Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:7 - Tupanaarü Ore

⁷ Rü Chíriaane rü inanamuãchitanü ga 32,000 ga carugü ga dairuxü̃ ga cowaru itúgüne. Rü Maacáanearü ãẽ̱xgacü rü guxü̃ma ga norü churaragümaxã nüxü̃ narüngü̃xẽxẽ. Rü guxü̃ma ga yema churaragü rü ĩane ga Medebáarü to̱xma̱xtawa nangugü rü yexma nügü naxüpatagü. Rü nüma ga Amóü̃tanüxü̃ rü norü ĩanegüna ínachoxü̃ nax nügü namexẽẽgüxü̃ca̱x nax Dabíarü churaragümaxã nügü nada̱i̱xü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:7 Referans Kwoze

Yochué 13:9

Rü yema naane ga nüxna üxü̃ rü inaxügü nawa ga guma ĩane ga Aroé ga natü ga Arnóü̃cutüwa yexmane. Rü namaxã nangau ga guma ĩane ga yema doxonexü̃arü ngãxü̃wa yexmane. Rü ma̱xpǘne ga Medebáarü metachinüxü̃wa nada ga yema naane ñu̱xmata ĩane ga Dibóü̃wa nangu. Rü namaxã nanangau ga guxü̃nema ga norü ĩanegü ga Chióü̃ ga Amoréutanüxü̃arü ãẽ̱xgacü ga Ebóü̃gu ãchiü̃cü. Rü yemaacü ga yema naane ga Iraétanüxü̃na üxü̃ rü Amóü̃tanüxü̃arü üyeanewa nangu.

Iraétanüxü̃arü muxchiga 21:30

Natürü i ñu̱xma i toma i Iraétanüxü̃ rü marü tanadai. Rü ĩane ya Ebóü̃wa itanaxügü rü ñu̱xmata Dibóü̃gu yacuáx. Rü nagu tapogüe ya norü ĩanegü rü ñu̱xmata Nopágu rü Medebágu yacuáx —ñagüxü̃.

Yochué 13:16

Rü yema norü naane rü inaxügü nawa ga guma ĩane ga Aroé ga natü ga Arnóü̃cutüwa yexmane. Rü namaxã nanangauxẽxẽ ga guma ĩane ga yema doxonexü̃arü ngãxü̃wa yexmane. Rü yema naane rü nawa nada ga yema doxonexü̃ ga ĩane ga Medebá nawa yexmaxü̃ ñu̱xmata ĩane ga Ebóü̃wa nangu. Rü namaxã nanangauxẽxẽ ga guxü̃nema ga guma ĩanegü ga yema doxonexü̃wa yexmagüne ga Dibóü̃, rü Bamóx-baá, rü Bex-baá-meóü̃,

Ichaía 15:2

Rü ngẽmaca̱x ngẽma duü̃xü̃gü ya ĩane ya Dibóü̃cüã̱xgü rü norü ngutaque̱xepataxü̃ ya ma̱xpǘnegu ünagünewa naxĩ rü ngéma nayaxauxe. Rü Moátanüxü̃ rü nügümaxã nixauxãchie naxca̱x ya norü ĩanegü ya Nébu rü Medebá nax nanguxuchigüxü̃. Rü guxü̃ma i Moátanüxü̃ rü norü ngechaü̃maxã nügü nidüpü̱xüerugü rü nügü nidüxchinagugü.

Norü taxre ga to ga popera ga ãẽ̱xgacügüchiga ümatüxü̃ 14:9

Natürü ga Chéra ga Etiopíaanearü ãẽ̱xgacü rü Acháca̱x ínayaxü̃achi namaxã ga 1’000,000 ga norü churaragü. Rü nüxü̃́ nayexma ga 300 ga carugü ga cowaru itúgüne. Rü nüma rü marü Marecháwa nangu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:4

Rü nüma ga Dabí rü ínanayauxü̃ ga 7,000 ga Adáx-échearü churaragü ga cowarugu ĩxü̃, rü 20,000 ga norü churaragü ga nacutügumare ĩxü̃, rü 1,000 ga norü carugü. Rü nanapoemetü̱xü ga yema cowarugü ga carugü itúgüxü̃, natürü ínayaxüxẽxẽ ga 100 ga cowarugü naxca̱x ga 100 ga carugü.

2 Chamué 10:6

Rü yexguma nüma ga Amóü̃tanüxü̃ nüxü̃ cua̱xgügu nax poraãcü Dabíxü̃ nanuxẽẽgüxü̃, rü yemaca̱x nüxü̃́ nanaxütanü ga 20,000 ga Chíriaanearü churaragü ga Bex-reóxcüã̱x, rü Chobácüã̱x, rü ñu̱xũchi 1,000 ga yatügü ga ãẽ̱xgacü ga Maacáarü churaragü rü 12,000 ga Ix-tóxarü churaragü nax nüxü̃ nangü̃xẽẽgüxü̃ca̱x.

1 Chamué 13:5

Rü nüma ga Firitéugü rü nügü nanutaque̱xe nax nügü nada̱i̱xü̃ca̱x namaxã ga Iraéanearü churaragü. Rü nüxü̃́ nayexma ga 30,000 ga daixwexü̃ ga carugü ga cowaru itúgüne, rü 6,000 ga churaragü ga cowarugu ĩxü̃, rü ñu̱xũchi muxũchixü̃ ga churaragü ga nacutügumare ĩxü̃. Rü norü mu ga yema churaragü rü ñoma márpechinüwa ngẽxmacü ya naxnücüte̱xerüxü̃ nixĩ i norü mu. Rü guxü̃ma ga yemagü rü Mixmáwa naxĩ rü yexma napegü ga Bex-abéü̃arü éstewaama.

Ãẽ̱xgacügü ga guxchaxü̃güarü mexẽxẽruü̃gü 4:3

Rü nüma ga Yabíü̃ rü nüxü̃́ nayexma ga 900 ga daiwexü̃ ga fierunaxca̱x ga cowaru itúgüne. Rü 20 ga taunecü poraãcü chixri Iraétanüxü̃maxã inacua̱x. Rü yemaca̱x ga yema Iraétanüxü̃ rü düxwa Cori ya Tupanaarü ngü̃xẽẽca̱x ínacagüe.

Ínachoxü̃xü̃chiga 14:9

Rü nümagü ga Equítuanecüã̱xgü rü guxü̃ma ga norü churaragümaxã rü naweü̃gümaxã rü norü cowarugümaxã inaxĩãchi nax nawe nangegüxü̃ ga yema Iraétanüxü̃. Rü Már ga Dauchíüxü̃cutügu nüxü̃ inayangaugü ga yema íyapegüxü̃wa ga Pi-airóxarü ngaicamana ga Baá-chepóü̃arü to̱xma̱xtawa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:8

Rü yexguma Dabí nüxü̃ cua̱xgu yema Amóü̃tanüxü̃ üxü̃, rü Yoáxü̃ inamuãchi namaxã ga guxü̃ma ga norü churaragü.