Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:17 - Tupanaarü Ore

¹⁷ Rü nüma ga Dabí rü Tupanaxü̃ naca̱a̱xü̃ rü ñanagürü: —Choma nixĩ ga chanamuxü̃ ga nax yaxugüxü̃ ga duü̃xü̃gü. Rü choma nixĩ i chixexü̃ chaxüxü̃ rü chanaxüxü̃ i pecadu. ¿Rü ta̱xacürü chixexü̃ naxüe i ñaa duü̃xü̃gü rü ngẽmaca̱x cunadai? Pa Corix, Pa Chorü Tupanax, cuxna chaca nax choxü̃ rü chauxacügüxü̃waxi nax cupoxcuxü̃, rü marütama nax cunada̱i̱xü̃ i duü̃xü̃gü —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:17 Referans Kwoze

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Nüxíraxü̃xü̃ ga popera ga Cuáü̃ ümatüxü̃ 3:16

Rü Ngechuchu ya Cristu rü tórü pecaduca̱x nayu, rü yemawa tüxü̃ nüxü̃ nadauxẽxẽ i ngẽma ngechaü̃ i aixcüma ixĩxü̃. Rü ngẽxgumarüxü̃ ta i yixema, rü tanaxwa̱xe nax íimemarexü̃ nax taenexẽ i yaxõgüxü̃ca̱x inaxãxü̃ i tórü maxü̃.

Romanos 9:3

Rü aixcüma pemaxã nüxü̃ chixu rü guxü̃guma ngẽma chautanüxü̃gu charüxĩnü, rü poraãcü chanaxwa̱xe nax Cristuaxü̃́ yaxõgüãxü̃. Rü choma rü aixcüma íchamemare nax poxcuwa choxü̃ namuxü̃ ya Tupana rü Cristuna choxü̃ yaxũgachixẽẽxü̃ ega ngẽmaãcü chi nüxü̃ chayaxõgüxẽẽgu rü chanamaxẽxẽẽgu i ngẽma chautanüxü̃ i Iraétanüxü̃.

Wiyaegü 74:1

Pa Tupanax, toma nax curü duü̃xü̃gü tixĩgüxü̃, rü ¿tü̱xcüü̃ toxü̃ ícuwogüxü̃chi? ¿Rü tü̱xcüü̃ tomaxã cunu?

Wiyaegü 51:14

Pa Tupana ya Chorü Maxẽxẽruxü̃x ¡choxü̃ ínanguxuchixẽxẽ nax yexü̃cürü nagü ichanabaxẽxẽxü̃! Rü choma rü wiyaeãcüma tá nüxü̃ chixu nax cuma rü aixcümacü quixĩxü̃.

Wiyaegü 51:4

Rü cupe̱xewatama nixĩ i chanaxüxü̃ i ngẽma pecadu. Rü cuxetümaxã nüxü̃ cudau i ngẽma chaxüxü̃. Rü ngẽmaca̱x i ngẽma poxcu i chomaxã cuxueguxü̃ rü aixcüma name rü taxucürüwa texé nüxü̃ tixu nax chixri choxü̃ cungugüxü̃.

Wiyaegü 44:11

Rü cuma rü nüxna toxü̃ cumugü ñoma carnérugü i daiwa nagagüxü̃rüxü̃. Rü ngẽma togü i nachixü̃anegu toxü̃ cuwoonemare.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:8

Natürü nüma ga Dabí rü Tupanamaxã nüxü̃ nixu ga yema norü chixexü̃ rü ñanagürü: —Aixcüma cupe̱xewa poraãcü chixexü̃ chaxü. Natürü cuxna chaca nax choxü̃́ nüxü̃ curüngü̃maxü̃ca̱x erü wüxi i duü̃xü̃ i naechitamare maxü̃xü̃ãcü íchanaxü —ñanagürü.

