Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:5 - Tupanaarü Ore

⁵ Rü nüxü̃ naxuneta ga to ga 4,000 nax ĩã̱xarü dauruü̃gü yixĩgüxü̃ca̱x, rü to ga 4,000 nax Cori ya Tupanaxü̃ yacua̱xüü̃güxü̃ca̱x namaxã ga yema paxetaruü̃gü ga Dabí woetama yemaca̱x duü̃xü̃güxü̃ íxüxü̃xẽẽxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:5 Referans Kwoze

Amúx 6:5

Rü perü árpagümaxã pepaxetagü natürü tama pexü̃́ naxuegu. Rü Dabíxü̃ peyadauxü̃ nax perü paxetaruü̃gü ípexüxü̃xü̃.

Wiyaegü 87:7

Rü ngẽma Yerucharéü̃wa wiyaegüxü̃ rü ngẽma paxetagüxü̃ rü ñanagürügü tá: —Chopata rü guxü̃ma i chorü taãxẽ rü cuwa nangẽxma, Pa Yerucharéü̃x —ñanagürügü tá.

Norü taxre ga to ga popera ga ãẽ̱xgacügüchiga ümatüxü̃ 8:14

Rü yexgumarüxü̃ ta yema nanatü ga Dabí namaxã nüxü̃ ixuxü̃ãcü rü Charomóü̃ rü nüxü̃ nayanu ga norü puracü ga yema chacherdótegü. Rü nüxü̃ nayanu ga norü puracü ga yema Lebítanüxü̃ nax wüxichigü ga ngunexü̃gu rü chacherdótegüxü̃ nangü̃xẽẽgüxü̃ca̱x rü namaxã inacua̱xgüxü̃ca̱x ga Tupanaarü cua̱xüxü̃gü. Rü yexgumarüxü̃ ta nüxü̃ nayanu ga norü puracü ga yema ĩã̱xarü dauruü̃gü ga wüxichigü ga ĩã̱xwa, yerü yemaacü nixĩ ga nüxü̃ yaxuxü̃ ga Tupanaarü duü̃ ga Dabí.

Neemía 7:73

Rü yema chacherdótegü, rü yema Lebítanüxü̃, rü yema ĩã̱xgüarü dauruü̃gü, rü yema wiyaetanüxü̃, rü yema duü̃xü̃gü ga guma ĩanecüã̱x, rü yema Tupanapata ga taxü̃newa puracüexü̃, rü guxü̃ma ga Iraétanüxü̃ rü norü ĩanewachigü ningugüetanü. Rü yexguma norü 7 ga tauemacüwa nanguxgu ga nax nawoeguxü̃ rü guxü̃ma ga yema Iraétanüxü̃ rü norü ĩanewachigü nayexmagü.

Édra 7:7

Rü yexguma marü 7 ga taunecü ãẽ̱xgacü yixĩxgu ga Artayére rü meama nüxíraü̃cü ga tauemacüarü ügügu inaxũãchi ga Édra nax Yerucharéü̃ca̱x nataeguxü̃. Rü namaxã nawoegu ga wüxitücumü ga Iraétanüxü̃. Rü yematanüwa nayexmagü ga chacherdótegü rü Lebítanüxü̃, rü wiyaetanüxü̃, rü Tupanapata ga taxü̃nearü ĩã̱xarü dauruü̃gü, rü Tupanapata ga taxü̃newaarü ngü̃xẽẽruü̃gü. Rü yemamaxã inaxũãchi ga Édra. Rü Yerucharéü̃wa nangugü meama gumá norü 5 ga tauemacüarü ügügu, yerü Tupana rü poraãcü nüxü̃ narüngü̃xẽxẽ.

