Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:9 - Tupanaarü Ore

⁹ Natürü wüxi ya cune tá cuxü̃́ nangẽxma, rü nüma rü wüxi ya yatü ya ngüxmüxẽxẽruxü̃ tá nixĩ namaxã i norü uanügü i nüxna ngaicamagüxü̃. Rü ngẽmaca̱x i naéga rü Charomóü̃ tá nixĩ. Rü tá íchayachaxãchixẽxẽ i ngẽma norü uanügü nax tama nachixewegüãxü̃ca̱x i Iraétanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:9 Referans Kwoze

Nüxíraxü̃xü̃ ga popera ga ãẽ̱xgacügüchiga 4:25

Rü yexguma Charomóü̃ maxü̃gu rü ga Yudáanecüã̱xgü rü yema togü ga Iraéanecüã̱xgü rü nügü nangechaü̃gü rü taãẽãcü ínamaxẽ. Rü nórtewaama rü ĩane ga Dáü̃wa inaxügü ñu̱xmata ĩane ga Bechébawa nangu ga súrwaama rü wüxichigü taãẽãcü namaxẽ natüxü̃wa ga nanetügü ga igueragü ga napataxü̃ tüpechitaxü̃.

Nüxíraxü̃xü̃ ga popera ga ãẽ̱xgacügüchiga 5:4

Natürü i ñu̱xmax i nüma ya Cori ya Tupana rü taãxẽ toxna naxã i guxü̃wama i tochixü̃anewa rü nataxuma i torü uanügü rü nataxuma i chixexü̃ i toxca̱x ínguxü̃.

Nüxíraxü̃xü̃ ga popera ga ãẽ̱xgacügüchiga 4:20

Rü Yudáanewa rü Iraéanewa rü namuxũchima ga norü duü̃xü̃gü ñoma naxnecüte̱xe i márpechinüwa ngẽxmacürüxü̃. Rü taguma nataxu ga õna rü axexü̃, rü ga duü̃xü̃gü rü nataãẽgü.

Aguéu 2:9

Rü ñu̱xma nax wena namexẽẽxü̃ ya daa chopata ya taxü̃ne rü yexguma noxri naxü̱xguarü yexera tá namexẽchi. Rü ngẽxguma rü tá ichayanaxoxẽxẽ i guxü̃ma i nu i ñaa nachicawa, rü nua tá petaãẽgü. Rü choma ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma —ñanagürü.

Ichaía 66:12

Erü choma ya Cori ya Tupana rü ñachagürü: “Choma rü ñoma wüxi i natüarü dexá i mea iyaxü̃rüxü̃ tá Yerucharéü̃wa chananguxẽxẽ i taãxẽ. Rü togü i nachixü̃anegüarü ãmaregü rü tá paxa pexca̱x íchanangugüxẽxẽ ñoma wüxi i natü i poraü̃chíüxü̃rüxü̃. Rü ngẽmaãcü i pema, Pa Yerucharéü̃cüã̱xgüx, rü ñoma wüxi i õxchana i meama maixü̃rüxü̃ tá pengãxpütüwegü. Rü choma rü tá chauchacüxügu pexü̃ chigagü rü choperemawa tá pexü̃ chameãxẽ.

Ichaía 57:19

Rü choma rü guxü̃ i chorü duü̃xü̃gümaxã tá ñacharügü: “Choma rü tá pemaxã charüngüxmü i pema i yáxü̃wa ngẽxmagüxe rü pema i ngaicamawa ngẽxmagüxe. Rü tá pexü̃́ nüxü̃ charüngüma i perü pecadugü.

Ichaía 45:7

Rü choma nixĩ ga chanango̱xẽẽxü̃ ga ngóonexü̃ rü waanexü̃. Rü choma nixĩ i íchananguxẽẽxü̃ i mexü̃ rü guxchaxü̃. Rü chomatama ya Tupana nixĩ i chanaxüxü̃ i guxü̃ma i ngẽma —ñanagürü.

Ichaía 26:12

Pa Cori ya Tupanax, cuma nixĩ i mexü̃ toxca̱x ícunguxẽẽxü̃, rü cuma nixĩ i toxü̃ curüngü̃xẽẽxü̃ nawa i guxü̃ma i torü puracügü.

Wiyaegü 72:7

Rü ngẽxguma nüma ãẽ̱xgacü yixĩxgu rü chanaxwa̱xe nax guxü̃ma mea ixũxü̃ rü nax nataxuxü̃ma i nu ñu̱xmata iyanaxo ya tauemacü.

