Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:25 - Tupanaarü Ore

²⁵ Rü nüma ga Dabí rü ñanagürü: —Cori ya Tupana ya Iraétanüxü̃arü Tupana rü taãẽwa nanangexmagüxẽxẽ i norü duü̃xü̃gü. Rü nüma ya Tupana nanaxwa̱xe nax guxü̃gutáma Yerucharéü̃gu naxãpataxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:25 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:18

Rü ñanagürü: —Cori ya Tupana rü petanüwa nayexma, rü ngẽmaca̱x i ngẽma togü i nachixü̃anegü rü tama pemaxã daigu narüxĩnüe rü guxü̃wama taãẽwa pengẽxmagü. Rü nüma ya Tupana rü cho̱xme̱xwa nanangexmagüxẽxẽ i guxü̃ma i duü̃xü̃gü i ñaa nachixü̃anewa maxẽxü̃. Rü ñu̱xmax rü Tupaname̱xẽwa rü norü duü̃xü̃güme̱xẽwa nangẽxma i ñaa naane.

Chacaría 8:3

Rü ñachagürü ta: “Choma rü Yerucharéü̃ca̱x tá chataegu nax ngéma chamaxü̃xü̃ca̱x. Rü ngẽxguma chataeguxgu rü yima ĩane ya Yerucharéü̃ rü Ĩane ya Chauga Ĩnünemaxã tá nanaxugü. Rü ngẽxgumarüxü̃ ta ya yima chorü ma̱xpǘne ya Chióü̃, rü Ma̱xpǘne ya Üünenemaxã tá nanaxugü”, ñachagürü.

Wiyaegü 135:21

Rü namexẽchi ya Cori ya Tupana ya ma̱xpǘne ya Chióü̃gu ãchiü̃cü i Yerucharéü̃wa. Rü name nax nüxü̃ icua̱xüü̃güxü̃.

2 Chamué 7:1

Rü nüma ga ãẽ̱xgacü ga Dabí rü nitocuchi nawa ga guma ãẽ̱xgacüpata rü nüma ga Cori ya Tupana rü guxü̃ma ga norü uanügü ga Iraéanena ngaicamagüxü̃maxã inanangüxmüxẽxẽ.

2 Corintios 6:16

¿Rü ñuxãcü Tupanapatawa nangẽxmaxü̃ i tupananetachicüna̱xãgü? Erü yixema rü Tupana ya Maxü̃cüpata tixĩgü, rü tawa namaxü̃ i nümax. Rü nümatama ya Tupana rü ñanagürü: “Ngẽma duü̃xü̃gütanüwa tá chamaxü̃, rü natanügu tá chayarüxũũxü̃. Rü norü Tupana tá chixĩ, rü nümagü rü tá chorü duü̃xü̃gü nixĩgü”, ñanagürü.

Ichaía 8:18

Rü nüma ya Cori ya Tupana ya Guxãétüwa Ngẽxmacü ya ma̱xpǘne ya Chióü̃gu ãchiü̃cü rü choxna nanamu i chaunegü nax wüxigu chaunegümaxã cua̱xruxü̃ tixĩgüxü̃ca̱x naxca̱x i Iraétanüxü̃.

Wiyaegü 68:18

Pa Tupanax, yexguma Chióü̃ ya ma̱xpǘnegu cuxĩnagügu rü cugüwe cuyagagü i ngẽma ícuyauxü̃xü̃ i curü uanügü. Rü duü̃xü̃gütanüwa cunayaxu i ãmaregü. Rü woo i ngẽma tama cuga ĩnüechaü̃xü̃ rü natanüwa cunayaxu i ãmaregü nax ngéma Chióü̃wa cuxãpataxü̃ca̱x.

Wiyaegü 68:16

Rü pemax, Pa Ma̱xpǘnegü ya Máchanexü̃chigüne ¿rü tü̱xcüü̃ auxãchiãcü nüxü̃ perüdaunü ya yima ma̱xpǘne ya Chióü̃ ya Tupana nagu ãchiü̃chaü̃ne rü guxü̃gutáma ngéma nangẽxma?

Wiyaegü 9:11

¡Rü naxca̱x pewiyaegü ya Cori ya Tupana ya Chióü̃wa ãẽ̱xgacü ixĩcü! ¡Rü guxü̃ i nachixü̃anegüwa nüxü̃ pixu i ngẽma mexü̃gü i naxüxü̃!

Nüxíraxü̃xü̃ ga popera ga ãẽ̱xgacügüchiga 8:27

Natürü i cumax, rü ¿ñuxũcürüwa yanguxü̃ i ñoma i naanewa nax nawa cungexmaxü̃? Rü ngẽxguma chi guxü̃ma i ngẽma daxũguxü̃ i naane i taxüchixü̃ rü tama yanguxgu nax nawa cungexmaxü̃ ¿rü ñuxãcü tá yanguxü̃ ya daa ĩpata ya taxü̃ne ya cuxca̱x chaxüxü̃ne nax nawa cungexmaxü̃?

Nüxíraxü̃xü̃ ga popera ga ãẽ̱xgacügüchiga 8:13

Natürü i ñu̱xmax rü cuxca̱x chanaxü ya wüxi ya cupata ya taxü̃ne nax guxü̃guma ngéma cumaxü̃xü̃ca̱x —ñanagürü.

Norü taxre ga to ga popera ga ãẽ̱xgacügüchiga ümatüxü̃ 23:18

Rü yemawena ga nüma ga Yoiadá rü Tupanapata ga taxü̃negu nanamugü ga churaragü nax nüxna nadaugüxü̃ca̱x. Rü yema churaragü rü chacherdótegüme̱xẽwa rü Lebítanüxü̃me̱xẽwa nayexmagü. Rü yema chacherdótegü rü Lebítanüxü̃ ga ü̃pa ga Dabí woetama marü nüxü̃ nayanuxũ ga norü ngunexü̃gü ga nagu tá Tupanaca̱x ínaguaxü̃ ga ãmaregü ga Moiché ümatüxü̃ ga mugüwa nüxü̃ yaxuxü̃rüxü̃. Rü Dabí rü yemaacü nanamu nax wiyaemaxã taãẽãcü Tupanaxü̃ yacua̱xüü̃güxü̃ca̱x.

Yochué 23:1

Rü mucüma ga taunecü marü ningegü nax Tupana rü Iraétanüxü̃xü̃ nangü̃xẽẽxü̃ nax norü uanügümaxã nangüxmüexü̃ca̱x. Rü nüma ga Yochué rü marü naya.

Echequié 48:35

Rü ngẽma ĩanearü poxeguxü̃tápü̱x rü guxü̃wama rü 9,000 metru tá nixĩ i norü ma̱x. Rü yema ngunexü̃guwena rü naéga ya yima ĩane rü “Cori ya Tupana Nua Nangexma”, tá nixĩ.