Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:13 - Tupanaarü Ore

¹³ ¡Rü pegü peporaexẽxẽgü rü taxṹ ipemuü̃exü̃! ¡Rü ngĩxã itanaxã i tórü pora naxca̱x ya tachixü̃ane rü tórü ĩanegü i Cori ya Tupana tüxna naxü̃ne! Rü nüma ya Cori ya Tupana rü tá tüxü̃ narüngü̃xẽxẽ namaxã i ngẽma norü ngúchaü̃ ixĩxü̃ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:13 Referans Kwoze

Wiyaegü 27:14

¡Ẽcü nüxü̃́ yaxõ ya Cori! ¡Rü cugü naporaxẽxẽ rü taxṹ i nüxü̃ curüxoxü̃ nax cuyaxõxü̃! Rü cumaxã nüxü̃ chixu rü ¡nagu yaxõ ya Cori ya Tupana!

Neemía 4:14

Rü yexguma nüxü̃ chicua̱xãchigu ga nax namuü̃exü̃ ga duü̃xü̃gü, rü nüxna chaxu ga guxü̃ma ga ãẽ̱xgacügü rü duü̃xü̃gü nax chomaxã nangutaque̱xegüxü̃ca̱x, rü ñachagürü nüxü̃: —¡Taxṹ i pemuü̃exü̃! ¡Rü nüxna pecua̱xãchie rü nüma ya Tupana rü poraxüchicü rü üünecü nax yixĩxü̃! Rü ngẽmaca̱x name nixĩ nax ípemexü̃ nax perü uanümaxã pegü pedaixü̃ rü ípenapoxü̃xü̃ i pemücügü, rü petanüxü̃ rü pepatacüã̱xgü —ñachagürü nüxü̃.

2 Chamué 10:12

¡Taxṹ i cumuü̃xü̃ rü cugü naporaxẽxẽ! ¡Rü ngĩxã yigü namaxã tadai naxca̱x i tórü nachixü̃ane rü tóxrü Cori ya Tupanaarü ĩanegü! Rü nüma ya tórü Cori ya Tupana rü tá nanaxü i ngẽma nüma nüxü̃ nacuáxü̃ nax namemaexü̃ —ñanagürü.

Yochué 10:25

Rü nüma ga Yochué rü ñanagürü nüxü̃ ga norü churaragüerugü: —¡Taxṹ i pemuü̃exü̃ rü peyarümaxãchitanüxü̃! ¡Rü pegü peporaexẽxẽ! Erü ngẽma ñu̱xma ñaa ãẽ̱xgacügümaxã pexü̃xü̃, rü ngẽma tátama nixĩ i guxü̃ma i togü i perü uanügümaxã naxüxü̃ ya Tupana —ñanagürü.

1 Corintios 16:13

¡Rü pexuãxẽgü nax taxuxü̃ma i chixexü̃gu peyixü̃ca̱x! ¡Rü meama peyaxõgüama woo ta̱xacü pexü̃ üpetügu! Rü name nixĩ i peporaeama rü taxuca̱xma pemuü̃e.

1 Chamué 4:9

Pa Firitéugüarü Churaragüx, ¡taxṹ ipemuü̃exü̃ rü perümaãchitanüxü̃! ¡Rü guxü̃ i perü poramaxã namaxã pegü pedai i ngẽma Iraétanüxü̃ nax ngẽmaãcü tama norü puracütanüxü̃xü̃ pexü̃ yaxĩgüxẽxẽxü̃ca̱x yema nümagü rü tórü puracütanüxü̃ yaxĩgügurüxü̃! —ñanagürügü.

Édra 10:4

¡Rü inachi rü naxü i ngẽma Tupana cuxü̃ muxü̃ nax cunaxüxü̃! Rü toma rü tá cuga taxĩnüe. ¡Ẽcü tomaxã nüxü̃ ixu nax ñuxãcü tá tanamexẽxẽ i ngẽma chixexü̃ i taxüxü̃! —ñanagürü.

1 Chamué 17:32

Rü yexguma ga Dabí rü Chaúxü̃ ñanagürü: —Tama name nax texé oegaãẽxü̃ nagagu i ñaa Firitéu, erü chomax i cuxü̃́ puracüxe nax chixĩxü̃, Pa Ãẽ̱xgacüx, rü ngéma tá chaxũ rü namaxã tá togü tadai —ñanagürü.

Ãẽ̱xgacügü ga guxchaxü̃güarü mexẽxẽruü̃gü 10:15

Rü yexguma ga Iraétanüxü̃ rü Corixü̃ nangãxü̃gü rü ñanagürügü: —Aixcüma nixĩ i chixexü̃ taxügüxü̃. ¡Rü tomaxã naxü i ngẽma yexera cuxca̱x rümemaexü̃, natürü tanaxwa̱xe i curü ngü̃xẽxẽ. ¡Rü toxü̃ ínanguxü̃xẽxẽ i ñu̱xmax! —ñanagürügü.

Yochué 1:7

Rü wüxixicatama nixĩ i cumaxã nüxü̃ chixuxü̃, rü ngẽma nixĩ nax tama cumuü̃xü̃ rü aixcüma naga cuxĩnüxü̃ rü cuyanguxẽẽxü̃ i guxü̃ma i ngẽma mugü ga chorü duü̃ ga Moiché cuxna ãxü̃. ¡Rü ẽcü mea yanguxẽxẽ nax mea cuxü̃́ ínanguxuchixü̃ca̱x i guxü̃ i ta̱xacü ícuxüxü̃wa!

Yox 1:22

Rü yemaacü ga Yox rü woo guxü̃ma ga yema guxchaxü̃gü nüxü̃ nax ngupetüxü̃ rü tama chixexü̃ naxü rü tama Tupanamaxã naguxchiga.

2 Chamué 15:26

Natürü ngẽxguma tá chomaxã nüxü̃ yaxugu nax tama chomaxã nataãẽxü̃, rü nua tátama changexma. Rü name i ngẽma nüma nanaxwa̱xexü̃ chomaxã naxü —ñanagürü.

1 Chamué 3:18

Rü nüma ga Chamué rü guxü̃xü̃ma Erímaxã nixu rü taxuxü̃ma inicu̱x. Rü nüma ga Erí rü naba̱i̱xãchi rü ñanagürü: —Nüma nixĩ i Cori ya Tupana yixĩxü̃. ¡Ẽcü naxü i ngẽma naxca̱x rümemaexü̃! —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:12

Rü nüma ga Yoá rü naenexẽ ga Abicháixü̃ ñanagürü: —Rü ngẽxguma Chíriaanearü churaragü choxü̃ rüporamaegügu, rü cuma tá choxü̃ curüngü̃xẽxẽ. Rü ngẽxguma Amóü̃tanüxü̃arü churaragü cuxü̃ rüporamaegügu, rü choma tá cuxü̃ charüngü̃xẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:14

Rü nüma ga Yoá rü inanaxügü nax norü churaragümaxã inaxĩxü̃ nax Chíriaanearü churaragümaxã nügü nada̱i̱xü̃ca̱x. Rü nüma ga Chíriaanearü churaragü rü naxcha̱xwa nibuxmü.