Nüxíraxü̃xü̃ ga to ga popera ga ãẽ̱xgacügüchiga ümatüxü̃ 24:6 - Tupanaarü Ore

⁶ Rü nüma ga Lebítanüxü̃ ga Chemaía ga Natanaé nane nixĩ ga poperaarü ümatüruxü̃ ixĩxü̃. Rü nüma ga Chemaía rü ãẽ̱xgacü ga Dabípe̱xewa, rü yema togü ga ãẽ̱xgacügüpe̱xewa, rü chacherdóte ga Chadóxpe̱xewa, rü Aimérex ga Abiatá nanepe̱xewa, rü chacherdótegütücumügüarü ãẽ̱xgacügüpe̱xewa rü Lebítanüxü̃tücumügüarü ãẽ̱xgacügüpe̱xewa nanaxümatü ga naéga ga yema sortéuwa nüxna üxü̃. Rü ñu̱xũchi sortéuãcüma nüxü̃ nayanu ga yema chacherdótegüarü puracü. Rü wüxi ga númeru rü Itamátanüxü̃ca̱x nixĩ rü ñu̱xũchi taxre ga númerugü rü Ereachátanüxü̃ca̱x nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 24:6 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:16

Rü Chadóx ga Aitúx nane rü ñu̱xũchi Aimérex ga Abiatá nane nixĩ ga chacherdótegü ixĩgüxü̃. Rü Chaxchá nixĩ ga norü ümatüruxü̃ ga guxü̃ma ga yema Iraéanewa ngupetüxü̃.

Ore i mexü̃ ga Matéu ümatüxü̃ 13:52

Rü yexguma ga Ngechuchu rü ñanagürü nüxü̃: —Rü guxü̃ma i ngúexẽẽruxü̃ i Tupanaarü mugüwa ngu̱xẽẽtaexü̃ rü nanaxwa̱xe nax mea nüxü̃ nacuáxü̃ i ngẽma nũxcümaü̃xü̃ i Tupanaarü ore rü ñaa ngexwaca̱xü̃xü̃ i chorü ore, ngẽxgumarüxü̃ i wüxi i yatü i norü taxepatawa duü̃xü̃güca̱x inawéxü̃ i norü ngẽmaxü̃gü i ngexwacaxü̃güxü̃ rü norü ngẽmaxü̃gü i nũxcümaü̃güxü̃ —ñanagürü ga Ngechuchu.

Ore i mexü̃ ga Matéu ümatüxü̃ 8:19

Rü wüxi ga ngúexẽẽruxü̃ ga mugüwa ngu̱xẽẽtaexü̃, rü Ngechuchuca̱x nixũ, rü ñanagürü nüxü̃: —Pa Ngúexẽẽruxü̃ Pa Ngechuchux, cuwe charüxũxchaü̃ i ngextá cuma ícuxũxü̃wa —ñanagürü.

Neemía 8:1

Rü gumá norü 7 ga tauemacügu rü guxü̃ma ga yema duü̃xü̃gü ga marü norü ĩanewa iyexmachigüxü̃ rü Yerucharéü̃wa nayangutaque̱xegü nax nüxü̃ naxĩnüexü̃ca̱x ga Tupanaarü ore. Rü yema ĩanearü ngutaque̱xechica ga Ĩã̱x ga Dexágu ãégaxü̃arü to̱xma̱xtawa yexmaxü̃gu nangutaque̱xegü. Rü ñu̱xũchi ga nüma ga duü̃xü̃gü rü chacherdóte ga Édraxü̃ ñanagürügü: —¡Ẽcü nua nange i ngẽma Cori ya Tupanaarü mugüpane ga Moiché ümatüxü̃ naxca̱x ga tórü o̱xigü ga Iraétanüxü̃! —ñanagürügü.

Édra 7:6

Rü nüma ga Édra rü wüxi ga ngu̱xẽẽtaeruxü̃ nixĩ, rü meama nüxü̃ nacua̱x ga Tupanaarü mugü ga Moiché ümatüxü̃. Rü wüxi ga ngunexü̃gu rü ãẽ̱xgacü ga Artayérena naca nax Yerucharéü̃ca̱x namueguaxü̃ca̱x. Rü nüma ga ãẽ̱xgacü rü naga naxĩnü, yerü Tupana rü poraãcü Édraxü̃ narüngü̃xẽxẽ. Rü yemaacü ga Édra rü Babiróniaanewa inaxũãchi rü Yerucharéü̃ca̱x nataegu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:24

Rü yemagü nixĩ ga Lebítanüxü̃ ga natanüxü̃maxã icua̱xgüxü̃ rü poperagu ümatüégaxü̃ ga yexguma yaxugügüãgu ga yema Lebítanüxü̃ ga 20 ga taunecü rüe̱xna yexera nüxü̃́ yexmagüxü̃. Rü yemagü nixĩ ga Tupanapata ga taxü̃nearü puracüwa puracüexü̃.

Nüxíraxü̃xü̃ ga popera ga ãẽ̱xgacügüchiga 4:3

Rü yema to ga taxre rü Erioré rü Aía ga Chichá nanegü nixĩgü. Rü nümagü nixĩ ga naxümatügüãxü̃ ga guxü̃ma ga yema Iraéanewa ngupetüxü̃. Rü Yochapáx ga Ailúx nane rü ãẽ̱xgacüarü poperaarü ümatüruxü̃ nixĩ. Rü nüma nixĩ ga naxümatüaxü̃ ga guxü̃ma ga yema ngupetüxü̃ ga ãẽ̱xgacü íyexmaxü̃wa.

Ore i mexü̃ ga Márcu ümatüxü̃ 2:26

Rü yexguma chacherdótegüarü ãẽ̱xgacü yixĩxgu ga Abiatáru, rü Dabí rü Tupanapatagu naxücu. Rü nanangõ̱x ga yema paũ ga üünexü̃ ga chacherdótegüca̱xicatama ixĩxü̃. Rü nüma ga Dabí rü natanüxü̃maxã rü ta nangau ga yema paũ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 24:7

Rü gumá nüxíraxü̃ne ga númeru rü Yoiaríxgu nangu. Rü gumá norü taxre rü Yedaíagu nangu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 24:31

Rü yema Lebítanüxü̃arü ãẽ̱xgacügü rü sortéuãcü nüxü̃ nayanu ga norü puracü yema Aróü̃taagü ga chacherdótegü sortéuãcü nüxü̃ yanuaxü̃rüxü̃. Rü natanüxü̃ ga gumá Lebí nane ga yacü rü natanüxü̃ ga gumá Lebí nane ga rübumaecü rü nawüxigumare nax nüxü̃ yanuaxü̃ ga norü puracü. Rü yemaacü ãẽ̱xgacü ga Dabípe̱xewa, rü chacherdóte ga Chadóxpe̱xewa, rü Aimérexpe̱xewa, rü chacherdótegüarü ãẽ̱xgacügüpe̱xewa, rü Lebítanüxü̃arü ãẽ̱xgacügüpe̱xewa nüxü̃ nayanu ga yema Lebítanüxü̃arü ãẽ̱xgacügüarü puracü.