Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:12 - Tupanaarü Ore

¹² Rü yexgumarüxü̃ ta ga nüma ga Abichái ga Cheruiá nane rü Yucüraarü Metachinüxü̃gu nanadai ga 18,000 ga Edóü̃tanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:12 Referans Kwoze

Wiyaegü 60:1

Pa Tupanax, cuma rü curü numaxã toxna quixũgachi rü toxü̃ cuwoone. Rü tanaxwa̱xe i wenaxarü toxca̱x cutaegu nax noxrirüxü̃ taporaexü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 25:11

Rü nüma ga Amachía rü nügü ínarüpora rü doxonexü̃ ga Yucüragu ãégaxü̃wa nanagagü ga norü churaragü, rü yexma 10,000 ga Cheíanearü churaragüxü̃ nadai.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:11

Rü yema totücuma ga Iraétanüxü̃arü churaragü rü naenexẽ ga Abicháixü̃ namaxã inacua̱xẽxẽ nax Amóü̃tanüxü̃xü̃ nada̱i̱xü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:20

Rü Abichái ga Yoá naenexẽ nixĩ ga namaxã icuáxü̃ ga yema 30 ga yexera rüporamaegüxü̃ rü tama muü̃wa̱xegüxü̃. Rü wüxi ga ngunexü̃gu Abichái norü wocaemaxã nanadai ga 300 ga yatü. Rü yemaca̱x natachiga natanüwa ga yema 30 ga yexera rüporamaegüxü̃. Rü nawa nangu nax yema 30 maxã inacuáxü̃. Natürü nüma ga Abichái rü tama namaxã nawüxigu ga yema tomaepü̱x ga nüxíraxü̃güxü̃ ga Yoá rü Yachobeáü̃ rü Ereachá.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:16

Rü nüma ga Ichaxí rü nüxü̃́ iyexma ga taxre ga naxacügü ga Cheruiá rü Abigái. Rü Cheruiá ngĩnegü rü tomaepü̱x nixĩ: Abichái rü Yoá rü Achaé.

2 Chamué 10:10

Rü ñu̱xũchi yema togü ga churaragü rü naenexẽ ga Abicháixü̃ namaxã inacua̱xẽxẽ nax nüma rü Amóü̃tanüxü̃maxã nügü nada̱i̱xü̃ca̱x. Rü ñu̱xũchi naenexẽxü̃ ñanagürü: —Ega ngẽxguma Chíriaanearü churaragü choxü̃ rüporamaegügu, rü cuma tá choxü̃ curüngü̃xẽxẽ, rü ngẽxguma ngẽma Amóü̃tanüxü̃ cuxü̃ rüporamaegügu, rü choma rü tá cuxü̃ charüngü̃xẽxẽ.

1 Chamué 26:6

Rü yexguma ga nüma ga Dabí rü nidexa namaxã ga Aimérex ga Itítanüxü̃ ixĩcü, rü Abichái ga Cheruiá nane ga Yoáenexẽ. Rü yemagüna naca rü ñanagürü: —¿Texé ya ímemarexe nax chowe tarüxũxü̃ nax Chaú íngẽxmaxü̃wa ixĩxü̃? —ñanagürü. Rü nüma ga Abichái nanangãxü̃ rü ñanagürü: —Choma tá cuwe charüxũ —ñanagürü.

Norü taxre ga popera ga ãẽ̱xgacügüchiga 14:7

Rü Amachía rü 10,000 ga Edóü̃tanüxü̃xü̃ nadai nagu ga yema doxonexü̃ ga Yucüragu ãégaxü̃. Rü yemawena rü nanapu ga guma ĩane ga Cherá. Rü nüma rü Yoxteégu nanaxüéga. Rü ngẽmatama nixĩ i naéga i ñu̱xma.

2 Chamué 23:18

Rü nüma ga Cheruiá nane ga Abichái ga Yoáenexẽ nixĩ ga yema 30 ga churaragü ga iporaxüchixü̃maxã inacuáxü̃. Rü wüxicana ga Abichái rü 300 ga yatügümaxã nügü nadai. Rü norü wocaemaxã nanadai ga guxü̃ma. Rü yema nax naxüxü̃ca̱x rü natachiga natanüwa ga yema 30 ga iporaxüchixü̃.

