Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:1 - Tupanaarü Ore

¹ Rü nüma ga Chataná rü Iraéanecüã̱xgümaxã nanu, rü yemaca̱x Dabíãẽwa ínananguxẽxẽ nax Iraéanecüã̱xgüxü̃ yaxugüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:1 Referans Kwoze

Chacaría 3:1

Rü yexguma chango̱xetügu rü nüma ga Cori ya Tupana rü choxü̃ nanawe̱x ga Yochué ga chacherdótegüarü ãẽ̱xgacü. Rü nüma ga Yochué rü Cori ya Tupanaarü duü̃xü̃ ga daxũcüã̱xpe̱xegu nachi. Rü Yochuéarü tügünecüwawa nayexma ga Chataná ga nüxü̃ ixugüchaü̃xü̃.

Yox 2:1

Rü yexguma nawa nanguxgu ga ngunexü̃ nax Tupanape̱xewa wena nangugüxü̃ ga yema norü orearü ngeruü̃gü ga daxũcüã̱x, rü nüma ga Chataná rü ta natanügu naxã.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:10

Rü ñu̱xũchi nüxü̃ chaxĩnü ga wüxi ga naga ga daxũguxü̃ ga naanewa tagaãcü ñaxü̃: “Ñu̱xma rü marü nawa nangu nax tórü Tupana namaxẽxẽẽãxü̃ i duü̃xü̃gü. Rü nüma rü marü nua naxũ nax norü poramaxã guxü̃arü ãẽ̱xgacü yixĩxü̃ca̱x. Rü Nane ya Cristu rü marü ínangu nax nüma guxü̃maxã inacuáxü̃ca̱x. Erü marü daxũguxü̃ i naanewa ínata̱xüchi i Chataná ga ngunecü rü chütacü tórü Tupanape̱xewa taenexẽgüxü̃ ixugüechaxü̃.

Popera ga Yudíugü ga yaxõgüxü̃ca̱x ümatüxü̃ 10:24

Rü ñu̱xma rü name nixĩ i naxca̱x idaugüxü̃ nax wüxichigü yigü rüngü̃xẽẽgüxü̃ nax yexeraãcü yigü íngechaü̃güxü̃ca̱x rü mexü̃ ixügüxü̃ca̱x.

Ngechuchuarü ngúexü̃gü ga yamugüxü̃arü puracüchiga 5:3

Rü yexguma ga Pedru rü ñanagürü nüxü̃: —Pa Ananíax, ¿tü̱xcüü̃ ngo̱xo i Chatanága cuxĩnü rü Tupanaãxẽ i Üünecümaxã quidora, rü cugüxü̃́ ngĩxne cuyaxu i ñuxre i ngẽma curü naanetanü?

Ore i mexü̃ ga Cuáü̃ ümatüxü̃ 13:2

Natürü ga Chataná rü marü Yúda ga Chimóü̃ ga Icharióte nanena nangu nax bexma Ngechuchuxü̃ ínaxuaxü̃xü̃ca̱x. Rü Ngechuchu rü marü nüxü̃ nacua̱x ga Nanatüxü̃tawa nax ne naxũxü̃ rü wena táxarü Nanatüca̱x nax nataeguxü̃. Rü nüxü̃ nacua̱x ga Nanatü rü naxme̱xgu nax naxüaxü̃ ga guxü̃ma ga pora. Rü yemaca̱x ga yema chütaxü̃gu ga yexguma mechawa ínachibüeyane, rü inachi ga Ngechuchu. Rü ínacuxuchi ga norü gáuxü̃chiru, rü wüxi ga tuayamaxã nügü nigoye.

Ore i mexü̃ ga Luca ümatüxü̃ 22:31

Rü Pedruxü̃ ñanagürü ta ga Cori ga Ngechuchu: —Pa Chimóü̃x, Pa Chimóü̃x, Chataná rü Tupanana naca nax ñoma triguxü̃ idüagüxü̃rüxü̃ pemaxã yixĩxü̃ca̱x.

Ore i mexü̃ ga Luca ümatüxü̃ 11:53

Rü yexguma Ngechuchu yema ñaxgu, rü yema ngúexẽẽruü̃gü ga Moichéarü mugüwa ngu̱xẽẽtaegüxü̃ rü yema Parichéugü rü poraãcü Ngechuchumaxã nanue. Rü muxü̃ma ga cagü ga guxchaxü̃maxã inanaxügüe nax nüxna nacagüexü̃ nax yemaacü chi nüxü̃ iyangaugüxü̃ca̱x nax Ngechuchu chixri nangaxü̃güxü̃ nax yemamaxã norü ãẽ̱xgacügüxü̃tawa Ngechuchuxü̃ íyaxuaxü̃güxü̃ca̱x.

Ore i mexü̃ ga Matéu ümatüxü̃ 4:3

Rü yexguma ga ngo̱xo ga Chataná rü Ngechuchuxü̃tawa nangu, nax nüxü̃ naxüxü̃ca̱x. Rü ñanagürü nüxü̃: —Ega aixcüma Tupana Nane quixĩxgu, ¡rü daa nutagüxü̃ namu nax paũxü̃ nanguxü̃xü̃ca̱x! —ñanagürü ga Chataná.

Popera ga Chantiágu ümatüxü̃ 1:13

Natürü ngẽxguma texé ĩnü i chixexü̃ tümaca̱x ínguxgu nax chixexü̃ taxüxü̃ca̱x rü tama name i nagu narüxĩnü nax Tupana tümaãẽwa ínangu̱xẽẽxü̃ i ngẽma ĩnü i chixexü̃. Erü ya Tupana rü taguma naãxẽwa nangu nax chixexü̃ naxüxü̃, rü ngẽxgumarüxü̃ ta taguma chixexü̃ i ĩnü texéãẽwa nanguxẽxẽ nax chixexü̃ taxüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 20:8

Rü yema duü̃xü̃gü ga imáchanexü̃chixü̃ rü Gáxcüã̱x ga Refátanüxü̃ nixĩgü. Natürü Dabíme̱xẽgu rü norü churaragüerugüme̱xẽgu nayi.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:24

Rü nüma ga Yoá ga Cheruiá ngĩne rü inanaxügü nax yaxugüaxü̃ ga duü̃xü̃gü, natürü tama nüxü̃́ nagu̱x, yerü yemagagu ga Tupana rü wüxi ga taxü̃ ga guxchaxü̃ Iraétanüxü̃ca̱x ínangu̱xẽxẽ. Rü yemaca̱x nixĩ nax tama Dabíarü poperawa nangóxü̃ nax ñuxre yixĩxü̃ ga norü mu ga yema duü̃xü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:40

Rü guxü̃ma ga yemagü rü Achétaagü nixĩgü. Rü natanüxü̃maxã inacua̱xgü, rü churaragü ga tama muü̃wa̱xegüxü̃ nixĩgü, rü ñu̱xũchi yatügü ga nüxü̃ icua̱xgüxü̃ nixĩgü. Rü yema popera ga guxü̃ma ga nügütanüxü̃ nagu iwǘgüxü̃wa rü nayexma ga 26,000 ga yatügü ga daica̱x ímemaregüxü̃.