

Pa Corix, Pa Tupana ya Guxãétüwa Ngẽxmacüx, cuma rü aixcüma nüxü̃ cucua̱x nax mea cunangugüxü̃ i norü maxü̃ i wüxichigü i duü̃xü̃. Rü cuma rü mea nüxü̃ cucua̱x i ngẽma nüxicatama nagu naxĩnüxü̃ i wüxichigü. ¡Rü choxü̃ nüxü̃ nadauxẽxẽ nax ñuxãcü tá cunapoxcuxü̃ i ngẽma duü̃xü̃gü! Erü cuxme̱xgu nixĩ i chanaxüxü̃ i ngẽma chorü guxchaxü̃gü.

Wiyaegü 18:2

Rü cuma nixĩ ya nuta ya taxüchicü ya chorü poxü̃ruxü̃ quixĩxü̃. Rü cuma nixĩ i chorü dauruxü̃ quixĩxü̃. Rü cuma nixĩ i choxü̃ cunapuxü̃ nüxna i chorü uanügü. Rü cuma nixĩ i chorü tüpe̱xeruxü̃ quixĩxü̃. Rü cuma nixĩ i curü poramaxã choxü̃ cumaxẽẽxü̃. Rü cuma nixĩ i chorü cu̱xchicaxü̃ i ma̱xpǘnewa nagu changaxixü̃ quixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:23

Rü ngẽmawa guxü̃ma i ngẽma yaxõgüxü̃ tá nüxü̃ nacua̱xgü nax aixcüma nüxü̃ chacuáxü̃ i norü maxü̃ rü ngẽma naãxẽwa nagu naxĩnüexü̃. Rü wüxichigü i pemax rü tá pexü̃́ chanaxütanü ngẽxgumarüxü̃ nax ñuxãcü cha̱u̱xca̱x pemaxẽxü̃.

Nüxíraxü̃xü̃ ga popera ga Pedru ümatüxü̃ 5:2

Rü chanaxwa̱xe i mea nüxna pedau i Tupanaarü duü̃xü̃gü i pexme̱xwa ngẽxmagüxü̃. Rü name nixĩ i perü ngúchaü̃maxã Tupana naxwa̱xexü̃ãcüma penaxü i ngẽma puracü, rü tama texé pexü̃ muxguxica penaxü rüe̱xna diẽruca̱x penaxü.

Ngechuchuarü ngúexü̃gü ga yamugüxü̃arü puracüchiga 17:23

Erü ngẽxguma perü ngutaque̱xechicagüwa chixüpetüchigügu, rü nüxü̃ chadau i naxchicüna̱xãgü i nüxü̃ picua̱xüü̃güxü̃. Rü wüxi i nachicawa namaxã chayarüxũ i wüxi i Tupanaarü ãmarearü guruxü̃ i nagu ümatüxü̃ i naéga i ñaxü̃: “Tupana ya tama nüxü̃ icuácü”, ñaxü̃. Rü yimá Tupana ya tama nüxü̃ pecuáãcüma nüxü̃ picua̱xüü̃gücü nixĩ ya choma pemaxã nüxü̃ chixuchigacü.

Ore i mexü̃ ga Cuáü̃ ümatüxü̃ 8:55

Natürü i pema rü tama nüxü̃ pecua̱x ya Chaunatü ya Tupana. Natürü i choma rü ngẽmáacü nüxü̃ chacua̱x. Rü ngẽxguma chi: “Tama nüxü̃ chacua̱x”, ñachagu, rü pexrüxü̃ chi wüxi i dorata̱xáxü̃ chixĩ. Natürü i choma rü aixcüma nüxü̃ chacua̱x ya Chaunatü ya Tupana, rü naga chaxĩnü i norü ore.

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Wiyaegü 89:26

Rü nüma rü tá ñanagürü choxü̃: “Cuma nixĩ i chaunatü quixĩxü̃ rü chorü Tupana ya choxü̃ ípoxü̃cü rü choxna daucü quixĩxü̃”, ñanagürü tá.

Nüxíraxü̃xü̃ ga popera ga ãẽ̱xgacügüchiga 3:6

Rü nüma ga Charomóü̃ rü nanangãxü̃ga rü ñanagürü: —Cumax, Pa Chorü Tupanax, rü nüxü̃ cungechaü̃xü̃chi ga chaunatü ga Dabí ga curü duü̃xü̃ ixĩcü, yerü nüma rü meama cupe̱xewa inixũ, rü mexü̃ naxü, rü cupe̱xewa rü mea iniwe̱x ga norü maxü̃. Rü yemaca̱x poraãcü nüxü̃ cungechaü̃ rü wüxi ya nanena cunaxã nax nachicawa natoxü̃ca̱x rü Iraéanecüã̱xgüarü ãẽ̱xgacü yixĩxü̃ca̱x.

