Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:12 - Tupanaarü Ore

¹² Rü yexgumarüxü̃ ta nüxna nanaxãpane nax ñuxãcü tá naxüaxü̃ ga naã̱xtügü ga guma Tupanapata ga taxü̃ne, rü yema pegüchicagü ga nacüwawa yexmagüxü̃, rü yema ucapugü ga Tupanapata ga taxü̃nearü yemaxü̃gü ga tatanüxü̃ nagu nuxü̃, rü yema ucapugü ga duü̃xü̃gü norü ãmaregü Tupanaca̱x nagu yanuxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:12 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:20

Rü yema togü ga Lebítanüxü̃ rü norü puracü nixĩ nax nüxna nadaugüxü̃ ga Tupanapata ga taxü̃nearü diẽrugü rü ñu̱xũchi yema ucapugü ga Tupana ga taxü̃nearü ãmaregü ga üünexü̃ nagu nuxü̃.

Popera ga Yudíugü ga yaxõgüxü̃ca̱x ümatüxü̃ 8:5

Natürü ngẽma ñoma i naanewa naxügüxü̃ i ngẽma chacherdótegü, rü naxca̱x nadauxü̃taegümare i ngẽma daxũguxü̃ i naanewa ngẽxmaxü̃. Rü meama nüxü̃ tacua̱x i ngẽma, yerü yexguma Moiché naxüxchaü̃gu ga Tupanapata, rü Tupana rü ñanagürü nüxü̃: “¡Dücax, mea nangugü i ngẽma cua̱xruxü̃ ga cuxü̃ chawéxü̃ ga ma̱xpǘne ga Chinaíwa! Rü chanaxwa̱xe i ngẽmaãcü cunaxüxü̃ ya yima chopata”, ñanagürü.

Norü taxre ga popera ga ãẽ̱xgacügüchiga 18:15

Rü nüma ga Echequía rü ngĩxü̃ inaxã ga guxcüma ga diẽru ga Tupanapata ga taxü̃newa yexmacü rü guxcüma ga diẽru ga ãẽ̱xgacüpatawa yexmacü.

Nüxíraxü̃xü̃ ga popera ga ãẽ̱xgacügüchiga 15:18

Rü yemaca̱x ga nüma ga Achá rü nanade ga guxü̃ma ga yema úiru rü diẽru ga Tupanapata ga taxü̃negu rü ãẽ̱xgacüpatagu namaxã nanguxü̃güxü̃. Rü norü churaragüeruna nanana nax Chíriaarü ãẽ̱xgacü ga Ben-adáxü̃tawa nanaaxü̃ca̱x ga Damácuwa. Rü nüma ga Ben-adáxü̃ rü Tabimóü̃ nane nixĩ rü Echióü̃ nataxa nixĩ. Rü Damácugu nixĩ ga naxãpataxü̃. Rü Achá rü Ben-adáxü̃tawa namuga, rü ñanagürü ga yema ore:

Nüxíraxü̃xü̃ ga popera ga ãẽ̱xgacügüchiga 15:15

Rü Tupanapata ga taxü̃newa nanana ga guxü̃ma ga yemaxü̃gü ga úirunaxca̱x rü diẽrumünaxca̱xgü ga ü̃pa Cori ya Tupanana naxuaxü̃xü̃ ga nüma rü nanatü.

Ínachoxü̃xü̃chiga 31:2

—Dücax, rü Yudátanüxü̃tanüwa rü chanayaxu ya Becharé ya Urí nane ya Úrutaxa ixĩcü.

Ínachoxü̃xü̃chiga 25:40

Rü ngẽmatama ma̱xpǘnewa cuxü̃ chawéxü̃ãcü tá mea cunaxü —ñanagürü ga Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:11

Rü yexguma nüma ga Dabí rü nane ga Charomóü̃na nanaxã ga napane ga guma Tupanapata ga taxü̃ne nax ñuxãcü tá naxüaxü̃. Rü yéma rü nango̱x nax ñuxãcü tá naxüaxü̃ ga norü ücuchica, rü napatagü, rü norü ngẽmaxü̃güarü nuchicaxü̃gü, rü norü ã̱ũ̱xchicaxü̃gü i daxũwa ngẽxmagüxü̃, rü norü ucapugü i aixepewa ügüxü̃, rü ngẽma naxmachixü̃ i Üünexüchixü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:19

Rü Dabí rü Charomóü̃xü̃ ñanagürü: —Rü guxü̃ma ga yema cumaxã nüxü̃ chixuxü̃ rü Tupana choxü̃ nüxü̃ nacua̱xẽxẽ, rü poperagu naxümatü nax yemaacü nüxü̃ chacuáxü̃ca̱x i ñuxãcü tá nax yixĩxü̃ ya napata rü norü ngẽmaxü̃gü —ñanagürü.

Echequié 40:38

Rü yema nórtewa yexmaxü̃ ga ücuchicaarü ngu̱xẽẽchicacüwawa nayexma ga wüxi ga to ga ucapu. Rü yema ucapuwa nixĩ ga yayauxgüãxü̃ ga yema naxü̃nagü ga nadaigüxü̃ ga Tupanaca̱x ínagugüchaü̃xü̃.

Nüxíraxü̃xü̃ ga popera ga ãẽ̱xgacügüchiga 7:51

Rü yexguma marü nagu̱xgu ga guxü̃ma ga yema puracü ga ãẽ̱xgacü ga Charomóü̃ üxẽẽxü̃ ga Cori ya Tupanapata ga taxü̃newa, rü nüma ga Charomóü̃ rü nanade ga yema naxpáü̃gü ga úirunaxca̱x rü diẽrumünaxca̱x ga nanatü ga Dabí Cori ya Tupanana ãxü̃. Rü yema Tupanapata ga taxü̃nearü ucapu ga Cori ya Tupanaarü yemaxü̃gü nagu nuxü̃gu nayanu.

Yeremía 35:2

—¡Natanüwa naxũ i ngẽma Recáxtanüxü̃ rü namaxã idexa! ¡Rü ñu̱xũchi wüxi i ucapu i chopatawa ngẽxmaxü̃wa nagagü rü ngéma bínu nüxna naxã! —ñanagürü.