Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:23 - Tupanaarü Ore

²³ Rü nüma ga Dabí rü tama nayaxugü ga yema tauta 20 ga taunecü nüxü̃́ yexmagüxü̃, yerü Cori ya Tupana rü marü nanaxuegu nax yamuxẽẽãxü̃ ga yema Iraétanüxü̃, ñoma ẽtagü ya daxũguxü̃ i naanewa ngẽxmagücürüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:23 Referans Kwoze

Naanearü ügüchiga 15:5

Rü ñu̱xũchi ga Cori ya Tupana rü düxétüwa Abráü̃xü̃ naga, rü ñanagürü nüxü̃: —¡Dücax, mea daxũgu nadawenü rü yaxugü ya ẽxtagü ega cuxü̃́ natauxchagu nax cuyaxugüxü̃! Rü ngẽxgumarüxü̃ tá ta nixĩ nax namuxü̃ i cutaagü —ñanagürü.

Popera ga Yudíugü ga yaxõgüxü̃ca̱x ümatüxü̃ 11:12

Rü yemaacü ga Abráü̃ rü woo marü yaxguã̱xü̃chi nax yixĩxü̃, natürü nüxü̃́ nayexma ga wüxi ga nane, rü gumáwa ne naxĩ ga muxü̃ma ga nataagü ga ñoma ẽxtagürüxü̃ muxũchixü̃, rü ñoma márpechinüwa ngẽxmacü ya naxnücü ya taxuacüma yaxugücürüxü̃ nixĩgü.

Naanearü ügüchiga 26:4

Rü tá chayamuxẽxẽ i cutaagü, rü ñoma ẽxtagü ya daxũwa mucürüxü̃ tá nixĩ nax namuxũchixü̃. Rü tá nüxna chanaxã i guxü̃táma i ñaa naane. Rü naétü tá cutaagügagu nüxü̃ charüngü̃xẽxẽxü̃ i guxü̃ma i nachixü̃anegü i ñoma i naanewa ngẽxmagüxü̃. Erü cunatü ga Abraáü̃ rü chauga naxĩnü rü nayanguxẽxẽ ga yema namaxã nüxü̃ chixuxü̃, rü chorü mugü, rü chorü ucu̱xẽgü, rü chorü ngu̱xẽẽtaegü —ñanagürü.

2 Chamué 24:1

Cori ya Tupana rü wenaxarü Iraétanüxü̃arü chixexü̃gagu nanu. Rü yemaca̱x ga nüma ga Tupana rü Dabíãẽwa nananguxẽxẽ nax Iraécüã̱xgüca̱x guxchaxü̃ ínanguxẽẽxü̃. Rü Dabíxü̃ namu nax yaxugügüãxü̃ca̱x ga guxü̃ma ga duü̃xü̃gü ga Iraéanewa rü Yudáanewa yexmagüxü̃.