Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:2 - Tupanaarü Ore

² Rü yexguma marü yexma nangutaque̱xegu, rü nüma ga Dabí rü inachi rü ñanagürü: —Pa Chomücügü rü Pa Chorü Duü̃xü̃güx ¡rü choxü̃́ iperüxĩnüe! Rü choma rü choxü̃́ nangúchaü̃ nax chanaxüxü̃ ya Tupanapata nax ngẽxma naxü̃́xü̃ca̱x i ngẽma baú i Tupanaarü mugü nagu nucuxü̃ nax ngéma nangẽxmaxü̃ca̱x ya Tupana. Rü yemaca̱x ga choma rü chananutaque̱xe ga yemaxü̃gü nax naxüxü̃ca̱x ya Tupanapata.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:2 Referans Kwoze

Ichaía 66:1

Tupana rü ñanagürü: —Ngẽma daxũguxü̃ i naane rü chorü tochicaxü̃ nixĩ rü ñoma i naane rü chorü chicutüchica nixĩ. ¿Rü ngexta tá nixĩ i choxü̃́ penaxüxü̃ ya wüxi ya chopata? ¿Rü ngexta tá nixĩ i choxü̃́ penaxüxü̃ i wüxi i nachica i nagu charüngü̃xü̃?

Wiyaegü 99:5

¡Rü nüxü̃ picua̱xüü̃gü ya yimá Cori ya tórü Tupana ixĩcü! ¡Rü nape̱xegu pecaxã́pü̱xügü! Erü nüma rü naxüüne.

Auxexü̃chiga 2:1

Cori ya Tupana rü poraãcü Yerucharéü̃maxã nanu, rü yemaca̱x ẽanexü̃ naétügu nanguxẽxẽ ga guma ĩane ga noxri mexẽchine. Rü yima Iraéanearü ĩane ga guxü̃nema ga Yudáanearü ĩanegüétüwa üchiréne rü Cori ya Tupana rü dauxü̃wa ne nanamu nax nagu napogüxü̃. Rü woo ga napata ga Chióü̃wa yexmane rü tama nüxna nacua̱xãchi.

Ngechuchuarü ngúexü̃gü ga yamugüxü̃arü puracüchiga 7:49

“Choma rü daxũguxü̃ i naane nixĩ i chorü tochicaxü̃ ixĩxü̃ rü ñoma i naane nixĩ i chorü chicutüruxü̃ ixĩxü̃. ¿Rü ñuxũcürüwa i nagu perüxĩnüexü̃ nax penaxüxü̃ ya wüxi ya chopata ya chaugu mexü̃ne?” ñanagürü ga Cori ya Tupana. Rü ñanagürü ta ga Tupana: “¿Tama ẽ̱xna choma yixĩxü̃ ichanaxüxü̃ ga guxü̃ma i ta̱xacü i ngẽxmaxü̃? ¿Rü ñuxãcü chi penaxüxü̃ i wüxi i nachica i nagu charüngü̃xü̃?” —ñanagürü ga norü orewa.

Wiyaegü 132:14

Rü nüma ya Tupana rü ñanagürü: —Daa nixĩ ya yima ma̱xpǘne i chanaxwa̱xene nax guxü̃guma nawa changexmaxü̃. Rü ngẽxma tá chaxãchiü̃ erü chorü me nixĩ.

Wiyaegü 22:22

Rü chauenexẽgümaxã tá cuchigaxü̃ chixu, rü curü duü̃xü̃güarü ngutaque̱xegüwa tá cuxü̃ chicua̱xüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:14

Rü dücax, choma rü pora chaxü nax chananutaque̱xexü̃ i ngẽmaxü̃gü nax naxüaxü̃ca̱x ya Cori ya Tupanapata ya taxü̃ne. Rü nangẽxma i 3,300 toneláda nagúxü̃ i úiru, rü 33,000 toneláda nagúxü̃ i diẽrumü. Rü ngẽma nax nataxü̃ i bróũche rü fieru rü ngẽmaca̱x taxucürüwama tanangugü i norü ya. Rü ngẽxgumarüxü̃ ta marü chananutaque̱xe i mürapewagü rü nutagü. Rü cumax rü tá cunaxüétü i ngẽma chanutaque̱xexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:31

Rü ñaagü nixĩ ga yema wiyaetanüxü̃ ga Dabí nüxü̃ unetaxü̃ nax paxetagümaxã rü wiyaegümaxã inacua̱xgüxü̃ca̱x nawena nax Tupanapatagu yaxǘgüãxü̃ ga yema baú ga Cori ya Tupanaarü mugü nagu nuxü̃.

Nüxíraxü̃xü̃ ga popera ga ãẽ̱xgacügüchiga 1:47

Rü ñu̱xũchi ngẽma ãẽ̱xgacügü ya Dabíarü ngü̃xẽẽruü̃gü rü ngéma naxĩ nax taãẽãcüma Charomóü̃xü̃ yanamõxẽgüxü̃ca̱x, rü namaxã nüxü̃ yaxugüxü̃ca̱x nax Tupana tá nüxü̃ rüngü̃xẽẽxü̃ nax Dabíarü yexera duü̃xü̃gümaxã inacuáxü̃. Rü ñu̱xũchi nüma ya Dabí rü norü pechicaxü̃gu nayangücuchi nax Tupanaxü̃ yacua̱xüxü̃xü̃ca̱x.

