Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:6 - Tupanaarü Ore

⁶ Rü nanatü ga Emáü̃ nixĩ ga namaxã icuáxü̃ ga yema nanegü ga yexguma platíyugümaxã rü árpaxacügümaxã rü árpagü ga taxü̃maxã napaxetagüãcüma Tupanapata ga taxü̃newa nawiyaegügu. Rü nüma ga Achá rü Yedutúü̃ rü Emáü̃ rü ãẽ̱xgacü ga Dabíarü muwa nayexmagü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:6 Referans Kwoze

Colosenses 3:16

Rü name nixĩ i guxü̃guma peãẽwa nangẽxma i Cristuarü ore i taãxẽ pexna ãxü̃. Rü name nixĩ i nüxü̃ pecuáãcüma ngẽma oremaxã pegü pengúexẽxẽ rü pegü pixucu̱xẽgü. Rü name nixĩ i Tupanana moxẽ pexãgüãcüma nagu pewiyaegü i naguxü̃raü̃xü̃ i norü wiyaegü.

Efesios 5:19

Rü name nixĩ i Tupanaarü orechigagu rü norü wiyaegügu pegümaxã pidexagü rü pegümaxã nüxü̃ pixu. Rü name nixĩ i naguxü̃raü̃xü̃ i norü wiyaegügu pewiyaegü, nax ngẽmaãcü guxü̃ne ya perü maxü̃nemaxã tórü Corixü̃ picua̱xüü̃güxü̃ca̱x.

Wiyaegü 68:25

Rü ngẽma wiyaegüxü̃ rü nape̱xegu naxãgü, rü ngẽma paxetagüxü̃ rü wixweama naxãgü, rü ngẽma paxü̃gü i paü̃déru pagüxü̃ rü ngãxü̃tanügu naxãgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:5

Rü nüxü̃ naxuneta ga to ga 4,000 nax ĩã̱xarü dauruü̃gü yixĩgüxü̃ca̱x, rü to ga 4,000 nax Cori ya Tupanaxü̃ yacua̱xüü̃güxü̃ca̱x namaxã ga yema paxetaruü̃gü ga Dabí woetama yemaca̱x duü̃xü̃güxü̃ íxüxü̃xẽẽxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:22

Rü Quenanía nixĩ ga yema paxetatanüxü̃maxã rü wiyaetanüxü̃maxã icuáxü̃ ga yexguma yema Lebítanüxü̃ yangegügu ga yema Tupanaarü mugüchixü̃ ga baú. Yerü nüma ga Quenanía rü wüxi ga yatü ga nüxü̃ cuácü nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:19

Rü nüma ga yema wiyaeruü̃gü ga Emáü̃ rü Acháx rü Etáü̃ nixĩgü ga yema platiyuarü paxruü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:16

Rü ñu̱xũchi nüma ga Dabí rü yema Lebítanüxü̃maxã icua̱xgüxü̃xü̃ namu nax nüxü̃ naxunetagüxü̃ca̱x ga wiyaetanüxü̃ rü paxetatanüxü̃ nax taãẽãcüma norü ngúchaü̃maxã napaxgüãxü̃ca̱x ga paxetaruü̃gü ga árpagü ga ixíraxü̃, rü árpagü ga ítáxü̃, rü platíyugü.

2 Chamué 6:5

Rü nüma ga Dabí rü guxü̃ma ga Iraétanüxü̃maxã Cori ya Tupanape̱xegu naxĩ. Rü guxü̃ma norü taãẽmaxã nawiyaegü, rü íniyüxüe. Rü paxetaruü̃gü ga árpagümaxã rü árpa i íxraxü̃gümaxã rü paü̃derugümaxã rü arugümaxã rü platíyugümaxã nipaxetatanü.

Norü taxre ga to ga popera ga ãẽ̱xgacügüchiga ümatüxü̃ 29:25

Rü nüma ga Echequía rü guma Tupanapata ga taxü̃negu nanamugü ga Lebítanüxü̃ ga platíyugümaxã rü árpagümaxã rü árpaxacügümaxã paxetagüxü̃. Rü yemaacü nixĩ ga Dabímaxã rü Tupanaarü orearü uruü̃gü ga Gáxmaxã rü Natáü̃maxã nüxü̃ yaxuxü̃ ga Cori ya Tupana.

