Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:23 - Tupanaarü Ore

²³ Rü nüma ga Onáü̃ rü Dabíxü̃ nangãxü̃ rü ñanagürü: —Pa Ãẽ̱xgacüx ¡ẽcü nayaxu i ñaa naane rü nagu naxü i ta̱xacü i cuma cunaxwa̱xexü̃! Rü choma tá cuxna chanamugü i ñaa woca iyatüxü̃gü nax ngẽma Tupanaca̱x ícuguxü̃ca̱x. Rü yimatama naixmena̱xãgü ya trigu namaxã chapoxü̃nemaatama naxüxüxü̃. Rü ñaatama trigu rü wüxigu ngẽma wocagümaxã rü cuxna chanaxãmare nax Tupanana cuxãmarexü̃ca̱x, Pa Ãẽ̱xgacüx —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:23 Referans Kwoze

1 Chamué 6:14

Rü yexguma Yochuéarü naanewa nanguxgu ga Bex-cheméwa, rü yéma nayachaxãchi. Rü yéma nayexma ga wüxi ga nuta ga tacü. Rü nüma ga Bex-chemécüã̱xgü ga duü̃xü̃gü rü nagu napogüe ga gumá naweü̃ rü üxüxü̃ nayaxĩxẽẽgü. Rü ga yema wocagü rü Tupanaca̱x nanadai rü ínanagu.

Yeremía 32:8

Rü yema Cori ya Tupana chomaxã nüxü̃ ixuxü̃rüxü̃ chauenexẽ ga Anaméx choxü̃ ínayadau ga yema íchapoxcuxü̃wa ga ãẽ̱xgacüpataarü dauxü̃taechicaa̱xtüwa. Rü choxna nanaxũãxü̃ nax naxca̱x nüxü̃ chataxexü̃ca̱x ga yema norü naane ga Anatówa yexmaxü̃ ga Bẽyamíü̃tanüxü̃arü naanewa. Yerü choma nixĩ ga namexü̃ nax naxca̱x chataxexü̃ ga yema naane nax chorü yixĩxü̃ca̱x, erü choma nixĩ i yexeraãcü natanüxü̃xü̃chi chixĩxü̃. Rü nüxü̃ chicua̱xãchi nax Tupanaarü mu yixĩxü̃ ga yema.

Nüxíraxü̃xü̃ ga popera ga ãẽ̱xgacügüchiga 19:21

Rü nüma ga Erichéu rü Eríana nixũgachi rü taxre ga woca ga yatüxü̃ niyaxu, rü nanadai, rü ãgümücügu inanachexcu. Rü yema naixmena̱xãgü ga wocawa inaixgüxü̃maxã naxãxü̃xü̃. Rü yemawa ínanagu ga namachi, rü namücügüxü̃ nanangõ̱xẽxẽ. Rü yemawena rü Eríawe narüxũ norü ngü̃xẽẽruxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:22

Rü yexguma ga nüma ga Dabí rü ñanagürü nüxü̃: —¡Choxna naxã i ñaa nachica i trigu nawa cupúxü̃ nax ngẽxma Cori ya Tupanaca̱x chanaxüxü̃ca̱x i wüxi i ãmarearü guruxü̃! ¡Rü ngẽma cunaxwa̱xexü̃xe̱xpü̱x choxü̃ namaxã nataxe, rü tá cuxü̃́ chanaxütanü nax ngẽmaãcü yaxũgachixü̃ca̱x i ngẽma da̱xaweane i duü̃xü̃gü namaxã yuexü̃! —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:24

Natürü nüma ga ãẽ̱xgacü ga Dabí rü nanangãxü̃ rü ñanagürü: —Moxẽ cuxna chaxã, natürü chanaxwa̱xe nax naxca̱x cuxü̃ chataxexü̃ rü chomaxã cuxãtanüxü̃ i guxü̃ma i ngẽma. Rü tama chanaxwa̱xe i ngetanüãcüma cuxna chanayaxuxü̃ i ngẽma cuxrü ixĩxü̃, erü tama chanaxwa̱xe i ta̱xacü i choxü̃́ ngetanüxü̃ Cori ya Tupanaca̱x íchagu —ñanagürü.