Wenaxarü naxümatü ga Tupanaarü mugü 17:20

Rü ngẽmaãcü ya yima ãẽ̱xgacü rü taxũtáma nagu narüxĩnü nax norü duü̃xü̃güxü̃ nayexeramaexü̃. Rü taxũtáma nüxna nixũgachi i ñaa mugü. Rü ngẽmaãcü i nüma rü nanegü rü mucü ya taunecü rü Iraéanearü ãẽ̱xgacügü tá nixĩgü.

Wenaxarü naxümatü ga Tupanaarü mugü 17:15

Rü ngẽxguma tá nüxü̃ pexunetagu i wüxi i perü ãẽ̱xgacü i réi, rü name i nüxü̃ pexuneta i wüxi i petanüxü̃tama i Cori ya perü Tupana nüxü̃ unetaxü̃. Rü tama name i nüxü̃ pexuneta i wüxi i duü̃xü̃ i to i nachixü̃anecüã̱x i tama petanüxü̃ ixĩxü̃.

Naanearü ügüchiga 48:2

Rü yexguma Acóbumaxã nüxü̃ yaxugüegu nax nane ga Yúche rü yéma nanguxü̃ nax íyadauãxü̃ca̱x, rü nüma ga Acóbu rü nügü ínayaporaãchi, rü ínarüto ga norü pechicaxü̃wa.

Nüxíraxü̃xü̃ ga popera ga ãẽ̱xgacügüchiga 5:3

—Cuma nüxü̃ cucua̱x ga gumá chaunatü ga Dabí nax taxucürüwama naxüaxü̃ ga guma Cori ya Tupanapata ya taxü̃ne nagagu ga yema dai ga nagu tamaxü̃xü̃, ñu̱xmata Cori ya Tupana tümame̱xẽwa nayexmagüxẽxẽ ga yema tümaarü uanügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:4

—¡Ẽcü yimá chorü duü̃ ya Dabíxü̃tawa naxũ rü namaxã nüxü̃ ixu rü choma ya Cori ya Tupana rü marü ñacharügü nüxü̃: “Taxũtáma cuma nixĩ i cunaxüxü̃ ya yima ĩpata ya taxü̃ne ya nawa tá changexmane!

Norü taxre ga to ga popera ga ãẽ̱xgacügüchiga ümatüxü̃ 6:7

Rü nüma ga gumá chaunatü ga Dabí rü nüxü̃́ nangúchaü̃ nax naxüaxü̃ ya wüxi ya ĩpata ya taxü̃ne naxca̱x ya Cori ya Iraétanüxü̃arü Tupana.

Ichaía 60:13

Rü Tupana rü Yerucharéü̃cüã̱xgüxü̃ ñanagürü: —Guxü̃ma i naigü i mürapewa i mexü̃ i Líbanuwa ngẽxmagüxü̃ i pinugü rü abétugü rü chipregü rü tá norü nga̱xãẽruxü̃ nixĩgü ya chopata ya taxü̃ne i ngextá íchachixü̃wa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:6

Rü yemawena rü nüma ga Dabí rü nane ga Charomóü̃ca̱x naca rü namaxã nüxü̃ nixu nax nüma naxüaxü̃ca̱x ga guma ĩpata ga taxü̃ne ga Cori ya Iraétanüxü̃arü Tupanaarü ixĩxü̃ne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:7

Rü yexguma ga Dabí rü Charomóü̃xü̃ ñanagürü: —Pa Chaunex, choxü̃́ nangúchaü̃ nax chanaxüxü̃ ya wüxi ya ĩpata ya taxü̃ne naxca̱x ya Cori ya chorü Tupana.

Wiyaegü 110:1

Rü nüma ya Tupana rü chorü Corixü̃ ñanagürü: —¡Chorü tügünecüwawa rüto rü ñu̱xmatáta i ngẽma curü uanügü rü curü chicutüxü̃ chayaxĩxẽẽgü! —ñanagürü.

Echequié 43:7

Rü choxü̃ ñanagürü: —Ñaa nixĩ i cha̱u̱xma̱xwe̱xechica, rü nachica i nagu chacuaixcutüxü̃. Rü ñaa nachicawa tá nixĩ i guxü̃gutáma Iraégütanügüwa chamaxü̃xü̃. Rü woo Iraétanüxü̃, rü woo norü ãẽ̱xgacügü rü taxũtáma wena norü tupananetagüca̱x nanaxãũãchixẽxẽ i chauéga i üünexü̃. Rü taxũtáma norü ãẽ̱xgacügü i yuexü̃chique̱xewa naxĩ nax nüxü̃ yacua̱xüü̃güxü̃ca̱x.

Ore i mexü̃ ga Matéu ümatüxü̃ 25:16

Rü yema norü duü̃xü̃ ga 5,000 tachinü ga diẽru ngĩxü̃ yaxuxü̃, rü ngĩmaxã napuracü, rü nai ga 5,000 tachinü ngĩmaxã nayaxu.