Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:7 - Tupanaarü Ore

⁷ Rü Zimrí nane nixĩ ga Acáü̃. Rü naé rü Camí iyixĩ. Rü nüma ga Acáü̃ nixĩ ga Iraétanüxü̃étügu guxchaxü̃ nguxẽẽxü̃ ga yexguma tama ínaguãgu ga yemaxü̃gü ga Tupana chu̱xuxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:7 Referans Kwoze

Yochué 6:18

¡Rü ñu̱xma i pemax rü pegüna pedaugü nax tama penayaxuxü̃ i ta̱xacü i norü ngẽmaxü̃ ya yimá ĩanewa ngẽxmaxü̃! Erü nüma ya Cori ya Tupana rü namaxã nanaxuegu ya daa ĩane nax peyanaxoxẽẽxü̃ca̱x rü penadaiãcuxü̃ca̱x. Rü ngẽxguma taxũtáma ngẽmaãcü penaxü̱xgux, rü nüma ya Tupana rü tá chixexü̃ tamaxã naxuegu rü tá chixexü̃ taxca̱x ínangu̱xẽxẽ.

Yochué 22:20

¡Rü nüxna pecua̱xãchi ga yema Acáü̃ ga Chéra nanexü̃ ngupetüxü̃! Rü nüma rü nanayaxu ga yemaxü̃gü ga Tupana namaxã naxueguxü̃ nax ínaguxü̃, rü yemagagu nanu ga Cori ya Tupana namaxã ga guxü̃ma ga Iraétanüxü̃. Rü tama Acáü̃icatama nayu nagagu ga yema pecadu —ñanagürügü.

Yochué 7:25

Rü Yochué rü Acáü̃xü̃ ñanagürü: —¿Tü̱xcüü̃ chixexü̃ tatanüwa ícunguxẽxẽ? Rü ñu̱xma ya Cori ya Tupana rü ngẽma chixexü̃ tátama nixĩ i cuxna nanguxẽẽxü̃ —ñanagürü. Rü yema ñaxgu ga Yochué, rü guxü̃ma ga Iraétanüxü̃ rü nutamaxã Acáü̃xü̃ rü natanüxü̃xü̃ nadai. Rü ñu̱xũchi natanüwa nanangixichi.

Wenaxarü naxümatü ga Tupanaarü mugü 13:17

¡Rü taxũtáma ta̱xacü pegüxü̃́ peyaxu i ngẽma Cori ya Tupana ueguxü̃ nax peyaguxü̃! Rü ngẽxguma aixcüma peyanguxẽẽgu i guxü̃ma i ngẽma rü nüma ya Cori rü tagutáma pemaxã nanu. Rü tá nüxü̃́ pengechaxü̃tümüxü̃gü rü tá pexü̃ nimuxẽxẽ yema perü o̱xigümaxã naxueguxü̃rüxü̃.

Wenaxarü naxümatü ga Tupanaarü mugü 7:26

Rü ngẽmaca̱x ¡taxṹ i pepatawa penangexü̃ i ngẽma úiru rü diẽrumü ya Tupana pexna chu̱xuxü̃ nax tama ipeyarüxogüxü̃ca̱x i pema rü ta! Rü ngẽmagü rü tá ípenagu. Erü Tupana naxchi naxai i guxü̃ma i ngẽma tupananetachicüna̱xãgü rü ngẽxgumarüxü̃ ta i pema rü penaxwa̱xe nax nüxü̃ pexoexü̃ —ñanagürü ga Moiché.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 4:1

Rü Yudá nanegü nixĩ ga Fáre, rü Eróü̃, rü Camí, rü Úru, rü Chobá.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:6

Rü nüma ga Chéra rü nüxü̃́ nayexma ga wüxime̱e̱xpü̱x ga nanegü. Rü yema nanegü rü Zimrí, rü Etáü̃, rü Emáü̃, rü Cacú, rü Dadá nixĩgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:8

Rü Etáü̃ nane rü Acharía nixĩ.