Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:22 - Tupanaarü Ore

²² Rü yemawena nüma ga Chegú rü nüxü̃́ nayexma ga wüxi ga nane ga Yaí ga naéga. Rü nüma ga Yaí rü namaxã inacua̱x ga 23 ga ĩanegü ga Garaáxarü naanewa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:22 Referans Kwoze

Yochué 13:30

Rü yema naane ga nüxna üxü̃ ga yema ngãxü̃ ga Manachétücumü, rü yema nixĩ ga naane ga ü̃pa Bacháü̃arü ãẽ̱xgacü ga Óxarü ixĩxü̃. Rü yema nixĩ ga guxü̃ma ga Bacháü̃ane ga Maanaíü̃wa ixügüxü̃. Rü namaxã nanangauxẽxẽ ga guma 60 ga ĩanegü ga Yaíxme̱xẽwa yexmagüne, rü ngãxü̃ ga Garaáxane rü ñu̱xũchi guma ĩanegü ga Atarú rü Edréi. Rü guxü̃ma ga yema naanegü rü yema ngãxü̃tücumü ga Manaché nane ga Maquítaagüna nanaxã. Rü Moiché nüxü̃ nayanu nae̱xpü̱x ga ñuxre nax yixĩxü̃ ga natanüxü̃arü mu ga Maquí.

Wenaxarü naxümatü ga Tupanaarü mugü 3:14

Rü Yaí ga Manachétaxa rü nanayaxu ga guxü̃ma ga Argóxane rü ñu̱xmata Guechúxarü üyeanewa rü Maacáarü üyeanewa nangu. Rü yema naane ga noxri Bacháü̃gu ãégaxü̃ rü nüma ga Yaí rü nügüégagu nanaxüéga, rü Abóx-yaígu nanaxüéga. Rü woo i ñu̱xma rü ngẽmatama nixĩ i naéga.

Iraétanüxü̃arü muxchiga 32:41

Rü Yaí ga Manachétanüxü̃ ixĩxü̃ rü nanapuxü̃ ga ñuxre ga Amoréugüarü ĩanexacügü rü ñu̱xũchi Abóx-yaígu nanaxüéga.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:21

Rü yexguma 60 ga taunecü nüxü̃́ yexmagu ga Eróü̃ rü Maquíxacümaxã naxãxma̱x. Rü ngĩwa nüxü̃́ nayexma ga wüxi ga nane ga Chegú ga naéga. Rü Maquí rü Garaáxnatü nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:23

Natürü ga Yechúx rü Aráü̃ rü nanapuxü̃ ga guma 23 ga Yaíarü ĩanegü. Rü yexgumarüxü̃ ta nanapu ga guma ĩane ga Quenáx rü naétü ga norü ĩanexacügü. Rü guxü̃wama 60 ga ĩanegü nixĩ. Rü guxü̃ma ga yema duü̃xü̃gü rü Garaáxnatü ga Maquítaagü nixĩgü.

Iraétanüxü̃arü muxchiga 32:40

Rü yemaca̱x ga nüma ga Moiché rü Maquítanüxü̃na nanaxã ga yema Garaáxane. Rü yemaacü ga nümagü rü yexma naxãchiü̃gü.

Wenaxarü naxümatü ga Tupanaarü mugü 3:15

Rü Manaché nane ga Maquítanüxü̃na chanaxã ga Garaáxane. Rü yema Rubéü̃tanüxü̃na rü Gáxtanüxü̃na chanaxã ga yema naane ga Garaáxanewa ixügüxü̃ rü natü ga Arnóü̃arü ngãxü̃wa nadapetü rü ñu̱xmata natü ga Yabóxgu yacuáx ga Amóü̃tanüxü̃arü naanemaxã íyaxüyexü̃wa.