Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:26 - Tupanaarü Ore

²⁶ Rü ngẽmaca̱x i ñu̱xma i Lebítanüxü̃ rü taxũtáma marü nuxica nanangegü ya Tupanapata ya naxchirunaxca̱x rü guxü̃ma i norü ngẽmaxü̃gü i Tupanaxü̃ namaxã yacua̱xüü̃güxü̃ —ñanagürü ga Dabí.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:26 Referans Kwoze

Iraétanüxü̃arü muxchiga 4:5

Rü ngẽxguma tá inaxĩãchigu i duü̃xü̃gü nax to i nachicawa naxĩxü̃, rü nüma i Aróü̃ rü nanegü tá nixĩ inayauxgüxü̃ i norü tüyepe̱xeruxü̃ i ngẽma naxmachiã i Üünexüchixü̃. Rü ngẽmamaxã tá nanatüétügü i ngẽma baú i Tupanaarü mugü nagu nuxcuxü̃.

Iraétanüxü̃arü muxchiga 7:9

Natürü ga Queáxtanüxü̃ rü taxúnema ga carugü rü bai ga wocagü nüxna naxã, yerü yema yemaxü̃gü ga üünegüxü̃ ga yangegüxü̃ rü nanaxwa̱xe nax nügüãtügu yangegüãxü̃.

Iraétanüxü̃arü muxchiga 4:15

Rü ngẽxguma Aróü̃ rü nanegü marü nüxü̃́ nagu̱xgu nax yanáixpüü̃güãxü̃ i guxü̃ma i ngẽma Tupanapataarü ngẽmaxü̃gü i üünegüxü̃, rü ngẽxguma marü inaxĩãchichaü̃gu, rü nüma i Queáxtanüxü̃ rü ngéma tá naxĩ nax yanaxãxü̃ca̱x i guxü̃ma i ngẽma ngẽmaxü̃gü. Natürü taxũtáma nüxü̃ ningõgügü i ngẽma ngẽmaxü̃gü i üünegüxü̃ nax tama nayuexü̃ca̱x. Rü guxü̃ma i ngẽma Tupanapataarü ngẽmaxü̃gü rü Queáxtanüxü̃ tá nixĩ i yanaxü̃.

Wenaxarü naxümatü ga Tupanaarü mugü 10:8

Rü yéma nixĩ ga Cori ya Tupana ga Lebítanüxü̃xü̃ naxunetaxü̃ nax yangegüãxü̃ca̱x ga yema baú ga Cori ya Tupanaarü mugüchixü̃, rü ñu̱xũchi namaxã inacua̱xgüxü̃ca̱x. Rü yexgumarüxü̃ ta nüxü̃ naxuneta nax nape̱xewa nayexmagüxü̃ca̱x rü nüxü̃́ napuracüexü̃ca̱x rü naégagu duü̃xü̃gümaxã mexü̃ naxuegugüxü̃ca̱x. Rü ñu̱xma rü ta rü ngẽmaãcü nanaxügü.

Iraétanüxü̃arü muxchiga 4:49

Rü yemaacü nixugü ga yema Lebítanüxü̃ yema Cori ya Tupana Moichémaxã nüxü̃ ixuxü̃ãcü. Rü wüxichigümaxã nüxü̃ nixu i ta̱xacü tá nixĩ i norü puracü rü ta̱xacü tá nixĩ i yangexü̃, yema Cori ya Tupana Moichémaxã nüxü̃ ixuxü̃ãcü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:27

Rü yemaacü yema Dabí naxwa̱xexü̃ãcü nixugü ga Lebítanüxü̃ ga 20 ga taunecü rüe̱xna yexera nüxü̃́ yexmagüxü̃.

Norü taxre ga to ga popera ga ãẽ̱xgacügüchiga ümatüxü̃ 35:3

Rü nüma ga ãẽ̱xgacü rü nanamu ga yema Lebítanüxü̃ ga Iraétanüxü̃arü ngúexẽẽruü̃gü ga Tupanana nügü ãgüxü̃, rü ñanagürü nüxü̃: —¡Yima Tupanapata ya taxü̃ne ya Dabí nane ga ãẽ̱xgacü ga Charomóü̃ üxü̃negu peyaxǘ i ngẽma baú i Tupanaarü mugü nagu nuxü̃! Rü ñu̱xmawena rü marü taxũtáma peyangegü i ngẽma baú. Rü ngéma Tupanapata ya taxü̃newa tá nixĩ i Cori ya Tupanaaxü̃́ pepuracüexü̃ rü norü duü̃xü̃gü i Iraétanüxü̃axü̃́ pepuracüexü̃.