Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:13 - Tupanaarü Ore

¹³ Rü yexgumarüxü̃ ta Charomóü̃maxã nüxü̃ nixu nax ñuxãcü tá naxügüãxü̃ ga Chacherdótegü rü Lebítanüxü̃ ga yexguma norü puracü naxügügu nax Tupanaxü̃ yacua̱xüü̃güxü̃. Rü namaxã nüxü̃ nixu nachiga ga guxü̃ma ga Tupanapata ga taxü̃nearü nawechigü ga namaxã tá Tupanapata ga taxü̃nearü puracü naxügüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:13 Referans Kwoze

Édra 8:33

Rü yexguma norü ãgümücü ga ngunexü̃wa nanguxgu nixĩ ga Tupanapata ga taxü̃ne ga Yerucharéü̃wa yexmanewa itanayáxü̃ rü chacherdóte ga Meremóx ga Uría nanena tananaxü̃ ga yema diẽrumü rü úiru rü yemaxü̃gü. Rü yéma nayexmagü ta ga chacherdóte ga Meremóxmücügü ga Ereachá ga Fineéx nane, rü yema taxre ga Lebítanüxü̃ ga Yochabá ga Yochué nane rü Noadía ga Binuí nane.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:6

Rü Dabí rü tomaepü̱xtücumügu inayanu ga yema Lebítanüxü̃. Rü wüxitücumü nixĩ ga Lebí nane ga Guerchóü̃tücumü, rü to nixĩ ga Lebí nane ga Queáxtücumü, rü to nixĩ ga Lebí nane ga Merarítücumü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:29

Rü togü ga dauxü̃taeruü̃gü rü namaxã inacua̱xgü ga yema to ga nawechigü, rü yema yemaxü̃gü ga ixüünexü̃, rü trigute̱xe, rü bínu, rü chíxü̃ ga baeruruxü̃, rü pumarate̱xe ga guruxü̃, rü to ga pumaragü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:14

Rü yexgumarüxü̃ ta Charomóü̃na nanaxã ga yema úirugü rü diẽrumügü ga nagu mexü̃ nax yemawa naxügüã̱xü̃ca̱x ga guxü̃ma ga Tupanapata ga taxü̃nearü yemaxü̃gü ga úirunaxca̱x rü diẽrumünaxca̱x nax yemamaxã Tupanaxü̃ yacua̱xüü̃güxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:21

Rü ñaagü nixĩ i ngẽma chacherdótegü rü Lebítanüxü̃. Rü nüma rü ínamemaregü nax naxügüãxü̃ca̱x i Tupanapata ya taxü̃nearü puracü. Rü ngẽxgumarüxü̃ ta ínamemaregü i ngẽma puracütanüxü̃ i nüxü̃ icua̱xüchixü̃ nax ñuxãcü ta̱xacü naxügüxü̃. Rü ãẽ̱xgacügü rü guxü̃ma i duü̃xü̃gü rü ínamemaregü nax cuxü̃ nangü̃xẽẽgüxü̃ —ñanagürü.