Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:27 - Tupanaarü Ore

²⁷ Rü nüma ga Cori ya Tupana rü yema daxũcüã̱xü̃ namu nax naxchixü̃gu yaxǘcuchiãxü̃ca̱x ga norü tara.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:27 Referans Kwoze

Popera ga Yudíugü ga yaxõgüxü̃ca̱x ümatüxü̃ 1:14

Rü guxü̃ma i Tupanaarü orearü ngeruü̃gü i daxũcüã̱x rü naãxẽgü i Tupanaaxü̃́ puracüexü̃ nixĩgü. Rü nüma ya Tupana rü nanamugü nax nüxü̃ yanangü̃xẽẽgüxü̃ca̱x i guxü̃ma i ngẽma duü̃xü̃gü ya Tupana naxwa̱xexü̃ nax nayauxgüãxü̃ i maxü̃ i taguma gúxü̃.

Ore i mexü̃ ga Cuáü̃ ümatüxü̃ 18:11

Natürü ga Ngechuchu rü Pedruxü̃ ñanagürü: —¡Ngĩxchixü̃gu ngĩxü̃ ixücuchi i curü tara! ¿Tama ẽ̱xna nüxü̃ cucua̱x nax choma rü tá ngúxü̃ chingexü̃ ngẽma Chaunatü chomaxã naxueguxü̃rüxü̃? —ñanagürü.

Ore i mexü̃ ga Matéu ümatüxü̃ 26:52

Rü yexguma ga Ngechuchu rü ñanagürü: —¡Naxchiü̃gu yaxǘcuchi i curü tara! Erü guxãma ya yíxema taramaxã nuẽxe, rü taragu tátama tayue.

Echequié 21:30

Rü name nixĩ nax nachiü̃ca̱x nataeguxü̃ i ngẽma tara. Erü cumax, Pa Amóü̃x, rü cuchixü̃ane i nagu cubuxü̃wa tátama cuxna chaca nax cuxü̃ chapoxcuxü̃ca̱x.

Yeremía 47:6

Pa Tupanax, poraãcü ngúxü̃ tingegü. ¿Rü ñuxgura tá ta nüxü̃ curüchauxü̃ nax curü taramaxã toxü̃ cuda̱i̱xü̃? ¡Nachixü̃gu yaxǘcuchi i curü tara nax tama namaxã toxü̃ cuda̱i̱xü̃ca̱x!

Wiyaegü 103:20

Pa Daxũcüã̱x i orearü Ngeruxü̃ i Poraexü̃ i Yanguxẽxẽgüxe i Ngẽma Tupana Pexü̃ Muxü̃ ¡rü mexü̃ Corimaxã pexuegugü!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:20

Rü nüma ga Onáü̃ rü norü trigu ínapu̱x. Rü yexguma nügüweama nada̱u̱xgu rü nüxü̃ nadau ga yema daxũcüã̱x ga Tupanaarü orearü ngeruxü̃. Natürü guma ãgümücü ga nane ga namaxã yéma nayexmacü rü nibuxmü rü nicu̱xgü ga yexguma nüxü̃ nadaugügu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:12

Rü wüxi nixĩ nax tomaepü̱x ya taunecü taiya ngẽxmaxü̃ i Iraéanewa. Rü to nixĩ nax tomaepü̱x ya tauemacügu perü uanügü pexü̃ daixü̃. Rü to nixĩ nax tomaepü̱x i ngunexü̃ Cori ya Tupana ínanguxẽẽxü̃ i da̱xaweane rü ngẽma norü duü̃xü̃ i daxũcüã̱x rü poraãcü nachixexẽẽxü̃ i guxü̃ma i Iraéanewa. Rü ñu̱xma rü chanaxwa̱xe nax chomaxã nüxü̃ quixuxü̃ rü ngexü̃rüüxü̃ yixĩxü̃ i ngẽma cuma cunaxwa̱xexü̃ nax namaxã nüxü̃ chixuxü̃ca̱x ya yimá cuxü̃tawa choxü̃ mucü —ñanagürü.

2 Chamué 24:16

Rü yexguma yema Tupanaarü orearü ngeruxü̃ ga daxũcüã̱x inaxügüchaü̃gu ga nax nadaiaxü̃ ga yema Yerucharéü̃cüã̱xgü ga duü̃xü̃gü, rü Cori ya Tupanaaxü̃́ nangu̱x ga yema chixexü̃. Rü nüxna nachogü ga yema norü orearü ngeruxü̃ ga daxũcüã̱x ga duü̃xü̃güxü̃ daixü̃, rü ñanagürü nüxü̃: —¡Marü ngẽxmatama yacua̱xẽxẽ, rü taxṹ i cuyadaxẽxẽxü̃! —ñanagürü. Rü yexguma ga yema Cori ya Tupanaarü orearü ngeruxü̃ ga daxũcüã̱x rü Aráuna ga Yebútanüxü̃ trigu íbuxuxü̃wa nayexma.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:26

Rü yexma Tupanaaxü̃́ nanaxü ga ãmarearü guruxü̃ rü yéma ínanagu ga ãmaregü ga norü chixexü̃arü ütanüruxü̃ nax Tupanaxü̃ nangüxmüxẽẽxü̃ca̱x. Rü ñu̱xũchi Cori ya Tupanamaxã nidexa rü nüxü̃ naca̱a̱xü̃. Rü nüma ga Cori ya Tupana rü nanangãxü̃ rü daxũguxü̃ ga naanewa üxüema narünguxẽxẽ, rü yema ãmarearü guruxü̃étügu nangu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:28

Rü yexguma nüxü̃ nada̱u̱xgu ga Dabí nax Cori ya Tupana nüxü̃ ngãxü̃xü̃ nawa ga yema nachica ga Onáü̃ ga Yebútanüxü̃ trigu nawa púxü̃, rü wena yéma Tupanaca̱x ínanagu ga ãmaregü.