Nüxíraxü̃xü̃ ga popera ga ãẽ̱xgacügüchiga 22:17

Rü nüma ga Micaía rü nanangãxü̃ rü ñanagürü: —Nüxü̃ chadau i guxü̃ma i Iraéanecüã̱xgü i ma̱xpǘneanegu woonemarexü̃ rü ñoma carnérugü i ngearü dauruü̃ã́xü̃rüxü̃ nax yixĩgüxü̃. Rü nüma ya Cori rü ñanagürü: “Ñaa duü̃xü̃gü rü nangearü dauruü̃ã̱xgü, rü ngẽmaca̱x name nixĩ i wüxichigü i nüma rü napataca̱x nawoegu” —ñanagürü.

2 Chamué 24:17

Rü yexguma Dabí nüxü̃ da̱u̱xgu ga yema Tupanaarü orearü ngeruxü̃ ga daxũcüã̱x ga duü̃xü̃güxü̃ daixü̃, rü nüma ga Dabí rü Cori ya Tupanaxü̃ ñanagürü: —Choma nixĩ ga chixexü̃ chaxüxü̃. Chaugagu nixĩ i ngẽma ngupetüxü̃ ¿Natürü tü̱xcüü̃ cunapoxcu i ñaa duü̃xü̃gü i taxuxü̃ma i chixexü̃ ügüxü̃? Choma rü cuxna naxca̱x chaca nax choxü̃ rü chauxacügüxü̃ cupoxcuxü̃ca̱x —ñanagürü.

2 Chamué 24:1

Cori ya Tupana rü wenaxarü Iraétanüxü̃arü chixexü̃gagu nanu. Rü yemaca̱x ga nüma ga Tupana rü Dabíãẽwa nananguxẽxẽ nax Iraécüã̱xgüca̱x guxchaxü̃ ínanguxẽẽxü̃. Rü Dabíxü̃ namu nax yaxugügüãxü̃ca̱x ga guxü̃ma ga duü̃xü̃gü ga Iraéanewa rü Yudáanewa yexmagüxü̃.

2 Chamué 12:10

Rü ngẽma nax choxü̃ cuxoxü̃, rü ngẽmaca̱x Uría ya Itítanüxü̃ naxma̱x tüxü̃ cuyapu rü cuxma̱xü̃ tüxü̃ quixĩxẽxẽ. Rü ngẽmagagu rü guxü̃gutáma ãũcümaxü̃wa nangẽxmagü i cutanüxü̃.

2 Chamué 7:8

Rü ngẽmaca̱x ¡namaxã nüxü̃ ixu ya chorü duü̃ ya Dabí rü choma ya Cori ya Tupana ya Guxãétüwa Ngẽxmaxe, rü ñacharügü nüxü̃! ‘Yexguma carnérugüarü dauruxü̃ quixĩxgu rü yea naanewa nüxna cuda̱u̱xgu, rü choma cuxü̃ chayaxu nax ñaa chorü duü̃xü̃gü i Iraétanüxü̃arü ãẽ̱xgacü nax quixĩxü̃ca̱x.

Yochué 22:18

¿Rü tü̱xcüü̃ i ñu̱xma rü nüxna pixĩgachichaü̃xü̃ ya Cori ya Tupana? Rü ngẽxguma namaxã penuegu i ñu̱xma rü moxü̃arü ngunexü̃gu rü nüma ya Cori ya Tupana rü tá nanapoxcue i guxü̃ma i Iraétanüxü̃.

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

Naanearü ügüchiga 44:33

Rü ngẽmaca̱x cuxü̃ chaca̱a̱xü̃, Pa Ãẽ̱xgacüx, nax chomawaxi nuxã cuxü̃tagu charüxã́ũxü̃ nachicüxü ya yimá chauenexẽ ya rübumaecü. ¡Rü ẽcü íyamu i nüma nax naenexẽgümaxã nataeguxü̃ca̱x!

Yoná 1:12

Rü nüma ga Yoná rü nanangãxü̃ rü ñanagürü: —¡Ẽcü choxü̃ ípetáe nachiü̃wa i ñaa már! Rü ngẽxguma rü tá ínayachaxãchi ya yuape. Rü choma rü nüxü̃ chacua̱x nax chaugagu yixĩxü̃ ya daa buanecü ya tacü i nuxã pexü̃ naxüxü̃ —ñanagürü.