Ichaía 1:28

Natürü ngẽma duü̃xü̃gü i tama chauga ĩnüexü̃ rü ngẽma chixexü̃ ügüamaxü̃ rü tá chanadai. Rü ngẽma duü̃xü̃gü i choxna ixĩgachitanüxü̃ rü tá nayue.

Naanearü ügüchiga 28:13

Rü yexgumarüxü̃ ta nüxü̃ nadau ga Cori ya Tupana ga naxü̃tagu chicü. Rü nüma ga Tupana rü ñanagürü nüxü̃: —Choma nixĩ i curü o̱xi ya Abraáü̃arü Tupana, rü cunatü ya Ichaáarü Tupana chixĩxü̃. Rü tá cuxna chanaxã i ñaa naane i nawa cupexü̃ nax cuxrü rü cutaagüarü yixĩxü̃ca̱x.

2 Corintios 8:12

Erü ngẽxguma aixcüma wüxi ya duü̃xẽ tümaarü ngúchaü̃maxã ngẽma diẽru i tüxü̃́ ngẽxma̱xcüwa tümaenexẽca̱x ngĩxü̃ itaxãxchaü̃gu, rü Tupana rü taãẽãcüma ngĩxü̃ nayaxu. Erü nüma ya Tupana rü tama tüxna ngĩxca̱x naca i ngẽma tüxü̃́ taxu̱xcü.

1 Corintios 15:34

Rü name nixĩ i mea pegüãẽgu perüxĩnüe rü nüxü̃ perüxoe i ngẽma perü chixexü̃gü. Rü wüxi i perü ãne nixĩ nax pemaxã nüxü̃ chixuxü̃ nax ñuxre i pemax rü tama aixcüma Tupanaxü̃ pecua̱xgüxü̃.

Naanearü ügüchiga 6:5

Natürü ga Cori ya Tupana rü nüxü̃ nadau nax ñoma ga naanewa poraãcü chixexü̃ naxügüxü̃ ga duü̃xü̃gü rü chixexü̃guxicatama naxĩnüexü̃.

2 Corintios 9:7

Rü wüxichigü tanaxwa̱xe nax ngĩxü̃ itaxãxü̃ i ngẽma ngĩgu tarüxĩnücü nax ñuxre ngĩxü̃ itaxãxchaü̃xü̃. Rü tama name i aüãcüma ngĩxü̃ itaxã rü ẽ̱xna texé tüxü̃ muãcüma ngĩxü̃ itaxã. Erü Tupana rü nüxü̃ nangechaü̃ i ngẽma duü̃xü̃ i taãẽãcüma ngĩxü̃ ixãxü̃.

Norü taxre ga popera ga ãẽ̱xgacügüchiga 21:22

Rü yemaacü Cori ya norü o̱xigüarü Tupanana nixũgachi, rü tama yema Cori ya Tupana naxwa̱xexü̃ãcüma nanaxügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:19

Rü ngẽmaca̱x i ñu̱xmax rü name nixĩ nax aixcüma Tupanaca̱x pedaugüxü̃. ¡Rü penaxü̱x ya yima Tupanapata ya taxü̃ne nax ngéma penangexü̃ca̱x i ngẽma baú i Tupanaarü mugü nagu nuxü̃, rü ngéma yima Tupanapata ya taxü̃ne i tá pexüxü̃newa penanaxü̃ca̱x i ngẽma nawechigü i üünegüxü̃! —ñanagürü ga Dabí.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:8

Rü yexguma ga nüma ga Dabí rü nane ga Charumóü̃ca̱x nadauegu rü ñanagürü nüxü̃: —Rü nua nape̱xewa i ñaa ãẽ̱xgacügü i Iraéanecüã̱xgü i Cori ya Tupanaarü duü̃xü̃gü ixĩgüxü̃, rü nape̱xewa ya tórü Tupana, rü cuxü̃ chaxucu̱xẽ nax mea nagu cumaxü̃xü̃ca̱x i guxü̃ma i norü mugü ya Cori ya Tupana nax ngẽmaãcü cuxme̱xwa nangẽxmaechaxü̃ca̱x i ñaa mexü̃ i naane, rü cunegüme̱xẽwa cunaxüexẽẽxü̃ca̱x nax nümagü guxü̃gutáma namaxã inacua̱xgüxü̃ca̱x.

Wiyaegü 89:38

Natürü i ñu̱xma rü nüxü̃ cuxo rü tama nüxü̃ cucuáxchaü̃ ya yimá ãẽ̱xgacü ya cumatama nüxü̃ cuxunetacü. Rü namaxã cunu.

