Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:26 - Tupanaarü Ore

²⁶ Rü Cheromíx rü naenexẽgümaxã naxme̱xwa nayexmagü ga guxü̃nema ga guma ĩpatagü ga nagu nanuxü̃ne ga yema Tupanapata ga taxü̃nearü yemaxü̃gü ga ixüünexü̃ ga Dabí Tupanana naxü̃, rü wüxichigü ga Iraétanüxü̃tücumüarü ãẽ̱xgacü Tupanana naxü̃, rü yema 1,000 ga churaragüarü ãẽ̱xgacügü Tupanana naxü̃, rü yema 100 ga churaragüarü ãẽ̱xgacügü Tupanana naxü̃, rü yema togü ga churaragüarü ãẽ̱xgacügü Tupanana naxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:26 Referans Kwoze

2 Chamué 8:11

Rü nüma ga Dabí rü Tupanana nanaxuaxü̃ ga yema yemaxü̃gü ga diẽrumünaxca̱x rü úirunaxca̱x rü bróũchenaxca̱x ga yema nachixü̃anegü ga nüxü̃ naporamaexü̃wa napuxü̃xü̃ ga Edóü̃wa, rü Moáwa, rü Amóü̃wa, rü Firitéugütanüwa rü Amaréxtanüxü̃wa. Rü yexgumarüxü̃ ta Tupanana nanaxuaxü̃ ga yema yemaxü̃gü ga Reóx nane ga Adáx-éche ga Chobáarü ãẽ̱xgacüna napuxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:14

Rü dücax, choma rü pora chaxü nax chananutaque̱xexü̃ i ngẽmaxü̃gü nax naxüaxü̃ca̱x ya Cori ya Tupanapata ya taxü̃ne. Rü nangẽxma i 3,300 toneláda nagúxü̃ i úiru, rü 33,000 toneláda nagúxü̃ i diẽrumü. Rü ngẽma nax nataxü̃ i bróũche rü fieru rü ngẽmaca̱x taxucürüwama tanangugü i norü ya. Rü ngẽxgumarüxü̃ ta marü chananutaque̱xe i mürapewagü rü nutagü. Rü cumax rü tá cunaxüétü i ngẽma chanutaque̱xexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:11

Rü nüma ga Dabí rü Tupanana nanana ga yema yemaxü̃gü. Rü wüxigu inanana namaxã ga yema úiru rü diẽrumü ga nüxna napuxü̃ ga Edóü̃tanüxü̃ rü Moátanüxü̃ rü Amóü̃tanüxü̃ rü Firitéugü rü Amaréxtanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:25

Rü yema Chebuéenexẽ ga Eriéchetanüxü̃ ixĩgüxü̃ nixĩgü ga Reabía ga Eriéche nane, rü Ichaía ga Reabía nane, rü Yoráü̃ ga Ichaía nane, rü Chicrí ga Yoráü̃ nane rü Cheromíx ga Chicrí nane.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:27

Rü yema yemaxü̃gü ga norü uanügüna napuxü̃xü̃wa nixĩ ga Tupanana nanaaxü̃ nax yemamaxã namexẽẽgüãxü̃ca̱x ga Tupanapata ga taxü̃ne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:14

Rü yema Lebítanüxü̃ ga norü ĩaneca̱x woeguxü̃tanüwa nayexma ga Chemaía ga Achúx nane. Rü Achúx rü Aricáü̃ nane nixĩ, rü Aricáü̃ rü Achabía nane nixĩ, rü Achabía rü Merarítanüxü̃ nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:21

Rü ñaagü nixĩ i ngẽma chacherdótegü rü Lebítanüxü̃. Rü nüma rü ínamemaregü nax naxügüãxü̃ca̱x i Tupanapata ya taxü̃nearü puracü. Rü ngẽxgumarüxü̃ ta ínamemaregü i ngẽma puracütanüxü̃ i nüxü̃ icua̱xüchixü̃ nax ñuxãcü ta̱xacü naxügüxü̃. Rü ãẽ̱xgacügü rü guxü̃ma i duü̃xü̃gü rü ínamemaregü nax cuxü̃ nangü̃xẽẽgüxü̃ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 23:8

Rü yexguma ga guxü̃ma ga yema Lebítanüxü̃ rü guxü̃ma ga yema Yudáanecüã̱x ga duü̃xü̃gü rü yema chacherdóte ga Yoiadá nüxü̃ ixuxü̃ãcü nanaxügü. Rü wüxichigü ga yema Lebítanüxü̃arü ãẽ̱xgacü rü meama norü duü̃xü̃gümaxã inacua̱x. Rü nüma ga Yoiadá rü namaxã nüxü̃ nixu nax tama íyaxĩxü̃ca̱x ga yema marü rüngü̃güxü̃ ga nax nadauxü̃taegüxü̃ rü yexmatama narücho naxü̃tagu ga yema yexwacax ngü̃chigaarü ngunexü̃gu ichocuxü̃ nax nadauxü̃taegüxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 31:2

Rü yemawena ga Echequía rü nüxü̃ nayanu ga yema puracü ga nüxna ixüchigüxü̃ ga yema chacherdótegü rü Lebítanüxü̃. Rü yexgumarüxü̃ ta nüxü̃ nayanu ga norü ngunexü̃gü ga nagu tá naxügüãxü̃ ga norü puracü. Rü chacherdótegüna nanaxã ga puracü nax wüxichigü ga ngunexü̃gu ãmarearü guruü̃wa ãmaregü ínagugüxü̃, rü yexgumarüxü̃ ta nax yagugüãxü̃ ga yema ãmaregü ga Tupanaarü ngüxmüxẽẽruü̃gü. Rü yema Lebítanüxü̃na nanaxã ga norü puracü nax Tupanana moxẽ naxãgüxü̃ rü nüxü̃ yacua̱xüü̃güxü̃. Rü yema totücumü ga Lebítanüxü̃ rü nüxna nanaxã ga norü puracü nax Tupanapata ga taxü̃neaarü ĩã̱xgüna nadaugüxü̃.

Édra 2:42

Rü yema ĩã̱xarü dauruü̃gü ga Charúü̃taagü, rü Atétaagü, rü Tamóü̃taagü, rü Acúxtaagü, rü Atitátaagü, rü Chobaítaagü rü 139 nixĩ.

Neemía 12:45

Rü yema chacherdótegü rü Lebítanüxü̃ nixĩ ga wüxigu yema wiyaetanüxü̃maxã rü ĩã̱xgüarü dauruü̃gümaxã naxügüxü̃ nax Tupanaxü̃ yacua̱xüü̃güxü̃. Rü yexgumarüxü̃ ta nanaxügü nax Tupanape̱xewa nügü yamexẽẽgüxü̃ yema Dabí rü nane ga Charomóü̃ namuxü̃rüxü̃.