Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:1 - Tupanaarü Ore

¹ Rü yexguma yanuagu nax ĩã̱xgüna nadaugüxü̃, rü ñaagü nixĩ ga yema nagu nanguxü̃ nax ĩã̱xgüarü dauruü̃gü yixĩgüxü̃ca̱x: Rü yema Corétanüxü̃tanüwa rü Coré nane ga Mecheremíagu nangu. Rü Coré nanatü nixĩ ga Achá.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:1 Referans Kwoze

Wiyaegü 49:1

¡Dücax, Pa Guxü̃ma i Duü̃xü̃gü i Ñoma i Naanewa Maxẽxü̃x, rü mea iperüxĩnüe i ñaa ore!

Wiyaegü 44:1

Pa Tupanax, tomatama nüxü̃ taxĩnüchiga ga yema taxü̃ ga mexü̃ ga nũxcüma cuxüxü̃. Yerü torü o̱xigü rü tomaxã nüxü̃ nixugüe ga yema mexü̃gü ga nũxcüma curü poramaxã cuxüxü̃.

Norü taxre ga to ga popera ga ãẽ̱xgacügüchiga ümatüxü̃ 23:19

Rü nüma ga Yoiadá rü yexgumarüxü̃ ta yexma nanamugü ga ĩã̱xarü dauruü̃gü nax nüxna nadaugüxü̃ca̱x ga Tupanapata ga taxü̃nearü ĩã̱xgü nax taxúxema ixücuxü̃ca̱x ya wüxíe ya tama Tupanape̱xewa tügü mexeẽ́xe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:18

Rü yexgumarüxü̃ ta nüxü̃ naxunetagü ga Lebítanüxü̃ ga yema tomaepü̱x ga paxetatanüxü̃arü ngü̃xẽẽruü̃gü. Rü yemagü nixĩ ga Chacaría, rü Yaachié, rü Chemiramóx, rü Yeié, rü Uní, rü Eriá, rü Benaía, rü Maachía, rü Matatía, rü Eriferéu rü Meneía. Rü nüxü̃ naxunetagü ta ga yema Tupanapataarü ĩã̱xarü dauruü̃gü ga Obéx-edóü̃ rü Yeié.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:37

rü Chofonía rü Taxáx nane nixĩ, rü Taxáx rü Achí nane nixĩ, rü Achí rü Ebiachá nane nixĩ, rü Ebiachá rü Coré nane nixĩ,

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:31

Rü norü 24 rü Romámti-échegu nangu namaxã ga nanegü rü naenexẽgü. Rü guxü̃wama 12 nixĩgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:2

Rü Mecheremía nane ga yacü nixĩ ga Chacaría. Rü norü taxrewa ücü ga nane nixĩ ga Yediaé. Rü norü tomaepü̱xwa ücü ga nane nixĩ ga Chebadía. Rü norü ãgümücüwa ücü ga nane nixĩ ga Yanié. Rü norü wüxime̱e̱xpü̱xwa ücü ga nane nixĩ ga Eráü̃. Rü norü 6 wa ücü ga nane nixĩ ga Yoanáü̃ rü norü 7 wa ücü ga nane nixĩ ga Erioenái.

Norü taxre ga to ga popera ga ãẽ̱xgacügüchiga ümatüxü̃ 8:14

Rü yexgumarüxü̃ ta yema nanatü ga Dabí namaxã nüxü̃ ixuxü̃ãcü rü Charomóü̃ rü nüxü̃ nayanu ga norü puracü ga yema chacherdótegü. Rü nüxü̃ nayanu ga norü puracü ga yema Lebítanüxü̃ nax wüxichigü ga ngunexü̃gu rü chacherdótegüxü̃ nangü̃xẽẽgüxü̃ca̱x rü namaxã inacua̱xgüxü̃ca̱x ga Tupanaarü cua̱xüxü̃gü. Rü yexgumarüxü̃ ta nüxü̃ nayanu ga norü puracü ga yema ĩã̱xarü dauruü̃gü ga wüxichigü ga ĩã̱xwa, yerü yemaacü nixĩ ga nüxü̃ yaxuxü̃ ga Tupanaarü duü̃ ga Dabí.

Echequié 44:11

Rü ngẽma Lebítanüxü̃ tá nixĩ i chopatawa puracüexü̃, rü chopataarü ĩã̱xarü dauruü̃gü yaxĩgüxü̃, rü naxügüãxü̃ i ngẽma to i puracü i chopatawa ngẽxmaxü̃. Rü nümagü tá nixĩ i nadaiaxü̃ i ngẽma naxü̃nagü i Tupanaca̱x íguxü̃ rü ngẽma naxü̃nagü i duü̃xü̃gü Tupanana ãmaregüxü̃. Rü nümagü tá ínamemaregü nax duü̃xü̃güxü̃ nangü̃xẽẽgüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:14

Rü yema Lebítanüxü̃ ga norü ĩaneca̱x woeguxü̃tanüwa nayexma ga Chemaía ga Achúx nane. Rü Achúx rü Aricáü̃ nane nixĩ, rü Aricáü̃ rü Achabía nane nixĩ, rü Achabía rü Merarítanüxü̃ nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:5

Rü nüxü̃ naxuneta ga to ga 4,000 nax ĩã̱xarü dauruü̃gü yixĩgüxü̃ca̱x, rü to ga 4,000 nax Cori ya Tupanaxü̃ yacua̱xüü̃güxü̃ca̱x namaxã ga yema paxetaruü̃gü ga Dabí woetama yemaca̱x duü̃xü̃güxü̃ íxüxü̃xẽẽxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:9

Rü Mecheremía nanegü rü naenexẽgü rü 18 ga yatügü ga iporaexü̃ rü tama muü̃wa̱xexü̃ nixĩgü.