Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:30 - Tupanaarü Ore

³⁰ Rü nüma ga Achabía ga Ebróü̃taxa rü namaxã inacua̱x ga 1,700 ga natanüxü̃. Rü guxü̃ma ga yema yatügü rü tama muü̃wa̱xegüxü̃ nixĩgü. Rü nümagü nixĩ ga nüxna nadaugüxü̃ ga guxü̃ma ga Tupanaarü puracü rü ãẽ̱xgacüarü puracü natanüwa ga yema Iraétanüxü̃ ga Yudáü̃arü oéstewaama yexmagüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:30 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:17

Rü yema Lebítücumümaxã icuáxü̃ nixĩ ga Achabía ga Quemué nane. Rü yema Aróü̃tanüxü̃maxã icuáxü̃ nixĩ ga Chadóx.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:19

Rü Ebróü̃ nanegü nixĩ ga Yeraía ga nüxíraü̃cü. Rü Amaría nixĩ ga norü taxre. Rü Yaachié nixĩ ga norü tomaepü̱x. Rü Yecamáü̃ nixĩ ga norü ãgümücü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:12

Rü Queáx nanegü rü ta rü ãgümücü nixĩ: Amráü̃, rü Ichá, rü Ebróü̃ rü Uchié.

Iraétanüxü̃arü muxchiga 3:27

Rü yema Amráü̃tanüxü̃, rü Ichátanüxü̃, rü Ebróü̃tanüxü̃, rü Uchiétanüxü̃, rü yemagü rü Queáxtanüxü̃ nixĩgü.

Norü taxre ga to ga popera ga ãẽ̱xgacügüchiga ümatüxü̃ 19:11

Rü yima chacherdóte ya Amaría tá nixĩ ya namaxã icuácü i guxü̃ma i ta̱xacü i Tupanaarü mugüchiga ixĩxü̃. Rü Chebadía ya Ismaé nane ya Yudátanüxü̃arü ãẽ̱xgacü tá nixĩ ya namaxã icuácü i guxü̃ma i ta̱xacü i ñoma i naanearü mugüchiga ixĩxü̃. Rü ngẽma Lebítanüxü̃ tá nixĩ i perü ngü̃xẽẽruü̃gü. ¡Rü piporaãxẽtanücüxü̱x, rü peyapuracüe! Rü Cori ya Tupana rü tá tümamaxã nangẽxma ya yíxema mea naxǘxe i ngẽma puracü —ñanagürü.