Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:16 - Tupanaarü Ore

¹⁶ Rü Chupína rü Ochána nixĩ ga naxüxü̃ ga yema oéstewaama üxü̃ ga ĩã̱x ga Charéquexarü ĩã̱xgu ãégaxü̃. Rü yéma nayexma ga yema nama ga Tupanapata ga taxü̃neca̱x nawa íixüãchixü̃. Rü yema puracü rü yemaacü nixĩ ga nügü yanuaxü̃:

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:16 Referans Kwoze

Neemía 12:24

Rü yema Lebítanüxü̃maxã icua̱xgüxü̃ rü ñaagü nixĩ: Achabía, rü Cherebía, rü Yochué ga Caxmié nane. Rü yexguma nawa nanguxgu nax nawiyaegüxü̃ rü nüma ga natanüxü̃ rü nape̱xegu nayachigü nax Cori ya Tupanaxü̃ yacua̱xüü̃güxü̃ca̱x rü moxẽ nüxna naxãgüxü̃, gumá Dabí ga Cori ya Tupanaarü duü̃ ixĩcü namugüxü̃ãcüma.

Norü taxre ga to ga popera ga ãẽ̱xgacügüchiga ümatüxü̃ 9:4

Rü yexgumarüxü̃ ta namaxã ibaixãchi ga yema maixcuraxü̃gü ga norü mechawa inuagüxü̃, rü norü ucapugü ga norü ngü̃xẽẽruü̃gü, rü nacümagü rü naxchirugü ga nagu yacu̱xgüxü̃ ga naxü̃taxü̃gü rü norü baeruü̃gü. Rü yexgumarüxü̃ ta namaxã ibaixãchi ga guma toxṍõne ga nawa Tupanapata ga taxü̃negu naxĩnagüne rü yema ãmaregü ga Tupanapata ga taxü̃newa yexmagüxü̃ ga Charomóü̃ Tupanana ãxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:8

Rü guxü̃ma ga yemagü rü sortéuãcü nüxü̃ nayanu ga norü puracü, rü woo yaxü̃ rü woo ngextü̱xüxü̃ rü woo ngúexẽẽruü̃gü rü woo ngúetanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:15

Rü Obéx-edóü̃gu nangu nax nüxna nadauxü̃ ga yema ĩã̱x ga súrwaama üxü̃. Rü nanegügu nangu nax nüxna nadaugüxü̃ca̱x ga guma Tupanapata ga taxü̃neaarü ngẽmaxü̃güpata.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:17

Rü wüxichigü ga ngunexü̃gu rü 6 ga Lebítanüxü̃ nixĩ ga nüxna daugüxü̃ ga yema ĩã̱x ga éstewaama üxü̃. Rü ãgümücü ga Lebítanüxü̃ nixĩ ga nüxna daugüxü̃ ga yema ĩã̱x ga nórtewaama üxü̃. Rü ãgümücü ga Lebítanüxü̃ nixĩ ga nüxna daugüxü̃ ga yema ĩã̱x ga súrwaama üxü̃. Rü wüxichigü ga guma ĩpatagü ga nagu nanuxũne ga Tupanapata ga taxü̃nearü yemaxü̃gü rü taxrechigü ga Lebítanüxü̃ nixĩ ga nüxna daugüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:18

Rü Tupanapata ga taxü̃nearü oéstewaama rü nayexma ga ãgümücü ga Lebítanüxü̃ ga nüxna daugüxü̃ ga yema nama ga nawa Tupanapata ga taxü̃newa inguxü̃. Rü nayexma ga taxre ga Lebítanüxü̃ ga nüxna daugüxü̃ ga naa̱xtü.