2 Chamué 21:17

Natürü nüma ga Abichái ga Cheruiá nane rü yéma naña rü Dabíxü̃ nayarüngü̃xẽxẽ, rü yema Firitéuxü̃ nima̱x. Rü ñu̱xũchi Dabíarü churaragüerugü rü Dabíxü̃ inaxunetagüxẽxẽ nax taguma wena daiwa nawe naxũxü̃ca̱x nax ngẽmaãcü tama nayuxü̃ca̱x ya Iraéanearü ãẽ̱xgacü.

2 Chamué 20:6

Rü yexguma ga Dabí rü Abicháixü̃ ñanagürü: —Chebá rü taxü̃ i chixexü̃ tá tamaxã naxü Acharóü̃arü yexera. ¡Rü ngẽmaca̱x namaxã inacua̱x i chorü churaragü rü nawe nangẽ naxü̃pa nax ĩanegü ya ípoxegunexü̃ iyangauxü̃ rü ngẽmaãcü marü taxucürüwa tayayaxu! —ñanagürü.

2 Chamué 10:14

Rü yexguma yema Amóü̃tanüxü̃ nüxü̃ daugügu ga nax yabuxmüxü̃ ga yema Chíriaanearü churaragü, rü nüma rü ta nibuxmü Abicháicha̱xwa, rü ĩanegu naxücu. Rü yexguma ga Yoá rü nüxü̃ narüchau nax Amóü̃tanüxü̃maxã nügü daixü̃. Rü Yerucharéü̃ca̱x nataegu.

2 Chamué 7:13

Rü nüma tá nixĩ i wüxi ya chopata ya taxü̃ne naxüxü̃. Rü choma rü guxü̃gutáma nüxü̃ charüngü̃xẽẽxü̃ nax duü̃xü̃gümaxã inacuáxü̃ca̱x.

2 Chamué 3:30

Yoá rü Abichái nixĩ ga Abnéxü̃ ima̱xgüxü̃, yerü yexguma Gabaóü̃gu nügü nadaixgu rü naenexẽ ga Achaéxü̃ nima̱x ga Abnéx.

1 Chamué 26:8

Rü yexguma ga Abichái rü Dabíxü̃ ñanagürü: —Ñu̱xma ya Tupana rü cuxü̃́ nanatauxchaxẽxẽ nax cuyamáxü̃ca̱x i curü uanü. Chayama̱xtaxa̱x nixĩ, rü norü wocaemaxã tátama mairaxü̃anewa chayapaitü, rü marü ngẽmamaxã tátama nayu —ñanagürü.

Nüxíraxü̃xü̃ ga popera ga ãẽ̱xgacügüchiga 11:15

Rü ü̃pa ga Dabí rü wüxigu Yoámaxã Edóü̃anecüã̱xgüxü̃ nadai, rü yemawena rü nüma ga Yoá rü yéma naxũ nax inata̱xgüãxü̃ca̱x ga yema Iraéanearü churaragü ga daigu yuexü̃. Rü yexgumayane nayoxnie nax nadaiaxü̃ ga guxü̃ma ga Edóü̃cüã̱xgü ga iyatüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:11

Rü nüma ga Dabí rü Tupanana nanana ga yema yemaxü̃gü. Rü wüxigu inanana namaxã ga yema úiru rü diẽrumü ga nüxna napuxü̃ ga Edóü̃tanüxü̃ rü Moátanüxü̃ rü Amóü̃tanüxü̃ rü Firitéugü rü Amaréxtanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:13

Rü yemawena rü nüma ga Dabí rü yexma Edóü̃anegu nayaxüpata ga norü churaragü. Rü guxü̃ma ga yema Edóü̃tanüxü̃gu rü Dabíme̱xẽwa nayexmagü. Rü yemaacü ga Tupana rü Dabíxü̃ narüporamaexẽxẽ ga ngextá ínaxũxü̃wa.

Wiyaegü 60:2

Cuma rü cunaxĩã̱xãchixẽxẽ ga ñaa naane rü yemaca̱x inangǘxcuane. ¡Rü ẽcü nügüna naxĩxẽxẽ i ngẽma norü ngǘcuane nax tama nabuxü̃ca̱x!