Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:6 - Tupanaarü Ore

⁶ Rü yexguma Amóü̃tanüxü̃ nüxü̃ cua̱xgügu nax Dabíxü̃ nanuxẽẽgüxü̃, rü Mechopotámiawa, rü Chíriaanewa, rü Maacáanewa rü Chobáanewa nanamu ga 33,000 quíru ga diẽrumü nax nüxü̃ nangü̃xẽẽgüxü̃ca̱x ga churaragü ga cowaruétügu ĩxü̃ rü carugü ga dairuü̃gü nax yemaacü Dabímaxã nügü nada̱i̱xü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:6 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:9

Rü yexguma ĩane ga Amáarü ãẽ̱xgacü ga Toí nüxü̃ cuáchigagu nax Dabí rü Chobáanearü ãẽ̱xgacü ga Adáx-échexü̃ naporamaexü̃, rü nüma ga Toí rü nane ga Aduráü̃xü̃ yéma Dabíxü̃tawa namu namaxã ga muxü̃ma ga yemaxü̃gü ga úirunaxca̱x rü diẽrumünaxca̱x rü bróũchenaxca̱x. Rü yemaacü Dabíxü̃ narümoxẽ rü namaxã nataãxẽ yerü Adáx-échexü̃ narüporamae. Rü ü̃paacü ga nüma ga Toí rü ta Adáx-échemaxã nügü nadai.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:5

Rü yemawena rü Chíriaanecüã̱xgü ga ĩane ga Damácuwa maxẽxü̃ rü Chobáanearü ãẽ̱xgacü ga Adáx-échearü ngü̃xẽẽwa yéma naxĩ. Natürü nüma ga Dabí rü nüxü̃ narüporamae. Rü yexma nanadai ga 22,000 ga Chírianecüã̱xgü.

2 Chamué 10:6

Rü yexguma nüma ga Amóü̃tanüxü̃ nüxü̃ cua̱xgügu nax poraãcü Dabíxü̃ nanuxẽẽgüxü̃, rü yemaca̱x nüxü̃́ nanaxütanü ga 20,000 ga Chíriaanearü churaragü ga Bex-reóxcüã̱x, rü Chobácüã̱x, rü ñu̱xũchi 1,000 ga yatügü ga ãẽ̱xgacü ga Maacáarü churaragü rü 12,000 ga Ix-tóxarü churaragü nax nüxü̃ nangü̃xẽẽgüxü̃ca̱x.

Naanearü ügüchiga 34:30

Rü yexguma nüma ga Acóbu rü nanegü ga Chimeóü̃xü̃ rü Lebíxü̃ nanga rü ñanagürü: —Pemax i ñu̱xmax rü taxü̃ i guxchawa choxü̃ pengexmaxẽxẽ. Rü ñu̱xmax i ngẽma duü̃xü̃gü i ñaa naanewa maxẽxü̃ i Canaáü̃cüã̱xgü, rü Ferechéugü rü tá chauxchi naxaie. Rü nügü tá cha̱u̱xca̱x nanutaque̱xe rü tá cha̱u̱xca̱x ínayaxüãchi. Rü ñu̱xma nax noxretama i yatügü choxü̃́ ngẽxmaxü̃ rü tá choxü̃ nima̱x wüxigu namaxã i guxü̃ma i chopatacüã̱xgü —ñanagürü.

1 Tesalonicenses 4:8

Rü ngẽmaca̱x ega texé tama naga ĩnügu i ñaa ngu̱xẽẽtaegü, rü tama wüxi i duü̃xü̃ga nixĩ i tama taxĩnüxü̃, natürü Tupanagatama nixĩ i tama taxĩnüxü̃. Rü gumá nixĩ ga pexna namucü ga Naãxẽ ya Üünexü̃.

Ore i mexü̃ ga Luca ümatüxü̃ 10:16

Rü ñu̱xũchi norü ngúexü̃güxü̃ ñanagürü: —Rü yíxema pega ĩnüexe, rü chauga rü ta taxĩnüe. Natürü yíxema tama pega ĩnüexe, rü chauga rü ta tama taxĩnüe. Rü yíxema tama chauga ĩnüexe, rü tama naga taxĩnüe ya Chaunatü ya núma choxü̃ mucü —ñanagürü ga Ngechuchu.

Wiyaegü 46:9

Yerü guxü̃wama ga ñoma i naanewa rü marü inayanaxoxẽxẽ nax nügü nada̱i̱xü̃ ga duü̃xü̃gü. Rü nüxü̃́ nayachixegüxẽxẽ ga norü würagü rü wocaxegü. Rü ínanagu ga naweü̃gü ga daiwa namaxã naxĩxü̃ne.

Wiyaegü 14:3

Natürü guxü̃ma i duü̃xü̃gü rü chixexü̃gu namaxẽ rü guxü̃ma wüxigu chixexü̃gu narüxĩnüe. Rü marü tataxuma ya texé ya mexü̃ ǘxe, rü bai ya wüxíe.

Norü taxre ga to ga popera ga ãẽ̱xgacügüchiga ümatüxü̃ 27:5

Rü Amóü̃anearü ãẽ̱xgacümaxã nügü nadai rü Amóü̃tanüxü̃xü̃ narüporamae. Rü gumá taunecügu rü yema Amóü̃tanüxü̃xü̃ nanaxütanüxẽxẽ ga 3,300 quíru ga diẽrumü rü 2’200,000 litrugü ga trigu Rü yexgumaepü̱x ta nixĩ ga chebáda. Rü gumá norü taxre ga taunecügu rü norü tomaepü̱x ga taunecügu rü yexgumaepü̱xtama nanaxütanü.

