Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:17 - Tupanaarü Ore

¹⁷ Rü Benaía ga Yoiadá nane nixĩ ga namaxã icuáxü̃ ga yema churaragü ga Queretéugü rü Peretéugü ga Dabína daugüxü̃. Rü Dabí nanegü nixĩ ga norü ngü̃xẽẽruxü̃gü ixĩgüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:17 Referans Kwoze

2 Chamué 8:18

Rü nanegü ga Dabí rü norü ngü̃xẽẽruü̃gü nixĩgü. Rü Benaía ga Yoiadá nane rü churaragü ga Queretéugümaxã rü Peretéugümaxã inacua̱x.

2 Chamué 15:18

Rü naxü̃tawa nayexmagü ga guxü̃ma ga norü churaragüerugü. Rü yoxni ga yema Queretéugü rü Peretéugü ga ãẽ̱xgacüarü dauruü̃gü ixĩgüxü̃ rü yema 600 ga Yetéugü ga ĩane ga Gáxwa nawe rüxĩxü̃, rü ãẽ̱xgacüpe̱xewa nachopetü.

Chofonía 2:5

¡Rü pegümaxã pengechaxü̃gü, Pa Crétacüã̱xgü i Duü̃xü̃gü i Márpechinügu Ãpatagüxü̃x! Rü nüma ya Tupana rü pemaxã nanaxuegu i ñaa poxcu rü ñanagürü: —Pa Canaáü̃ane i Firitéugüchiane Ixĩxü̃, rü tá chanadai i curü duü̃xü̃gü rü taxũtáma íchayaxüxẽxẽ i bai i wüxi.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:28

Rü yema Lebítanüxü̃ rü nanaxü ga yema Tupanapata ga taxü̃nearü puracügü ga Aróü̃tanüxü̃ ga chacherdótegü nagu namugüxü̃. Rü nüxna nadaugü ga naã̱xtügü ga Tupanapata ga taxü̃ne rü norü ucapugü. Rü nayayauxgü ga Tupanapata ga taxü̃nearü yemaxü̃gü ga ixüünexü̃. Rü yexgumarüxü̃ ta nanaxügü ga guxü̃ma ga toomachigü ga puracü ga Tupanapata ga taxü̃newa naxügüxü̃.

Nüxíraxü̃xü̃ ga popera ga ãẽ̱xgacügüchiga 1:44

Rü ngẽmaca̱x i nüma ya ãẽ̱xgacü rü nanamu ya chacherdóte ya Chadóx rü Natáü̃ rü Benaía ya Yoiadá nane rü Queretéugü rü Peretéugü noxrütama dauruü̃gü nax Charomóü̃xü̃ yaxümücügüxü̃ca̱x rü ãẽ̱xgacüarü mulagu yamuegüãxü̃ca̱x.

Nüxíraxü̃xü̃ ga popera ga ãẽ̱xgacügüchiga 1:38

Rü yemawena Charomóü̃xü̃tawa naxĩ ga chacherdóte ga Chadóx rü ñu̱xũchi orearü uruxü̃ ga Natáü̃, rü Benaía ga Yoiadá nane ixĩcü, rü ñu̱xũchi ãẽ̱xgacüarü dauruü̃gü ga churaragü ga Queretéugü rü Peretéugü. Rü ãẽ̱xgacü ya Dabíarü mulagu nanatonagüxẽẽgü ga Charomóü̃, rü ñu̱xũchi natüacü ga Guióü̃wa nanagagü.

2 Chamué 20:23

Rü nüma ga Yoá nixĩ ga guxü̃ma ga Iraéanearü churaragümaxã inacuáxü̃, natürü nüma ga Benaía ga Yoiadá nane rü ãẽ̱xgacüarü dauruü̃gü ga Queretéugümaxã rü Peretéugümaxã inacua̱x.

2 Chamué 20:7

Rü Yoáxarü churaragü, rü yema churaragü ga ãẽ̱xgacüarü dauruü̃gü ga Queretéugü rü Peretéugü, rü yema churaragü ga rüporamaegüxü̃, rü Abicháimaxã Yerucharéü̃wa inaxĩãchi nax Chebáwe nangẽgüxü̃.

1 Chamué 30:14

Natürü naxü̃pa ga nax chida̱xawexü̃ rü Queretéugüarü naane i súrwaama ngẽxmaxü̃wa taxĩ rü tanadeãcu. Rü yexgumarüxü̃ ta tanadeãcu ga Yudátanüxü̃arü naanewa rü Caréxtanüxü̃arü naanewa. Rü ñu̱xũchi tayagu ya yima ĩane ya Chicáx —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:16

Rü Chadóx ga Aitúx nane rü ñu̱xũchi Aimérex ga Abiatá nane nixĩ ga chacherdótegü ixĩgüxü̃. Rü Chaxchá nixĩ ga norü ümatüruxü̃ ga guxü̃ma ga yema Iraéanewa ngupetüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:1

Rü yixcamaxü̃ra ga yexguma nayu̱xgu ga Amóü̃tanüxü̃arü ãẽ̱xgacü ga Naáx, rü nachicüxü ãẽ̱xgacüxü̃ ningucuchi ga nane.

Neemía 11:24

Rü Pérchiaarü ãẽ̱xgacü rü Petaíaxü̃ naxuneta nax nape̱xewa yema Iraétanüxü̃maxã icuáxü̃ca̱x nax namexẽẽãxü̃ca̱x ga norü guxchaxü̃gü. Rü Petaía nanatü rü Mechechabé nixĩ, rü Mechechabéarü o̱xi rü Chéra nixĩ, rü Chéra rü Yudá nane nixĩ.