Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:8 - Tupanaarü Ore

⁸ Rü yexguma ga nüma ga Dabí rü nane ga Charumóü̃ca̱x nadauegu rü ñanagürü nüxü̃: —Rü nua nape̱xewa i ñaa ãẽ̱xgacügü i Iraéanecüã̱xgü i Cori ya Tupanaarü duü̃xü̃gü ixĩgüxü̃, rü nape̱xewa ya tórü Tupana, rü cuxü̃ chaxucu̱xẽ nax mea nagu cumaxü̃xü̃ca̱x i guxü̃ma i norü mugü ya Cori ya Tupana nax ngẽmaãcü cuxme̱xwa nangẽxmaechaxü̃ca̱x i ñaa mexü̃ i naane, rü cunegüme̱xẽwa cunaxüexẽẽxü̃ca̱x nax nümagü guxü̃gutáma namaxã inacua̱xgüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:8 Referans Kwoze

Wenaxarü naxümatü ga Tupanaarü mugü 4:1

Rü ñu̱xma Pa Chautanüxügü Pa Iraétanüxü̃x, ¡rü nüxü̃ pexĩnüe i ngẽma Tupanaarü mugü ga pexü̃ changúexẽxẽxü̃ nax aixcüma mea peyanguxẽẽxü̃ca̱x rü nagu pemaxẽxü̃ca̱x rü ngẽmaãcü penayaxuxü̃ca̱x i ngẽma naane i nũxcümaü̃güxü̃ i perü o̱xigüarü Cori ya Tupana tá pexna ãxü̃!

Ichaía 34:16

¡Rü ngẽma Cori ya Tupanaarü orewa pengúe! Rü taxũtáma wüxi i ngẽma naeü̃gü rü ngéma nangeéga, rü taxuxü̃táma nayangemücü i ngexewa. Erü nümatama ya Cori ya Tupana rü ngẽmaãcü nanaxwa̱xe, rü wüxi cue ñaxü̃maxã tá nixĩ i wüxiwa nagagüãxü̃.

Ucu̱xẽgüchiga 13:22

Ngẽxguma nayu̱xgu ya yimá yatü ya mecümacü, rü nataagüarü tá nixĩ i norü ngẽmaxü̃gü. Natürü yimá yatü ya pecadugu maxü̃cüarü ngẽmaxü̃gü, rü nawena rü duü̃xü̃gü i mea maxẽxü̃arü tá nixĩ.

Édra 9:12

Rü yexgumarüxü̃ ta tomaxã nüxü̃ quixu nax tama toxü̃́ cunaxwa̱xexü̃ nax toxocügü rü nanegümaxã yaxãtegüxü̃, rü woo i naxacügü rü tama cunaxwa̱xe nax tonegümaxã yaxãtegüxü̃. Rü nüxü̃ quixu nax tagutáma namaxã tarüngüxmüexü̃ rü tagutáma taãẽwa tanayexmagüxẽẽxü̃ ga yema duü̃xü̃gü nax yemaacü togü itarüporaexü̃ca̱x rü yemaacü tanangṍxü̃ca̱x ga yema naanewa yexmaxü̃ rü ñu̱xũchi towena rü guxü̃guma totaagüna naxüxü̃ca̱x ga yema naane.

Wenaxarü naxümatü ga Tupanaarü mugü 5:32

Rü ngẽmaca̱x i pema rü penaxwa̱xe nax aixcüma peyanguxẽẽxü̃ i guxü̃ma i ngẽma Cori ya perü Tupana pexü̃ muxü̃. Rü bai i íxrarüwa tá nüxna pixĩgachitanüxü̃.

Ngechuchuarü ngúexü̃gü ga yamugüxü̃arü puracüchiga 17:11

Rü yema togü ga Yudíugü ga Techarónicawa yexmagüxü̃arü yexera narümemaegü ga yema Yudíugü ga Beréacüã̱x. Rü norü ngúchaü̃maxã meama nanayauxgü ga yema ore. Rü guxü̃ ga ngunexü̃gu rü Tupanaarü ore ga ümatüxü̃wa nangúe nax mea nüxü̃ nacua̱xgüxü̃ca̱x rü aixcüma yixĩ ga yema ore ga Pauru rü Chíra namaxã nüxü̃ ixugüxü̃.

Ngechuchuarü ngúexü̃gü ga yamugüxü̃arü puracüchiga 10:33

Rü yemaca̱x rü yexgumatama paxa cuxca̱x yéma chanamugü, rü cuma rü mexü̃ toxca̱x cuxü erü núma cuxũ. Rü ñu̱xma i guxãma i toma rü Tupanape̱xewa tangexmagü. Rü nüxü̃ taxĩnüechaü̃ i guxü̃ma i ngẽma ore i Cori namaxã núma cuxü̃ muxü̃ nax tomaxã nüxü̃ quixuxü̃ca̱x —ñanagürü ga Cornériu.

