Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:3 - Tupanaarü Ore

³ Rü Yudá rü nüxü̃́ nayexma ga tomaepü̱x ga nanegü, rü wüxi nixĩ ga Éx, rü to nixĩ ga Onáü̃, rü to nixĩ ga Cherá. Rü naé ga yema tomaepü̱x rü Canaáü̃cüã̱x iyixĩ. Rü ngĩnatü rü Chúa nixĩ. Rü Éx nixĩ ga nane ga rüyamaecü. Natürü nüma ga Éx rü nachixecümaxü̃chi rü yemaca̱x ga Tupana rü nüxna nanayaxu ga norü maxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:3 Referans Kwoze

Iraétanüxü̃arü muxchiga 26:19

Rü yema Yudá nanegü ga Canaáü̃anegu yuexü̃ rü Éx rü Onáü̃ nixĩ. Rü yema togü ga Yudá nanegü rü Cherá, rü Fáre rü Chéra nixĩ. Rü yema nataagü ga Yudá nixĩ ga Cherátanüxü̃, rü Fáretanüxü̃, rü Chératanüxü̃.

Naanearü ügüchiga 46:12

Rü Yudá nanegü nixĩ ga Éx, rü Onáü̃, rü Cherá, rü Fáre rü Chéra. (Éx, rü Onáü̃ rü Canaáü̃anegutama nayue). Rü Fáre nanegü nixĩ ga Eróü̃, rü Amúx.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:5

Rü yema Chilótanüxü̃ ga norü ĩaneca̱x woeguxü̃tanüwa nayexma ga Achaía. Rü nüma ga Achaía rü naenexẽtanüwa rü yacü nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 4:1

Rü Yudá nanegü nixĩ ga Fáre, rü Eróü̃, rü Camí, rü Úru, rü Chobá.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 4:21

Rü Yudá nane nixĩ ga Cherá. Rü Cherá nataagü nixĩ ga Éx rü Ladá. Rü Éx nane nixĩ ga Lecá. Rü Ladá nane nixĩ ga Marechá. Rü Cheráwa ne naxĩ ga yema nügütanüxü̃ ga Bex-abéawa línuchiwa puracuexü̃. Rü yexgumarüxü̃ ta Cherátanüxü̃ nixĩ ga Yoaquíü̃, rü yema Cochebácüã̱xgü, rü Yoá, rü Charáx. Rü yema taxre rü Moátanüxü̃ ga ngexü̃gümaxã nixãxma̱x naxü̃pa nax Beréü̃ca̱x nawoeguxü̃, yema nũxcümaxü̃ ga popera nüxü̃ ixuxü̃rüxü̃.