Norü taxre ga to ga popera ga ãẽ̱xgacügüchiga ümatüxü̃ 35:15

Rü yema Lebítanüxü̃ muxraxü̃ ga namachi rü yema wiyaetanüxü̃ca̱x rü ĩã̱xarü dauruü̃ca̱x rü ta nixĩ. Rü yemaacü ga yema wiyaetanüxü̃ ga Achátaagü rü tama nachicana nixĩgachitanü yema Dabí rü Achá rü Emáü̃ rü Yedutúü̃ nüxü̃ ixuxü̃rüxü̃. Rü nüma ga Yedutúü̃ nixĩ ga ãẽ̱xgacümaxã nüxü̃ yaxuxü̃ ga Tupanaarü ĩnü. Rü yemaacü ga yema ĩã̱xgüarü dauruü̃gü rü ta tama nachicana nixĩgachitanü, yerü ga namücügü ga Lebítanüxü̃ rü marü nüxü̃́ nanaxügü ga yema namachi ga nüxna üxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:38

Rü nüma ga Dabí rü yexgumarüxü̃ ta nanamu ga Obéx-edóü̃ ga Yedutúü̃ nane rü Ochá namaxã ga 68 ga namücügü nax Tupanapataarü ĩã̱xarü dauruü̃gü yixĩgüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:33

Rü nayexma ta ga wiyaetanüxü̃ ga Lebítanüxü̃arü ãẽ̱xgacügü ga ngunecü rü chütacü wiyaewa puracüexü̃. Rü yemaca̱x tama to ga puracüwa napuracüe. Rü nümagü rü Tupanapata ga taxü̃nearü ucapugügu napegü.

Nüxíraxü̃xü̃ ga popera ga ãẽ̱xgacügüchiga 10:12

Rü nüma ga ãẽ̱xgacü rü yema naixpütawa nanade ga mürapewagü naxca̱x ga Tupanapata ga taxü̃nearü baráü̃da rü napataarü baráü̃da. Rü yexgumarüxü̃ ta yema naiwa nanaxü ga árpagü rü árpaxacügü naxca̱x ga norü paxetaruü̃gü. Rü ü̃paacü rü ñu̱xma rü ta rü taguma yéma nangugü rü bai ñuxgu nüxü̃ tadau ga yexgumaepü̱x ga nai ga cháü̃darupüta.

Norü taxre ga popera ga ãẽ̱xgacügüchiga 7:10

Rü inaxĩãchi rü yexguma ĩanewa nangugügu rü ĩanearü dauruü̃ca̱x nacagü rü ñanagürügü nüxü̃: —Ngẽma Chíriaarü churaragüpatawa taxĩ rü taxuxü̃ma rü bai i wüxi ngẽma ngẽxmaxü̃. Rü taxuxü̃ma i ngextá nidexa. Rü cowarugü rü búrugü i ngẽxma ngagüü̃xü̃ rü churaragüarü düxenügü ya mea itexechigünexicatama nangẽxma —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:4

Rü nüma ga Dabí rü nüxü̃ naxuneta ga ñuxre ga Lebítanüxü̃ nax yema baúpe̱xewa moxẽ nüxna naxãgüxü̃ca̱x rü nüxü̃ yacua̱xüü̃güxü̃ca̱x ya yimá norü Tupana i Iraétanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:30

Rü nümagü ga Lebítanüxü̃ rü nanaxwa̱xe nax guxü̃ma ga pa̱xmama rü yáuanecü Tupanapata ga taxü̃newa nayexmagüxü̃ nax Cori ya Tupanana moxẽ naxãgüxü̃ca̱x rü nüxü̃ yacua̱xüü̃güxü̃ca̱x,

Norü taxre ga to ga popera ga ãẽ̱xgacügüchiga ümatüxü̃ 20:28

Rü yexguma Yerucharéü̃wa nangugügu rü Tupanapata ga taxü̃newa naxĩ, rü árpagü rü árpaxacügü rü cornétagümaxã nipaxetatanü.

Ichaía 64:10

Rü yima curü ĩanegü ya üünegüne rü nachica i taxúema nagu ãpataxü̃ nixĩgü. Rü Chióü̃ rü wüxi i chianexü̃ nixĩ. Rü Yerucharéü̃ rü nagu napogüe rü taxuwama name.