Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:19 - Tupanaarü Ore

¹⁹ Rü yexguma yema Adáx-échewa ügüxü̃ ga churaragü nüxü̃ daugügu nax Iraétanüxü̃arü churaragü nüxü̃ rüporamaegüxü̃, rü Dabína nacagü nax nügümaxã nangüxmüxẽẽxü̃ca̱x. Rü yemaca̱x Dabíme̱xẽwa nügü nayexmagüxẽxẽ. Rü yemawena ga yema Chíriaanecüã̱x rü tama Amóü̃tanüxü̃xü̃ narüngü̃xẽẽgüchaü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:19 Referans Kwoze

Ichaía 10:8

Rü nüma i Achíriaanearü ãẽ̱xgacü rü ñanagürü: “Guxü̃ma i nachixü̃anegüarü ãẽ̱xgacügü rü cho̱xme̱xwa nangẽxmagü nax choma chanaxwa̱xexü̃ãcüma chanamuxü̃.

Wiyaegü 18:44

Rü ngẽxguma choxü̃ naxĩnüegu rü chauga naxĩnüe. Rü togü i nachixü̃anecüã̱x i duü̃xü̃gü rü cho̱xme̱xwa nügü nangẽxmagüxẽxẽ rü mea chauchiga nidexagü.

Wiyaegü 18:39

Rü cumax, Pa Tupanax, rü choxü̃ cuporaxẽxẽ ga daiwa, rü yemaca̱x ga yema chomaxã nuexü̃ rü cho̱xme̱xgu cunayixẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:17

Rü yemaacü guxü̃ ga nachixü̃anegüwa nanguchiga ga Dabí. Rü nüma ga Cori ya Tupana rü yemaacü nanaxü nax yemaacü guxü̃ i nachixü̃anegücüã̱xgü nüxü̃ muü̃exü̃ca̱x.

Nüxíraxü̃xü̃ ga popera ga ãẽ̱xgacügüchiga 20:12

Rü yexguma nüma ga Ben-adáxü̃ nayauxãgu ga Acáxarü ore rü yema togü ga ãẽ̱xgacügümaxã norü düxenügüwa nayexmagü rü yéma naxaxegü. Rü yexguma yema dexaxü̃ naxĩnügu rü norü churaragüerugüxü̃ ñanagürü: —¡Pegü pimexẽxẽgü nax namaxã pegü pidaixü̃ca̱x! —ñanagürü. Rü yexguma ga Ben-adáxarü churaragüerugü rü nügü namexẽxẽ nax Chamáriaca̱x inaxĩãchixü̃.

Nüxíraxü̃xü̃ ga popera ga ãẽ̱xgacügüchiga 20:1

Rü nüma ga Chíriaanearü ãẽ̱xgacü ga Ben-adáxü̃ rü nananutaque̱xe ga norü churaragü rü ñu̱xũchi 32 ga to ga ãẽ̱xgacügü namaxã ga norü cowarugü, rü norü carugü ga churaragüweü̃gü ixĩgüne. Rü ĩane ga Chamáriaca̱x inaxĩãchi rü nüxü̃ ínachomaeguãchi nax nügü nada̱i̱xü̃ca̱x.

2 Chamué 10:19

Rü guxü̃ma ga yema ãẽ̱xgacügü ga Adáx-échewa ügüxü̃ rü yexguma nüxü̃ nadaugügu nax Iraétanüxü̃ nüxü̃ rüporamaegüxü̃, rü Iraétanüxü̃maxã narüngüxmüe rü naxme̱xwa nügü naxügüxẽxẽ. Rü yexgumaü̃cüxü ga nüma ga Chíriaanecüã̱xgü rü namuü̃e nax Amóü̃tanüxü̃xü̃ nangü̃xẽẽgüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:18

Rü nüma ga Chíriaanearü churaragü rü düxwa Iraétanüxü̃cha̱xwa nibuxmü. Rü yema ngunexü̃gu rü Dabí nanadai ga 40,000 ga churaragü ga nacutügu ĩxü̃, rü 7,000 ga churaragü ga caru ga dairuü̃gu ĩxü̃. Rü ñu̱xũchi nayama̱x ga Chofá ga Chíriaanearü churaragümaxã icuáxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 20:1

Rü taunecüarü guxgu ga yexguma primaberawa nanguxgu, rü yexguma nixĩ ga ãẽ̱xgacügü naxca̱x daugüxü̃ nax to ga nachixü̃anearü ãẽ̱xgacümaxã nügü nada̱i̱xü̃. Rü nüma ga Yoá rü norü churaragümaxã nanapu ga Amóü̃tanüxü̃arü naane. Rü naxca̱x ínayaxüãchi ga ĩane ga Rabá. Rü nüxü̃ ínachomaegu rü nagu napogüe. Natürü nüma ga Dabí rü Yerucharéü̃watama nayexma.

2 Chamué 10:1

Ñuxre ga taunecüguwena rü nayu ga Naáx ga Amóü̃tanüxü̃arü ãẽ̱xgacü. Rü nachicüxü ãẽ̱xgacüxü̃ ningucuchi ga nane ga Anúü̃.