Ucu̱xẽgüchiga 3:6

¡Guxü̃ma i ta̱xacü icuxüxü̃wa rü Tupaname̱xẽgu naxǘ, rü nüma rü tá cumaxã inacua̱x rü mea tá cuxü̃́ ínanguxuchi i ngẽma cuxüxü̃!

Ichaía 38:3

—Pa Corix, Pa Tupanax, rü cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü poraãcü naxaxu.

Wenaxarü naxümatü ga Tupanaarü mugü 10:12

Rü ñu̱xma Pa Iraétanüxü̃x ¿ta̱xacü nixĩ i perü Cori ya Tupana pexü̃́ naxwa̱xexü̃? Rü ngẽma pexü̃́ nanaxwa̱xexü̃ nixĩ nax nüxü̃ picua̱xüü̃güxü̃ rü aixcüma naga pexĩnüexü̃ rü nacümagu pexĩxü̃, rü nüxü̃ pengechaü̃güxü̃ rü ñu̱xũchi nüxü̃́ pepuracüexü̃ guxü̃ma i perü maxü̃maxã rü guxü̃ i peãẽmaxã.

1 Chamué 12:20

Rü nüma ga Chamué rü nanangãxü̃ rü ñanagürü: —¡Taxuca̱xma pemuü̃e! Rü aixcüma nixĩ ga chixexü̃ pexüxü̃. Natürü i ñu̱xma rü ¡pexuãxẽ nax tama Cori ya Tupanana pexĩgachixü̃ca̱x, rü aixcüma nüxü̃ pengechaü̃güxü̃ca̱x rü nüxü̃ picua̱xüü̃güxü̃ca̱x!

Norü taxre ga to ga popera ga ãẽ̱xgacügüchiga ümatüxü̃ 12:5

Rü yemaca̱x Tupanaarü orearü uruxü̃ ga Chemaía rü Roboáü̃xü̃tawa naxũ ga ngextá Yudáanearü ãẽ̱xgacügümaxã ínangutaque̱xexü̃wa ga Yerucharéü̃wa, yerü Equítuanearü ãẽ̱xgacü ga Chicháx rü marü ningaica. Rü nüma ga Chemaía rü ñanagürü nüxü̃: —Cori ya Tupana rü ñanagürü: “Pemax rü marü choxna pixĩgachitanü, rü ngẽmaca̱x i choma rü pexna chixũgachi i ñu̱xma nax Chíchame̱xẽgu peyixü̃ca̱x” —ñanagürü.

Wiyaegü 7:10

Nüma ya Tupana rü chorü poxü̃ruxü̃ nixĩ. Rü nüma nixĩ i tüxü̃ namaxẽxẽẽxü̃ ya yíxema ixaixcümagüxe.

Wiyaegü 17:3

Rü cuma rü marü mea nüxü̃ cucua̱x i ngẽma chauãẽwa nagu charüxĩnüxü̃. Rü chütacü rü choxü̃ cuxü rü taxuxü̃ma i chixexü̃ chowa icuyangau. Rü nüxü̃ cucua̱x nax aixcüma yixĩxü̃ i ngẽma nüxü̃ chixuxü̃.

Ucu̱xẽgüchiga 4:4

Chaunatü rü choxü̃ naxuxcu̱xẽ rü ñanagürü choxü̃: —¡Cugüãẽgu namaxã nanguxü̃ i ñaa chorü ucu̱xẽgü i cumaxã nüxü̃ chixuxü̃, rü naga naxĩnü i ngẽma chorü ucu̱xẽgü rü ngẽmaãcü tá nama̱x i curü maxü̃!

Yeremía 29:14

Rü choma rü tá pexü̃ charüngü̃xẽxẽxü̃ nax choxü̃ ipeyangaugüxü̃ca̱x. Rü tá pexü̃ charüngü̃xẽxẽxü̃ nax ngẽma ípengexmagüxü̃wa pewoeguxü̃ca̱x. Rü tá pexü̃ íchagaxü̃ nawa i ngẽma nachixü̃anegü i nagu pexü̃ chawoonexü̃. Rü wüxiwa tá pexü̃ changexmagüxẽxẽ nawa i ñaa nachica ga nawa pexü̃ íchawoxü̃xü̃. Rü chomatama ya Cori ya Tupana nixĩ i nüxü̃ chixuxü̃ i ngẽma.

Echequié 11:5

Rü yexguma ga yema Cori ya Tupanaãxẽ ya Üünecü rü chowa nangu rü choxü̃ namu nax nüxü̃ chixuxü̃ca̱x i ñaa ore i ñaxü̃: —Nüma ya Cori ya Tupana rü ñanagürü: “Ngẽma nixĩ i pema nagu perüxĩnüexü̃, Pa Iraétanüxü̃x. Choma rü nüxü̃ chacua̱x i ngẽma perü ĩnügü.