Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:14 - Tupanaarü Ore

¹⁴ Rü dücax, choma rü pora chaxü nax chananutaque̱xexü̃ i ngẽmaxü̃gü nax naxüaxü̃ca̱x ya Cori ya Tupanapata ya taxü̃ne. Rü nangẽxma i 3,300 toneláda nagúxü̃ i úiru, rü 33,000 toneláda nagúxü̃ i diẽrumü. Rü ngẽma nax nataxü̃ i bróũche rü fieru rü ngẽmaca̱x taxucürüwama tanangugü i norü ya. Rü ngẽxgumarüxü̃ ta marü chananutaque̱xe i mürapewagü rü nutagü. Rü cumax rü tá cunaxüétü i ngẽma chanutaque̱xexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:14 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:3

Rü yexgumarüxü̃ ta nananutaque̱xe ga muxü̃ma ga fieru nax yemawa naxüaxü̃ca̱x ga itapuagü ga ĩã̱xarü potaruü̃gü rü ĩã̱xarü chotaruü̃gü. Rü yexgumarüxü̃ ta nananutaque̱xe ga muxü̃ma ga bróũchenaxca̱x ga guma Tupanapata.

Norü taxre ga popera ga ãẽ̱xgacügüchiga 25:16

Rü taxucürüwa tanangugü ga norü yá ga gumá taxre ga caxtagü, rü yema dexáchixü̃ ga taxü̃, rü yema naxtaxmüxü̃gü ga ãẽ̱xgacü ga Charomóü̃ Tupanapata ga taxü̃neca̱x üxü̃ne.

Nüxíraxü̃xü̃ ga popera ga ãẽ̱xgacügüchiga 10:14

Rü yema úiru ga Charomóü̃ wüxichigü ga taunecügu yaxuxü̃ rü 22,000 quíruwa nangu.

2 Corintios 8:2

Rü woo taxü̃ ga guxchaxü̃gü nüxü̃́ yexmagüxü̃, natürü nataãẽgü. Rü woo tama namuarü diẽruã̱xgü, natürü yema nüxü̃́ yexmacü ga diẽrumaxã togüxü̃ narüngü̃xẽẽgü, ñoma nataarü diẽruã̱xgüxü̃rüxü̃.

Yeremía 52:20

Rü nayana ga guma taxre ga caxtagü ga itaxü̃ne, rü yema taxü̃ ga dexápáxü̃, rü yema 12 ga woca i yatüxü̃chicüna̱xãgü ga bróũchenaxca̱x ga dexápaxü̃paragü ixĩgüxü̃, rü yema 10 ga ya̱u̱xme̱xü̃páxü̃gü ga ãẽ̱xgacü ga Charomóü̃ Tupanapata ga taxü̃neca̱x üxü̃. Rü guxü̃ma ga yema bróũche rü nayana. Rü yema nax nayaxüchixü̃ ga guxü̃ma ga yemaxü̃gü ga bróũchenaxca̱x ga yanaxü̃, rü taxúema nüxü̃ tacua̱x nax ñuxregu nayaxü̃.

Nüxíraxü̃xü̃ ga popera ga ãẽ̱xgacügüchiga 7:47

Rü yema nax namuxũchixü̃ ga yema Tupanapataarü yemaxü̃gü rü yemaca̱x ga Charomóü̃ rü tama naxca̱x ínaca nax ínayagüaxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:15

Rü ngẽxgumarüxü̃ ta i cumax rü cuxü̃́ nangẽxma i muxü̃ma i puracütanüxü̃ i nutaarü mexẽẽcüwaruü̃gü, rü cuxü̃́ nangẽxma i ĩxtapü̱xarü chauxnagüruü̃gü, rü corapinagü, rü yatügü i naguxü̃raü̃xü̃ i puracüxü̃ cuáxü̃.

Iraétanüxü̃arü muxchiga 7:85

Rü wüxichigü ga guma bachíagu rü 1,430 gramu naya, rü wüxichigü ga guma tacháũgü rü 770 gramu nixĩ ga nayaxü̃ ga yexguma Tupanapataarü yáruü̃wa inayaxgu. Rü guxü̃wama ga guma bachíagu rü tacháũgü ga diẽrumünaxca̱x ixĩgüxü̃ rü 26 quíru rü naétü 400 gramu nixĩ ga norü ya.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:2

Rü yemaca̱x pora naxca̱x chaxü nax chananutaque̱xexü̃ i ngẽmaxü̃gü nax naxüaxü̃ca̱x ya yima Tupanapata ya taxü̃ne. Rü ngẽma chanutaque̱xexü̃ nixĩ i úirugü, rü diẽrumü, rü bróũche, rü fieru, rü mürapewagü. Rü ngẽxgumarüxü̃ ta chananutaque̱xe ya mucüma ya nutaxacügü ya imexẽchicü ya cornalina rü naguxü̃raxü̃cü rü naigü ya nutaxacügü ya imexẽchicü rü tatanücü ya meruü̃gü. Rü ngẽxgumarüxü̃ ta chananutaque̱xe ya mucüma ya nuta ya mármo ya ĩxtapü̱xruxü̃.