Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:30 - Tupanaarü Ore

³⁰ Natürü nüma ga Dabí rü taxucürüwa Gabaóü̃wa naxũ nax yéma Tupanaca̱x ãmare yanaguxü̃ca̱x rü Tupanana yaca̱xaxü̃ca̱x, yerü namuü̃ ga yexguma nüxü̃ nada̱u̱xgu ga norü tara ga yema Tupanaarü orearü ngeruxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:30 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 15:4

¿Rü texé taxũtáma cuxü̃ tamuü̃, Pa Corix? ¿Rü texé taxũtáma cuxü̃ ticua̱xüxü̃? Erü cuma rü cuxicatama nixĩ i üünecü quixĩxü̃. Rü guxü̃ma i nachixü̃anecüã̱x rü tá cuxü̃tawa naxĩ, rü tá cuxü̃ nicua̱xüü̃gü, erü nüxü̃ nadaugü nax aixcüma namexü̃ i guxü̃ma i ngẽma nagu curüxĩnüxü̃ rü cuxüxü̃, rü aixcüma tá cunapoxcuexü̃ i ngẽma chixexü̃ ügüxü̃”, ñanagürü ga yema wiyae.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:17

Rü yexguma nüxü̃ chada̱u̱xgu, rü nape̱xegu chayangu ñoma chayuxü̃rüxü̃. Natürü ga nüma rü norü tügüneme̱xẽmaxã choxü̃ ningõgü, rü ñanagürü choxü̃: “¡Taxṹ i cumuü̃xü̃! Choma nixĩ i chaxíra chayexmaxü̃ rü guxü̃gutáma changexmaechaxü̃.

Yeremía 10:7

Rü tataxuma ya texé i ñoma i naanewa i tama cuxü̃ muü̃xe Pa Guxü̃ i Nachixü̃anearü Ãẽ̱xgacüx. Rü cumawaxi nixĩ i namexü̃ nax cuxü̃ tamuü̃exü̃. Rü natanüwa i guxü̃ma i ngẽma nüxü̃ cua̱xüchixü̃ rü ãẽ̱xgacügü ixĩgüxü̃ i ñoma i naanewa ngẽxmagüxü̃, rü nataxuma i to i cumaxã wüxiguxü̃.

Yeremía 5:22

Rü choma ya Cori ya Tupana rü pexna chaca rü ñachagürü: ‘¿Tama ẽ̱xna choxü̃ pemuü̃e? ¿Tama ẽ̱xna chope̱xewa pidu̱xrue?’ Choma rü chanango̱xẽxẽ ya naxnecü nax márxü̃ yatoxyepe̱xexü̃ca̱x. Rü ngẽma toxyepe̱xewa rü taxucürüwama naxüpetü i már. Rü woo poraãcü nayuapegu rü natagagu rü taxucürüwama naxüpetü nawa i ngẽma toxyepe̱xe.

Wiyaegü 119:120

Rü cupe̱xewa i choma rü chorü muü̃maxã chidu̱xrux rü aixcüma nagu chixũxchaü̃ i ngẽma curü mugü. -16-

Wiyaegü 90:11

Pa Tupanax ¿texé nüxü̃ tacua̱x nax poraãcü naxãũcümaxü̃ i curü nu? ¿Rü texé nüxü̃ tacua̱x i ngẽma curü nu nax naxca̱x tamuü̃xü̃?

Yox 23:15

Rü ngẽmaca̱x nüxü̃ chamuü̃. Rü ngẽxguma nagu charüxĩnügu i ngẽma chomaxã naxüxü̃ rü muü̃ cha̱u̱xca̱x ínangu.

Yox 21:6

Rü ngẽxguma chomatama nagu charüxĩnügu i ñaa tá pemaxã nüxü̃ chixuxü̃ rü poraãcü chabaixãchi rü muü̃maxã chidu̱xrux.

Yox 13:21

Rü marütama nax ngúxü̃ choxü̃ quingexẽẽxü̃ rü ñu̱xũchi marütama nax choxü̃ cumuü̃xẽẽxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:16

Rü nüma ga Dabí rü daxũgu nadawenü, rü nüxü̃ nadau ga yema daxũcüã̱x ga Cori ya Tupanaarü orearü ngeruxü̃. Rü daxũguxü̃ ga naane rü ñoma i naanearü ngãxü̃wa nayexma namaxã ga norü tara ga naxchixü̃wa natuxuchixü̃. Rü Yerucharéü̃guama namaxã nabuenüchacüxü. Rü yemaca̱x nüma ga Dabí rü guxü̃ma ga yema Iraétanüxü̃arü ãẽ̱xgacügü rü témüxü̃ ga naxchirugu icu̱xgüxü̃ rü ñaxtüanegu nanangücuchitanü rü yemaacü Tupanaxü̃ naca̱a̱xü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:12

Natürü yematama ngunexü̃gu ga Dabí rü poraãcüma Tupanaxü̃ namuü̃, rü tagaãcü ñanagürü: —Marü tama nagu charüxĩnü nax chopatawa chanangexü̃ i ngẽma baú i Tupanaarü mugüchixü̃ —ñanagürü ga Dabí.

2 Chamué 6:9

Natürü yematama ngunexü̃gu ga Dabí rü poraãcüma Tupanaxü̃ namuü̃, rü tagaãcü ñanagürü: —Marü tama nagu charüxĩnü nax chopatawa chanangexü̃ i ngẽma baú i Tupanaarü mugüchixü̃ —ñanagürü ga Dabí.

Wenaxarü naxümatü ga Tupanaarü mugü 10:12

Rü ñu̱xma Pa Iraétanüxü̃x ¿ta̱xacü nixĩ i perü Cori ya Tupana pexü̃́ naxwa̱xexü̃? Rü ngẽma pexü̃́ nanaxwa̱xexü̃ nixĩ nax nüxü̃ picua̱xüü̃güxü̃ rü aixcüma naga pexĩnüexü̃ rü nacümagu pexĩxü̃, rü nüxü̃ pengechaü̃güxü̃ rü ñu̱xũchi nüxü̃́ pepuracüexü̃ guxü̃ma i perü maxü̃maxã rü guxü̃ i peãẽmaxã.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:29

Rü yema ngunexü̃gügu ga guma Tupanapata rü yema ãmarearü guruxü̃ ga naxnücüanexü̃gu Moiché üxü̃ne, rü marü Gabaóü̃arü ma̱xpǘnewa nayexma.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:1

Rü yexguma ga Dabí rü ñanagürü: —Ñaa nachica i Orná trigu nawa púxü̃wa tá nangẽxma ya Tupanapata ya taxü̃ne rü ngẽma ãmarearü guruxü̃ nax ngẽmawa Iraéanecüã̱xgü Tupanaca̱x ínaguxü̃ca̱x i norü ãmaregü —ñanagürü.