Yox 34:29

Rü ngẽxguma chi Tupana rüchianegu ¿rü texé tá nüxü̃ tixu nax chixexü̃ taxüxü̃? Rü ngẽxguma duü̃xü̃gücha̱xwa nügü yacu̱xgu ¿rü texé tá nüxü̃ tadauama? Rü nüma nixĩ i nüxna nadauxü̃ ya ĩanegü rü duü̃xü̃gü nax tama namaxã inacua̱xgüxü̃ca̱x i ngẽma ãẽ̱xgacügü i chixexü̃ i duü̃xü̃güxü̃ womüxẽẽxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:11

Rü ngẽxguma marü cuyu̱xguwena, rü choma rü tá nüxü̃ chaxuneta i wüxi i cune nax nüxí ãẽ̱xgacü yixĩxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 6:24

Rü yexguma ga Yedeóü̃ rü yema nachicagu Tupanaca̱x nanaxü ga wüxi ga ãmarearü guruxü̃. Rü “Cori ya Tupana rü tamaxã narüngüxmü”, ñaxü̃gu nanaxüéga. Rü ngẽma ãmarearü guruxü̃ rü ñu̱xmarüta rü Ofáwa nangẽxma ya Abiéchetanüxü̃arü ĩanewa.

Nüxíraxü̃xü̃ ga popera ga ãẽ̱xgacügüchiga 1:13

¡Rü ãẽ̱xgacü ya Dabíxü̃tawa naxũ! rü ñacurügü tá nüxü̃: “Pa Chorü Corix ¿tama ẽ̱xna i chomaxã icuxunetaxü̃ rü chaune ya Charomóü̃ tá yixĩxü̃ ya yimá ãẽ̱xgacü ixĩcü i cuchicüxü? ¿Rü ñuxãcü i Adonía rü ãẽ̱xgacüxü̃ nügü yaxĩxẽxẽxü̃?” ñacurügü tá nüxü̃.

Nüxíraxü̃xü̃ ga popera ga ãẽ̱xgacügüchiga 2:15

Rü yexguma nüma ga Adonía rü ñanagürü: —Cuma nüxü̃ cucua̱x rü ngẽma ãẽ̱xgacüarü tochicaxü̃ rü cha̱u̱xca̱xchire̱x nixĩ. Rü guxü̃ma i Iraéanecüã̱x rü nanaxwa̱xegüchire̱x nax choma chi ãẽ̱xgacü chixĩxü̃. Natürü i ñu̱xma rü chauenexẽ nixĩ ya ãẽ̱xgacü ixĩcü erü woetama ngẽmaãcü nanaxwa̱xe ya Tupana.

Nüxíraxü̃xü̃ ga popera ga ãẽ̱xgacügüchiga 3:7

Rü cumax, Pa Corix, Pa Chorü Tupanax, rü choxü̃ cuxuneta nax chaunatü ya Dabíchicüxü ãẽ̱xgacü nax chixĩxü̃ca̱x woo i choma rü wüxi i ngextü̱xüxü̃ i tauxta cua̱xwa nguxe chixĩxü̃.

Nüxíraxü̃xü̃ ga popera ga ãẽ̱xgacügüchiga 4:24

Rü nüma ga Charomóü̃ rü namaxã inacua̱x ga guxü̃ma ga yema naane ga natü ga Eufrátearü oéstewaama yexmaxü̃. Rü Tífchawa inaxügü ñu̱xmata Gáchawa nangu. Rü guxü̃ma ga yema naanegüarü ãẽ̱xgacügü rü Charomóü̃me̱xẽwa nayexmagü, rü nüma rü nügümaxã inanangüxmüexẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:18

Rü ñanagürü: —Cori ya Tupana rü petanüwa nayexma, rü ngẽmaca̱x i ngẽma togü i nachixü̃anegü rü tama pemaxã daigu narüxĩnüe rü guxü̃wama taãẽwa pengẽxmagü. Rü nüma ya Tupana rü cho̱xme̱xwa nanangexmagüxẽxẽ i guxü̃ma i duü̃xü̃gü i ñaa nachixü̃anewa maxẽxü̃. Rü ñu̱xmax rü Tupaname̱xẽwa rü norü duü̃xü̃güme̱xẽwa nangẽxma i ñaa naane.

Norü taxre ga to ga popera ga ãẽ̱xgacügüchiga ümatüxü̃ 6:15

Rü cuma rü cuyanguxẽxẽ ga curü uneta ga chaunatü ga Dabímaxã nüxü̃ quixuxü̃ ga daa cupatachiga. Rü ñoma i ngunexü̃gu rü aixcümaxü̃chima nango̱x ga yema nüxü̃ quixuxü̃.

Nüxíraxü̃xü̃ ga popera ga ãẽ̱xgacügüchiga 8:56

—Poraãcü tamaxã namecüma ya tórü Cori ya Tupana ya tüxü̃ ípoxü̃cü nüxna i tórü uanügü, yema inaxunetaxü̃rüxü̃, yerü nüma rü aixcüma nayanguxẽxẽ ga guxü̃ma ga yema norü unetagü ga mexü̃ ga norü duü̃ ga Moichéwa nüxü̃ yaxuxü̃.

Wiyaegü 72:1

Pa Tupanax ¡nüxna naxã ya ãẽ̱xgacü i cua̱x nax curüxü̃ mexü̃gu naxĩnüxü̃ca̱x rü aixcümacü nax yixĩxü̃ca̱x!