Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:21 - Tupanaarü Ore

²¹ Rü ñaagü nixĩ i ngẽma chacherdótegü rü Lebítanüxü̃. Rü nüma rü ínamemaregü nax naxügüãxü̃ca̱x i Tupanapata ya taxü̃nearü puracü. Rü ngẽxgumarüxü̃ ta ínamemaregü i ngẽma puracütanüxü̃ i nüxü̃ icua̱xüchixü̃ nax ñuxãcü ta̱xacü naxügüxü̃. Rü ãẽ̱xgacügü rü guxü̃ma i duü̃xü̃gü rü ínamemaregü nax cuxü̃ nangü̃xẽẽgüxü̃ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:21 Referans Kwoze

Popera ga Títoca̱x naxümatüxü̃ ga Pauru 3:1

Rü ngẽma yaxõgüxü̃, ¡rü namaxã nüxü̃ ixu nax nachixü̃anearü ãẽ̱xgacügüga naxĩnüexü̃ rü guxü̃ma i ngẽma togü i ãẽ̱xgacügüga naxĩnüexü̃ca̱x! ¡Rü yaxucu̱xẽgü nax ínamemaregüxü̃ca̱x nax naxügüã̱xü̃ca̱x i guxü̃ma i ngẽma mexü̃ ixĩxü̃!

Romanos 13:1

Name nixĩ i mea norü ãẽ̱xgacüga naxĩnüe i guxü̃ma i duü̃xü̃gü. Erü Tupana nixĩ ya nüxü̃ unetacü i guxü̃ma i ãẽ̱xgacügü. Rü nataxuma i ãẽ̱xgacü i tama Tupana ingucuchixẽẽxü̃.

Wiyaegü 110:3

Rü ngẽma ngunexü̃ i curü uanügüxü̃ curüporamaegu rü curü duü̃xü̃gü rü tá cuxme̱xwa nügü nangẽxmagüxẽxẽ. Rü nimexchiruãcüma tá cupe̱xewa nangugü. Rü ngẽma curü pora rü guxü̃gutáma nitachigü ñoma pucü ya guxü̃guma pa̱xmama rüngucürüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:13

Rü yexgumarüxü̃ ta Charomóü̃maxã nüxü̃ nixu nax ñuxãcü tá naxügüãxü̃ ga Chacherdótegü rü Lebítanüxü̃ ga yexguma norü puracü naxügügu nax Tupanaxü̃ yacua̱xüü̃güxü̃. Rü namaxã nüxü̃ nixu nachiga ga guxü̃ma ga Tupanapata ga taxü̃nearü nawechigü ga namaxã tá Tupanapata ga taxü̃nearü puracü naxügüxü̃.

Ínachoxü̃xü̃chiga 35:25

Rü yema ngexü̃gü ga naxpüarü muxü̃ cua̱xgüxü̃ rü Tupanapatawa nanana ga naxpü ga waxracharaxü̃ rü naxpü ga yáuxcharaxü̃ rü naxpü ga daucharaxü̃, rü naxpü ga línuchinaxca̱x.

Ínachoxü̃xü̃chiga 31:3

Rü marü nüxna chanamu i Chauãxẽ i Üünexü̃, rü nüxna chanaxã i cua̱x nax paxãma nüxü̃ nacuáxü̃ca̱x i ta̱xacüarü ü, rü nüxü̃́ natauxchaxü̃ca̱x nax guxü̃raxü̃xü̃ i meruü̃gü naxüxü̃ i úiruwa, rü diẽrumüwa, rü bróũchewa, rü naiwa. Rü nüxna chanaxã i cua̱x nax nüxü̃ nacuáxü̃ca̱x nax nuta ya nga̱xãẽruxü̃ namexẽẽãxü̃ rü nangoraxẽẽxü̃ rü chacherdótegüchiruwa nañaxcuãxü̃ rü naguxü̃raü̃xü̃ i meruü̃gü naxüxü̃ca̱x.

Ínachoxü̃xü̃chiga 36:1

Rü nüma ga Moiché rü ñanagürü: —Ñu̱xma nax mea yanguxü̃ca̱x ya yima Tupanapata rü norü ngẽmaxü̃gü, rü pema i Becharé rü Aoriáx tá nixĩ i ngẽma puracümaxã ipecuáxü̃. Rü guxãma ya texé ya tüxü̃́ natauxchaxe nax ta̱xacürü ngẽmaxü̃güarü üxü̃ cuáxe rü guxãma ya texé ya Tupana ngẽma puracüca̱x cua̱x tüxna ãxe, rü yíxema tá tixĩ ya pexü̃ rüngü̃xẽẽgüxe i norü üwa —ñanagürü.

Ínachoxü̃xü̃chiga 36:2

Rü nüma ga Moiché rü naxca̱x naca ga Becharé rü Aoriáx, rü guxãma ga guxema tüxü̃́ natauxchaxe nax ta̱xacürü ngẽmaxü̃güarü üxü̃ cuáxe. Rü guxãma ga guxema Tupana yema puracüca̱x cua̱x tüxna ãxe rü tümaarü ngúchaü̃maxã tügü tixu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:25

Rü norü 18 rü Ananígu nangu namaxã ga nanegü rü naenexẽgü. Rü guxü̃wama 12 nixĩgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:26

Rü Cheromíx rü naenexẽgümaxã naxme̱xwa nayexmagü ga guxü̃nema ga guma ĩpatagü ga nagu nanuxü̃ne ga yema Tupanapata ga taxü̃nearü yemaxü̃gü ga ixüünexü̃ ga Dabí Tupanana naxü̃, rü wüxichigü ga Iraétanüxü̃tücumüarü ãẽ̱xgacü Tupanana naxü̃, rü yema 1,000 ga churaragüarü ãẽ̱xgacügü Tupanana naxü̃, rü yema 100 ga churaragüarü ãẽ̱xgacügü Tupanana naxü̃, rü yema togü ga churaragüarü ãẽ̱xgacügü Tupanana naxü̃.