Nüxíraxü̃xü̃ ga popera ga ãẽ̱xgacügüchiga 10:12

Rü nüma ga ãẽ̱xgacü rü yema naixpütawa nanade ga mürapewagü naxca̱x ga Tupanapata ga taxü̃nearü baráü̃da rü napataarü baráü̃da. Rü yexgumarüxü̃ ta yema naiwa nanaxü ga árpagü rü árpaxacügü naxca̱x ga norü paxetaruü̃gü. Rü ü̃paacü rü ñu̱xma rü ta rü taguma yéma nangugü rü bai ñuxgu nüxü̃ tadau ga yexgumaepü̱x ga nai ga cháü̃darupüta.

Norü taxre ga to ga popera ga ãẽ̱xgacügüchiga ümatüxü̃ 20:28

Rü yexguma Yerucharéü̃wa nangugügu rü Tupanapata ga taxü̃newa naxĩ, rü árpagü rü árpaxacügü rü cornétagümaxã nipaxetatanü.

Norü taxre ga to ga popera ga ãẽ̱xgacügüchiga ümatüxü̃ 23:13

Rü Yoáxü̃ idau nax gumá caxta ga Tupanapataca̱x íxücuxü̃wa yexmanexü̃tagu nachixü̃. Rü yexgumarüxü̃ ta nüxü̃ idau ga yema churaragüerugü ga nacüwagu chigüxü̃ rü yema paxetatanüxü̃ ga nacüwawa yexmagüxü̃. Rü guxü̃ma ga yema duü̃xü̃gü rü nataãẽgü rü norü cornétagügu nicuegü. Rü yema wiyaetanüxü̃ rü norü paxetaruü̃gümaxã napaxetagü rü norü wiyaegümaxã Tupanaxü̃ nicua̱xüü̃gü. Rü yexguma yemaxü̃ nada̱u̱xgu ga ngĩma ga Ataría rü ngĩgü irügáutechiru rü aita ixü rü ngĩgürügü: —¡Taechitawa̱xegüxü̃. Taechitawa̱xegüxü̃! —ngĩgürügü.

Norü taxre ga to ga popera ga ãẽ̱xgacügüchiga ümatüxü̃ 29:13

Rü Erichapáü̃tanüxü̃wa rü Chimrí rü Yeié nixĩ. Rü Achátanüxü̃wa rü Chacaría rü Matanía nixĩ.

Neemía 11:17

Rü to ga Lebítanüxü̃ rü Matanía nixĩ. Rü Matanía nanatü nixĩ ga Micaía, rü Micaía nanatü nixĩ ga Chadí, rü Chadí nanatü nixĩ ga Achá. Rü Matanía nixĩ ga namaxã icuáxü̃ ga yema wiyaetanüxü̃ ga Tupanaxü̃ icua̱xüü̃güxü̃ rü moxẽ ixãgüxü̃ ga yexguma yumüxẽarü orawa nanguxgu. Rü norü ngü̃xẽẽruxü̃ nixĩ ga Babuquía. Rü nüma nixĩ ga naenexẽ ga yacüxü̃ nabumaexü̃. Rü to ga Mataníaarü ngü̃xẽẽruxü̃ nixĩ ga Adá ga Chamúa nane. Rü Chamúa nanatü nixĩ ga Gará, rü Gará nanatü nixĩ ga Yedutúü̃.

Neemía 12:24

Rü yema Lebítanüxü̃maxã icua̱xgüxü̃ rü ñaagü nixĩ: Achabía, rü Cherebía, rü Yochué ga Caxmié nane. Rü yexguma nawa nanguxgu nax nawiyaegüxü̃ rü nüma ga natanüxü̃ rü nape̱xegu nayachigü nax Cori ya Tupanaxü̃ yacua̱xüü̃güxü̃ca̱x rü moxẽ nüxna naxãgüxü̃, gumá Dabí ga Cori ya Tupanaarü duü̃ ixĩcü namugüxü̃ãcüma.

Neemía 12:46

Yerü nũxcüma ga yexguma Dabí rü Achá maxẽgu, rü nayexma ga ãẽ̱xgacügü ga wiyaetanüxü̃maxã icua̱xgüxü̃. Rü yemagü nixĩ ga wiyaegüãcüma Tupanaxü̃ icua̱xüü̃güxü̃ rü moxẽ nüxna ãgüxü̃xü̃.