Nüxíraxü̃xü̃ ga to ga popera ga ãẽ̱xgacügüchiga ümatüxü̃ 20:5 - Tupanaarü Ore

⁵ Rü nayexma ga to ga dai ga Firitéugümaxã. Rü yema daigu rü Eranáü̃ ga Yaí nane nayama̱x ga Laxmí. Rü nüma ga Laxmí rü Gáxcüã̱x ga Goriáx naenexẽ nixĩ, rü guma naxne rü wüxi ga wocae ga natamena̱xãxü̃chicü nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 20:5 Referans Kwoze

2 Chamué 21:19

Rü yexguma wenaxarü Góxgu Firitéugümaxã nügü nadaixgu ga Iraéanecüã̱x, rü nüma ga Eranáü̃ ga Beréü̃cüã̱x ga Yaíx nane rü nayama̱x ga Goriáx ga Gáxcüã̱x. Rü nüma ga Goriáx rü nüxü̃́ nayexma ga wüxi ga naxne ga wocae ga tamena̱xãxüchicü.

1 Chamué 22:10

Rü nüma ga Aimérex rü Cori ya Tupanana naca nax Dabíxü̃ nangü̃xẽẽxü̃ca̱x. Rü õnagü nüxna naxã, rü ñu̱xũchi nüxna nanaxã ga Firitéu ga Goriáxarü tara —ñanagürü.

1 Chamué 21:9

Rü nüma ga gumá chacherdóte rü nanangãxü̃ rü ñanagürü: —Choxü̃́ nangẽxma i ngẽma norü tara ga yema Firitéu ga Goriáx ga Eráarü doxonexü̃gu quimáxü̃. Rü ngẽma Tupanaarü efóx íxüxü̃ca̱xwe̱xgu naxǘ. Rü wüxi i naxchirumaxã nanuque. ¡Rü ẽcü nayaxu rü yange ega cunaxwa̱xegu! Erü to i naxne rü choxü̃́ nataxuma —ñanagürü. Rü yexguma nüma ga Dabí rü nanangãxü̃ rü ñanagürü: —¡Ẽcü nua naxã! Erü nataxuma i tara i ngẽmaxü̃ rümemaexü̃ —ñanagürü.

1 Chamué 17:7

Rü gumá norü wocae rü 5 chentímetruarü yexera nixĩ ga norü tamena̱xã rü namagu rü fierunaxca̱x nixĩ rü 6 quíru naya. Rü Goriáxpe̱xegu nixũchigü ga yema norü poxü̃ruü̃arü ngeruxü̃.

1 Chamué 17:4

Rü yema Firitéugütanüwa nixũxũ ga wüxi ga churara ga 3 metrugu ixüchanexü̃, rü yema doxonexü̃wa naxũ. Rü Goriáx nixĩ ga naéga, rü ĩane ga Gáxcüã̱x nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:23

Rü yexgumarüxü̃ ta nayama̱x ga wüxi ga Equítuanecüã̱x ga máxchanexü̃chixü̃ ga wixgutaa̱x taxre ga metruarü ngãxü̃gu ixüchanexü̃. Rü yema Equítuanecüã̱x rü wüxi ga wocae ga tamena̱xãcümaxã naxãxne. Rü nüma ga Benaía rü wüxi ga naimaxã naxãxne. Natürü yema Equítuanecüã̱xna nanapu ga norü wocae rü gumamaxãtama nayama̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 20:6

Rü yemawena rü nayexma ga to ga dai ga Gáxwa. Rü yemawa nayexma ga wüxi ga yatü ga máchanexü̃chixü̃ ga mutaréme̱xẽxü̃. Rü 6 chigü nixĩ ga wüxime̱xẽwa, rü 6 chigü nixĩ ga wüxicutüwa. Rü guxü̃wama rü 24 nixĩ. Rü nüma rü yema imáchanexü̃tanüxü̃ nixĩ.