Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:4 - Tupanaarü Ore

⁴ Rü yematanüwa rü nüxü̃ naxuneta ga 24,000 ga yatügü nax Tupanapata ga taxü̃nearü puracümaxã inacua̱xgüxü̃. Rü nüxü̃ naxuneta ga 6,000 nax duü̃xü̃güarü ãẽ̱xgacügü yixĩgüxü̃ca̱x rü guxchaxü̃arü mexẽẽruü̃gü yixĩgüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:4 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 19:8

Rü ñu̱xũchi ga nüma ga Yochapáx rü Yerucharéü̃wa nüxü̃ naxuneta ga ñuxre ga Lebítanüxü̃ rü chacherdótegü nax guxchaxü̃arü mexẽẽruü̃gü yixĩgüxü̃ca̱x. Rü nüxü̃ naxuneta ga ñuxre ga Iraétanüxü̃arü ãẽ̱xgacügü nax Yerucharẽü̃arü duü̃xü̃güarü guxchaxü̃arü mexẽẽruü̃gü yixĩgüxü̃ca̱x.

Wenaxarü naxümatü ga Tupanaarü mugü 16:18

Rü guxü̃nema ya perü ĩanegü ya perü Cori ya Tupana tá wüxichigü i natücumüna ãxü̃newa nüxü̃ pexuneta i ãẽ̱xgacügü i guxchaxü̃güarü mexẽẽruü̃gü rü norü ngü̃xẽẽruü̃gü nax nümagü aixcüma meama namexẽẽgüãxü̃ca̱x i ngẽma duü̃xü̃güarü guxchaxü̃gü.

Ngechuchuarü ngúexü̃gü ga yamugüxü̃arü puracüchiga 20:28

Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.

Maraquía 2:7

Rü wüxi i chacherdótearü puracü nixĩ nax duü̃xẽgü tüxü̃ nangúexẽẽxü̃ nax choxü̃ tacua̱xgüxü̃ca̱x. Rü ngẽmaca̱x name nax guxü̃ma i duü̃xü̃gü naxü̃tawa ĩxü̃ nax tüxü̃ nangúexẽẽxü̃ca̱x, erü choma nax guxãétüwa changexmaxü̃ rü nüxü̃ chaxuneta nax chorü orearü uruü̃gü yixĩgüxü̃ca̱x.

Neemía 11:22

Rü yema Lebítanüxü̃maxã icuáxü̃ ga Yerucharéü̃wa rü Uchí nixĩ. Rü Uchí nanatü nixĩ ga Baní, rü Baní nanatü nixĩ ga Achabía, rü Achabía nanatü nixĩ ga Matanía, rü Matanía nanatü nixĩ ga Micaía ga Achátaxa ixĩcü. Rü nümagü ga yema Lebítanüxü̃ nixĩ ga yema wiyaegümaxã inacua̱xgüxü̃ ga Tupanapata ga taxü̃newa.

Neemía 11:9

Rü yema Bẽyamíü̃tanüxü̃arü ãẽ̱xgacü nixĩ ga Yoé. Rü Yoé nanatü nixĩ ga Chicrí. Rü Yoéarü ñatüwaama ücü ga ãẽ̱xgacü ga duü̃xü̃gümaxã icuácü nixĩ ga Yudá. Rü Yudá nanatü nixĩ ga Chenúa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:48

Rü yema togü ga Lebítanüxü̃ rü guxü̃ma ga Tupanapataarü puracümaxã inacua̱xgü.

Echequié 44:24

Rü ngẽxguma duü̃xü̃gü nügümaxã nuegu rü ngẽma chacherdótegü tá nixĩ i chorü mugüwa nüxü̃ yaxuxü̃ãcü namexẽẽgüaxü̃́ i ngẽma guxchaxü̃gü. Rü nümagü rü tá nayanguxẽẽgü i chorü mugü rü chorü ucu̱xẽgü nachiga i chorü petagü. Rü mea tá nanaxaure i ngẽma chorü ngü̃xchigaarü ngunexü̃gü.

Norü taxre ga to ga popera ga ãẽ̱xgacügüchiga ümatüxü̃ 23:18

Rü yemawena ga nüma ga Yoiadá rü Tupanapata ga taxü̃negu nanamugü ga churaragü nax nüxna nadaugüxü̃ca̱x. Rü yema churaragü rü chacherdótegüme̱xẽwa rü Lebítanüxü̃me̱xẽwa nayexmagü. Rü yema chacherdótegü rü Lebítanüxü̃ ga ü̃pa ga Dabí woetama marü nüxü̃ nayanuxũ ga norü ngunexü̃gü ga nagu tá Tupanaca̱x ínaguaxü̃ ga ãmaregü ga Moiché ümatüxü̃ ga mugüwa nüxü̃ yaxuxü̃rüxü̃. Rü Dabí rü yemaacü nanamu nax wiyaemaxã taãẽãcü Tupanaxü̃ yacua̱xüü̃güxü̃ca̱x.