Norü taxre ga to ga popera ga ãẽ̱xgacügüchiga ümatüxü̃ 25:6

Rü naétü naxca̱x nataxegü ga 100,000 ga Iraéanearü churaragü. Rü 3,300 quíru ga diẽrumümaxã nanaxütanü.

Norü taxre ga to ga popera ga ãẽ̱xgacügüchiga ümatüxü̃ 18:9

Rü nüma ga Acáx ga Iraéanearü ãẽ̱xgacü rü Yochapáx ga Yudáanearü ãẽ̱xgacü rü nagu nicu̱xgü ga norü ãẽ̱xgacüchirugü. Rü wüxi ga naxta̱xmüxü̃ ga Chamáriaca̱x íxücuxü̃wa yexmaxü̃wa narütogü nawa ga norü toruü̃gü. Rü guxü̃ma ga yema 400 ga orearü uruü̃gü rü nape̱xewa nüxü̃ nixugüe ga norü dexagü.

Norü taxre ga to ga popera ga ãẽ̱xgacügüchiga ümatüxü̃ 18:5

Rü yexguma ga Iraéanearü ãẽ̱xgacü ga Acáx rü nanaxĩtaque̱xexẽxẽ ga 400 ga norü duü̃xü̃gü ga orearü uruü̃gü. Rü nüxna naca, rü ñanagürü: —¿Namexü̃ i naxca̱x ítayaxüãchixü̃ ya ĩane ya Ramóx ya Garaáxanewa ngẽxmane, rüe̱xna tama? —ñanagürü. Rü yexguma ga nümagü ga orearü uruü̃gü rü nanangãxü̃gü rü ñanagürügü: —¡Ẽcü naxca̱x íyagoõchi! Erü Tupana rü tá cuxna nanaxã —ñanagürügü.

Norü taxre ga to ga popera ga ãẽ̱xgacügüchiga ümatüxü̃ 18:3

Rü nüma ga Iraéanearü ãẽ̱xgacü ga Acáx rü Yudáanearü ãẽ̱xgacü ga Yochapáxü̃ ñanagürü: —¿Taxũ ẽ̱xna cuxü̃́ namexü̃ nax choxü̃ curüngüxẽxẽxü̃ nax Chíriaarü ãẽ̱xgacüna yapuxü̃ca̱x ya ĩane ya Ramóx ya Garaáxanewa ngẽxmane? —ñanagürü Rü nüma ga Yochapáx rü nanangãxü̃ rü ñanagürü: —Chomax, rü ngẽma chorü churaragümaxã rü wüxigu curü churaragümaxã tá cuxü̃ tarüngü̃xẽxẽ nax daiwa ixĩxü̃ca̱x.

2 Chamué 8:3

Rü nüma ga Dabí rü yexgumarüxü̃ ta Reóx nane ga Adáx-éche ga Chobáarü ãẽ̱xgacüxü̃ narüporamae ga yexguma nüma ga Adáx-éche rü natü ga Eufrátewa naxũxgu nax wena naya̱u̱xãxü̃ca̱x ga yema naane.

1 Chamué 27:12

Rü nüma ga Aquí rü Dabíaxü̃́ nayaxõ rü yemaca̱x ñaxü̃gu Dabímaxã narüxĩnü: —Rü ñu̱xma i ngẽma Iraéanecüã̱xgü rü Dabíchi naxaie, rü ngẽmaca̱x i nüma rü guxü̃gutáma chorü duü̃xü̃ nixĩ —ñaxü̃gu narüxĩnü.

1 Chamué 14:47

Rü yemaacü ga Chaú rü nügü nango̱xẽxẽ nax nüma rü aixcüma Iraéanecüã̱xgüarü ãẽ̱xgacü yixĩxü̃. Rü nüma rü guxü̃wama ga norü naanewa rü nanadai ga norü uanügü ga Moátanüxü̃, rü Amóü̃tanüxü̃, rü Edóü̃tanüxü̃, rü Chobáarü ãẽ̱xgacügü rü Firitéugü. Rü yema íyadaixetanüãxü̃wa rü nüma nixĩ ga guxü̃xü̃ma naporamaexü̃.

1 Chamué 13:4

Rü guxü̃ma ga Iraétanüxü̃ rü nüxü̃ nacuáchigagü nax Chaú rü Firitéugüxü̃ nada̱i̱xü̃ rü yemaca̱x ga Firitéugü rü Iraétanüxü̃chi naxaie. Rü yemaca̱x ga yema Iraéanearü churaragü rü Guirigáwa Chaúmaxã nangutaque̱xegü.

Ínachoxü̃xü̃chiga 5:21

Rü namaxã nüxü̃ nixugügü, rü ñanagürügü: —¡Tupana nüxü̃ daux i ngẽma ñu̱xma tomaxã pexüxü̃, rü pexü̃ napoxcue! Erü pegagu nixĩ i ñu̱xma i Faraóü̃ rü norü duü̃xü̃gü rü chixri toxü̃ nadauxü̃. Rü pegagu nixĩ i ñu̱xma i tá toxü̃ nada̱i̱xü̃ —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:5

Rü yexguma Dabímaxã nüxü̃ yanaxugüegu ga yema norü orearü ngeruü̃güxü̃ ngupetüxü̃, rü nüma ga Dabí rü norü duü̃xü̃güxü̃ yéma namugü nax íyadaugüãxü̃ca̱x, yerü nüxü̃ nacua̱x nax nümagü rü poraãcüxüchima naxãneexü̃. Rü yemaca̱x ga Dabí rü nanamu nax Yericúwa nayexmagüxü̃ rü ñu̱xmata naxügüchinagugü, rü yemawena naxü̃tawa nax naxĩxü̃ca̱x.