Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:16 - Tupanaarü Ore

¹⁶ Rü nüma ga Ichaxí rü nüxü̃́ iyexma ga taxre ga naxacügü ga Cheruiá rü Abigái. Rü Cheruiá ngĩnegü rü tomaepü̱x nixĩ: Abichái rü Yoá rü Achaé.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:16 Referans Kwoze

1 Chamué 26:6

Rü yexguma ga nüma ga Dabí rü nidexa namaxã ga Aimérex ga Itítanüxü̃ ixĩcü, rü Abichái ga Cheruiá nane ga Yoáenexẽ. Rü yemagüna naca rü ñanagürü: —¿Texé ya ímemarexe nax chowe tarüxũxü̃ nax Chaú íngẽxmaxü̃wa ixĩxü̃? —ñanagürü. Rü nüma ga Abichái nanangãxü̃ rü ñanagürü: —Choma tá cuwe charüxũ —ñanagürü.

2 Chamué 19:22

Natürü nüma ga Dabí rü nanangãxü̃ rü ñanagürü —Ñaa rü tama perü guxcha nixĩ, Pa Cheruiá Nanegüx. ¿Rü tü̱xcüü̃ ñoma chorü uanügürüxü̃ pegü pixĩxẽxẽgü? Choma rü meama nüxü̃ chacua̱x nax woetama Iraéanecüã̱xgüarü ãẽ̱xgacü nax chixĩxü̃. Rü ngẽmaca̱x i ñaa ngunexü̃gu rü taxúetama tayu —ñanagürü.

2 Chamué 3:39

Rü ngẽmaca̱x i choma rü woo Tupana choxü̃ unetaxü̃ nax ãẽ̱xgacü chixĩxü̃ rü chaugü chacua̱x nax chaturaxü̃ nape̱xewa i ngẽma taxü̃ i chixexü̃ i naxüexü̃ i Cheruiá nanegü i tama chauga ĩnüexü̃. ¡Rü Cori ya Tupana tüxna naxã i tümaarü poxcu ya yíxema ñaa chixexü̃ üxe! —ñanagürü.

2 Chamué 2:13

Rü nüma ga Yoá ga Cheruiá nane rü Dabíarü churaragümaxã Ebróü̃wa inaxũãchi rü Gabaóü̃arü puchu íyexmaxü̃gu nügü nangaugü namaxã ga yema Abnéarü churaragü. Rü yema Yoáxarü churaragü rü Gabaóü̃arü puchucutüwa nayexmagü rü yema Abnéarü churaragü rü guma puchuarü tocutüwa nayexmagü.

2 Chamué 17:25

Rü nüma ga Acharóü̃ rü Yoáchicüxü Amacháxü̃ naxuneta nax norü churaragümaxã inacuáxü̃ca̱x. Rü Amachá rü Ismaétanüxü̃ ga Itará nane nixĩ. Rü nüma ga Itará rü ngĩmaxã naxãxma̱x ga Naáxacü ga Abigái. Rü Abigái rü Cheruiáxeya̱x iyixĩ. Rü Cheruiá rü Yoáarü mama iyixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:17

Rü ngĩma ga Abigái rü namaxã ixãte ga Yéte ga Ismaétanüxü̃ ixĩcü. Rü ngĩne rü Amachá nixĩ.

2 Chamué 14:1

Yoá ga Cheruiá nane rü nüxü̃ nacua̱x nax poraãcü Dabíaxü̃́ natauxchicaxü̃ ga nane ga Acharóü̃. Rü yemaca̱x ga nüma ga Yoá rü ngĩxca̱x nangema ga wüxi ga ngecü ga Tecóacüã̱x ga womüxẽẽxü̃ cua̱xüchicü. Rü ngĩxü̃ ñanagürü: —¡Rü cugü nangechaxü̃xẽxẽneta rü naxchiru i waxü̃gu icu̱x, rü ngexrüma i pumaramaxã cugü cuyixemaxü̃! ¡Rü ñoma ñuxgumama ngechaü̃ cuxü̃́ ngúxü̃rüxü̃ cugü ixĩxẽxẽ!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:20

Rü Abichái ga Yoá naenexẽ nixĩ ga namaxã icuáxü̃ ga yema 30 ga yexera rüporamaegüxü̃ rü tama muü̃wa̱xegüxü̃. Rü wüxi ga ngunexü̃gu Abichái norü wocaemaxã nanadai ga 300 ga yatü. Rü yemaca̱x natachiga natanüwa ga yema 30 ga yexera rüporamaegüxü̃. Rü nawa nangu nax yema 30 maxã inacuáxü̃. Natürü nüma ga Abichái rü tama namaxã nawüxigu ga yema tomaepü̱x ga nüxíraxü̃güxü̃ ga Yoá rü Yachobeáü̃ rü Ereachá.