Ucu̱xẽgüchiga 3:1

Pa Chaunex ¡taxṹ i nüxü̃ icuyarüngümaxü̃ i chorü ucu̱xẽgü i cumaxã nüxü̃ chixuxü̃! ¡Rü mea cugüãẽgu namaxã nanguxü̃ i ñaa chorü ucu̱xẽgü!

Wiyaegü 119:44

Rü chanaxwa̱xe i guxü̃gutáma nagu chamaxecha i ngẽma curü ngu̱xẽẽtae.

Wiyaegü 119:4

Cumax, Pa Tupanax, toxna cunaxã i curü mugü nax aixcüma naga taxĩnüexü̃ca̱x.

Wenaxarü naxümatü ga Tupanaarü mugü 29:10

Rü ñu̱xma i guxãma i pema, rü nua Cori ya perü Tupanape̱xegu pengutaque̱xegü namaxã i wüxichigü i natücumüarü ãẽ̱xgacügü, rü perü ãẽ̱xgacügü i yaxguã̱xgü, rü togü i yatügü i pemaxã icua̱xgüxü̃, rü guxü̃ma i yatügü i Iraétanüxü̃, wüxigu namaxã i buxü̃gü, rü ngexü̃gü, rü duü̃xü̃gü i to i nachixü̃anecüã̱xgü i petanüwa ngẽxmagüxü̃, rü woo duü̃xü̃ i perü üxüarü yauxruü̃gü rü duü̃xü̃ i perü dexáarü yauxruü̃gü.

Wenaxarü naxümatü ga Tupanaarü mugü 4:26

Rü ngẽxguma ngẽma chixexü̃ pexü̱xgu, rü choma rü daxũguxü̃ i naanepe̱xewa rü ñoma i naanepe̱xewa pemaxã nüxü̃ chixu rü paxa tá ipeyarüxo nawa i ngẽma naane i nagu tá pechocuxü̃ i Yudáü̃arü tocutüwa ngẽxmaxü̃. Rü taxũtáma mucü ya taunecü nawa pemaxẽ i ngẽma naane rü noxtacüma tá ipeyarüxo.

Wenaxarü naxümatü ga Tupanaarü mugü 4:6

¡Rü peyanguxẽxẽ rü aixcüma nagu pexĩ i ngẽma mugü nax ngẽmaãcü i ngẽma togü i duü̃xü̃gü nüxü̃ yacua̱xãchitanüxü̃ca̱x nax aixcüma petanüwa nangẽxmaxü̃ i cua̱x! Rü ngẽxguma nümagü nüxü̃ naxĩnüegu i ñaa mugü rü ñanagürügü tá: “Rü nataxuma i to i duü̃xü̃gü i ñaa Iraétanüxü̃rüxü̃ nüxü̃ icua̱xüchixü̃”, ñanagürügü tá.

Wiyaegü 119:27

¡Rü cua̱x choxna naxã nax naga chaxĩnüxü̃ca̱x i curü mugü! Erü meama tá nagu charüxĩnü i ngẽma mexü̃gü i cuma cuxüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:7

Rü choma rü tá guxü̃gutáma nüxü̃ charüngü̃xẽẽxü̃ nax ãẽ̱xgacüecha yixĩxü̃ca̱x i ngẽxguma tá ñu̱xmarüxü̃ naga naxĩnüechagu i ngẽma chorü mugü rü chorü ucu̱xẽgü”, ñanagürü choxü̃ ya Tupana —ñanagürü ga Dabí.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Ínachoxü̃xü̃chiga 23:13

¡Rü peyangu̱xẽxẽ i guxü̃ma i ngẽma pemaxã nüxü̃ chixuxü̃! Rü tama chanaxwa̱xe nax ñuxgu tá pea̱xwa nüxü̃ chaxĩnüxü̃ i ta̱xacürü tupananetagüéga.

Wenaxarü naxümatü ga Tupanaarü mugü 5:33

¡Rü nagu pexĩ i ngẽma ore i Cori ya perü Tupana pexü̃ muxü̃ nax ngẽmaãcü mea pexü̃ nangupetüxü̃ca̱x rü mucüma ya taunecü nawa pemaxẽxü̃ca̱x i ngẽma naane i tá pexna naxãxü̃ nax pexrüxü̃ yixĩxü̃ca̱x! —ñanagürü ga Moiché.

Wenaxarü naxümatü ga Tupanaarü mugü 27:1

Rü Moiché rü wüxigu Iraétanüxü̃arü ãẽ̱xgacügümaxã yema Iraétanüxü̃xü̃ namu rü ñanagürügü: —¡Peyanguxẽxẽ i guxü̃ma i ngẽma mugü i ñu̱xma pemaxã nüxü̃ chixuxü̃!

Yochué 24:20

Rü ngẽxguma tá nüxna pixĩgachigu rü ta̱xacü i tupananetagüwe perüxĩxgu, rü nüma ya Cori ya Tupana rü tá pemaxã nanu rü tá pexü̃ napoxcue rü tá pexü̃ nayarüxoxẽxẽ woo mucüma ga taunecügu mea pexna nax nadauxü̃ —ñanagürü ga Yochué.