Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:26 - Tupanaarü Ore

²⁶ Rü yexma Tupanaaxü̃́ nanaxü ga ãmarearü guruxü̃ rü yéma ínanagu ga ãmaregü ga norü chixexü̃arü ütanüruxü̃ nax Tupanaxü̃ nangüxmüxẽẽxü̃ca̱x. Rü ñu̱xũchi Cori ya Tupanamaxã nidexa rü nüxü̃ naca̱a̱xü̃. Rü nüma ga Cori ya Tupana rü nanangãxü̃ rü daxũguxü̃ ga naanewa üxüema narünguxẽxẽ, rü yema ãmarearü guruxü̃étügu nangu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:26 Referans Kwoze

Lebítanüxü̃arü puracüchiga 9:24

Rü nawa ínaxũxũ ga üxüema ga yaguxü̃ ga yema naxü̃na ga yagugüchaü̃xü̃ rü yema chíxü̃ ga ãmarearü guruü̃étügu nuxü̃. Rü yexguma yemaxü̃ nadaugügu ga Iraétanüxü̃, rü norü taãẽmaxã tagaãcü aita naxüe, rü ñu̱xũchi waixü̃müanegu nanangücuchitanü.

Ãẽ̱xgacügü ga guxchaxü̃güarü mexẽxẽruü̃gü 6:21

Rü yexguma ga yema orearü ngeruxü̃ i daxũcüã̱x rü norü naixmena̱xã ga nangexü̃nemaxã nüxü̃ ningõgü ga yema namachi rü paũgü, rü gumá nuta rü ninai rü yema nixĩ ga yaxãxẽẽxü̃ ga namachi rü paũgü. Rü ñu̱xũchi nüma ga Tupanaarü orearü ngeruxü̃ rü inarütaxu.

Ucu̱xẽgüchiga 15:8

Nüma ya Cori ya Tupana tama nanayaxu i norü ãmaregü i ngẽma chixexü̃gu maxẽxü̃. Natürü taãẽãcü nanayaxu i tümaarü yumüxẽgü ya yíxema aixcüma mea maxẽxe.

Nüxíraxü̃xü̃ ga popera ga ãẽ̱xgacügüchiga 18:38

Rü yexgumatama Cori ya Tupanaarü üxüema rü ngürüãchi yexma naétü nangu ga yema wocaxacümachi. Rü nixa ga yema namachi rü üxü rü wootama ga guma nutagü rü waixü̃mü. Rü yema dexá ga yema ícaeguxü̃machatexewa yexmaxü̃ rü nipa.

Yeremía 33:3

“¡Choxna naca rü tá cuxü̃ changãxü̃! Rü tá cuxü̃ nüxü̃ chacua̱xẽxẽ i ta̱xacü i taxü̃ i ẽxü̃guxü̃ i taguma nüxü̃ cucuáxü̃.

Ichaía 65:24

Rü naxü̃pa nax nüma choxna nacagüexü̃, rü choma ya Tupana rü marü tá nüxü̃ changãxü̃. Rü naxü̃pa nax yanachianegüxü̃ nax choxna nacagüexü̃, rü choma rü marü tá nüxü̃ chaxĩnü.

Wiyaegü 99:9

¡Rü nüxü̃ picua̱xüü̃gü ya yimá Cori ya tórü Tupana ixĩcü! ¡Rü yima napata ya norü ma̱xpǘne ya üünenewa ngẽxmanepe̱xegu pecaxã́pü̱xügü! Erü nüma ya Cori ya tórü Tupana rü naxüüne.

Wiyaegü 91:15

Rü ngẽxguma choxna tacaxgu rü choma rü tá tüxü̃ changãxü̃ rü tá tümaxü̃tawa changexma. Rü ngẽxguma guxchaxü̃ tüxü̃ üpetügu rü tá nawa tüxü̃ íchanguxuchixẽxẽ rü poraãcü tá tümamaxã chataãxẽ.

Wiyaegü 51:15

Pa Corix ¡ẽcü choxü̃ ichoxẽxẽ nax cuxca̱x chawiyaexü̃ca̱x rü ngẽmaãcü cuxü̃ chicua̱xüxü̃xü̃ca̱x!

Norü taxre ga to ga popera ga ãẽ̱xgacügüchiga ümatüxü̃ 7:1

Rü yexguma Charomóü̃ nüxü̃ rüchauxgu nax nayumüxẽxü̃ rü daxũguxü̃ ga naanewa narüngu ga üxüema rü yema ãmaregü ga Tupanaca̱x yéma nanaxü̃ rü yema naxü̃nagü ga Tupanaca̱x nada̱i̱xü̃étügu nangu rü nixae. Rü yema Tupanaarü üüne rü guma Tupanapata ga taxü̃ne namaxã nanapa rü yemaca̱x ga yema chacherdótegü rü taxucürüwama nagu nachocu.

Norü taxre ga to ga popera ga ãẽ̱xgacügüchiga ümatüxü̃ 3:1

Rü nüma ga Charomóü̃ rü inanaxügü nax naxüaxü̃ ya Cori ya Tupanapata ga taxü̃ne ga Yerucharéü̃wa nagu ga nachica ga Yebuchéutanüxü̃ ga Onáü̃ trigu nawa púxü̃ ga ma̱xpǘne ga Moríawa. Rü guma ma̱xpǘnewa nixĩ ga Charomóü̃ nanatü ga Dabíca̱x nangóxü̃ ga Cori ya Tupana. Rü yema nixĩ ga nachica ga Dabí nüxü̃ unetaxü̃ nax nagu tá naxüxü̃ ya Tupanapata ya taxü̃ne.

Nüxíraxü̃xü̃ ga popera ga ãẽ̱xgacügüchiga 18:24

Rü ngẽmawena i pema rü tá perü tupanana pecagüe, rü choma rü tá Cori ya Tupanana chaca. Rü yima üxümaxã tüxü̃ ngãxü̃gacü, rü yimá tá nixĩ ya aixcüma Tupana ixĩcü —ñanagürü. Rü guxü̃ma ga duü̃xü̃gü nanangãxü̃gagü rü ñanagürügü: —Mexü̃ma nixĩ i ngẽma ĩnü —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 13:20

Yerü yexguma yema naxü̃naarü guruü̃wa napu̱xnagüemagu ga üxü, rü Manóa rü naxma̱xmaxã nüxü̃ nadaugü ga yema Tupanaarü orearü ngeruxü̃ i daxũcüã̱x rü guma üxüemagu dauxü̃wa nax naxũxü̃. Rü yexguma yemaxü̃ nadaugügu, rü yexma nanangücuchitanü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:27

Rü nüma ga Cori ya Tupana rü yema daxũcüã̱xü̃ namu nax naxchixü̃gu yaxǘcuchiãxü̃ca̱x ga norü tara.

Iraétanüxü̃arü muxchiga 16:50

Rü yexguma marü iyanaxoxgu ga yema da̱xaweane, rü nüma ga Aróü̃ rü wenaxarü Tupanapataca̱x nataegu ga Moiché íyexmaxü̃wa.