Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:31 - Tupanaarü Ore

³¹ Rü yexguma marü 40 ga taunecü ãẽ̱xgacü yixĩxgu ga Dabí rü popera ga Ebróü̃tanüxü̃ nagu iwǘgüégaxü̃gu nadaugü. Rü yéma namaxã inarüxĩ nax Garaáxanewa yexmane ga ĩane ga Yachéxwa nayexmaxü̃ ga yatügü ga poraexü̃ rü tama muü̃wa̱xegüxü̃. Rü Yería nixĩ ga yema Ebróü̃tanüxü̃maxã icuáxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:31 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:19

Rü Ebróü̃ nanegü nixĩ ga Yeraía ga nüxíraü̃cü. Rü Amaría nixĩ ga norü taxre. Rü Yaachié nixĩ ga norü tomaepü̱x. Rü Yecamáü̃ nixĩ ga norü ãgümücü.

Ichaía 16:9

Rü ngẽmaca̱x nixĩ i ñu̱xma i naxca̱x chaxaxuxü̃ ga yema úbanecügu ga Chibáwa rü Yachéxwa yexmagüxü̃. Rü naxca̱x ichabagüxü̃xetü ga yema úbanecügu ga Ebóü̃wa rü Eraréwa yexmagüxü̃. Erü marü nataxuma i taãxẽ naxca̱x i norü o i buxuxü̃ rü ngẽma úbanecüwa nüxü̃ ĩnüxü̃xicatama nixĩ nax aixta naxüexü̃ i ngẽma nügü daixü̃.

Nüxíraxü̃xü̃ ga popera ga ãẽ̱xgacügüchiga 2:11

Rü 40 ga taunecü nixĩ ga Iraéanecüã̱xgüarü ãẽ̱xgacü yixĩxü̃. Rü 7 ga taunecü nixĩ ga Ebóü̃wa ãẽ̱xgacü yixĩxü̃ rü 33 ga Yerucharéü̃wa.

Yochué 13:25

Rü yema naane ga Gáxarü duü̃xü̃güna üxü̃ rü Yachéxwa inaxügü, rü namaxã nanangauxẽxẽ ga guxü̃nema ga ĩanegü ga Garaáxanewa yexmagüne. Rü naétü nüxna nanaxã ga ngãxü̃gu ga Amóü̃tanüxü̃arü naane rü ñu̱xmata nawa nangu ga guma ĩane ga Aroé ga Rabáarü to̱xma̱xtawa yexmane. Rü naétü nüxna nanaxã ga yema naane ga Ebóü̃, rü Ramáx-mispé, rü Betoníü̃arü ngãxü̃wa yexmaxü̃. Rü yexgumarüxü̃ ta nüxna nanaxã ga yema naane ga Maanaíü̃ rü Debíxwa yexmaxü̃ ga üyeanearü ngãxü̃wa.

2 Chamué 5:4

Rü nüma ga Dabí rü nüxü̃́ nayexma ga 30 ga taunecü ga yexguma ãẽ̱xgacüxü̃ yangucuchigu. Rü 40 ga taunecü nixĩ ga ãẽ̱xgacü yixĩxü̃.