Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:21 - Tupanaarü Ore

²¹ Rü nataxuma i to i nachixü̃ane i curü duü̃xü̃gü i Iraétanüxü̃rüxü̃ ixĩxü̃. Rü ngexicatama nixĩ i nachixü̃ane i nüxü̃ cuxunetaxü̃ i ñoma i naanewa. Rü cumax, Pa Corix, rü ícunanguxü̃xẽxẽ i curü duü̃xü̃gü nax cuxrü yaxĩgüxü̃ca̱x. Rü namaxã cugü cunatachigaxẽxẽ ga yexguma cunaxü̱xgu ga yema taxü̃ ga mexü̃gü ga curü duü̃xü̃güca̱x cuxüxü̃. Yerü cuma rü yexguma Equítuanewa ícunanguxü̃xẽxẽgu ga curü duü̃xü̃gü rü cuma rü nape̱xewa ícunawoxü̃ ga yema togü ga nachixü̃anecüã̱xgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:21 Referans Kwoze

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Ichaía 64:3

Rü yexguma guma ma̱xpǘnegügu ícurüxĩ̱xgu rü Moichépe̱xewa cunaxüxgux ga yema ãũcümaxü̃ ga tama duü̃xü̃gü nagu irüxĩnüexü̃, rü guma ma̱xpǘnegü rü cupe̱xewa nixĩãxtanücüxü.

Ichaía 63:12

¿Rü ngexcü nixĩ i ñu̱xma ya yima Tupana ga norü poramaxã Moichéxü̃ ümücücü? ¿Rü ngexcü nixĩ ya yimá Tupana ga tachigacü ga yexguma már yapachitamaxẽẽgu nax yachoü̃xü̃ca̱x ga norü duü̃xü̃gü ñoma wüxi i cowaru i paanexü̃wa ixüexü̃ i tama iwĩxĩchixü̃rüxü̃?

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Ichaía 48:9

Natürü i choma rü pemaxã yáxna chaxĩnü erü chaugünatama chadau. Rü ngẽxguma chanuxgu rü chaugünatama chachogü nax tama pexü̃ chadaixü̃ca̱x.

Wiyaegü 147:20

Natürü yema togütücumü ga duü̃xü̃gü rü taguma nüxü̃ nüxü̃ nacua̱xẽxẽ ga yema norü ore rü norü mugü. ¡Rü ngĩxã nüxü̃ ticua̱xüü̃gü ya Cori ya Tupana!

Wiyaegü 111:9

Rü nüma rü ínananguxü̃xẽxẽ ga norü duü̃xü̃gü naxme̱xwa ga norü uanügü. Rü yema norü uneta rü namaxã nüxü̃ nixu nax tagutáma iyanaxoxü̃. Erü nüma ya Tupana rü naxüüne rü naxãũcümaxü̃chi.

Wiyaegü 107:2

Rü ngẽxgumarüxü̃ ta rü name nixĩ i Tupanana moxẽ naxãgü i guxü̃ma i ngẽma duü̃xü̃gü ga norü uanügüme̱xẽwa Cori ínguxü̃xẽẽxü̃. Erü nümagü rü ngexta ínawoonexü̃wa ga nórtewa rü súrwa rü éstewa rü oéstewa rü Tupana rü wena nananutaque̱xexẽxẽ rü nachixü̃aneca̱x nanawoeguxẽxẽ.

Wiyaegü 77:15

Rü ngẽma curü poramaxã nixĩ i Equítuanewa ícunanguxü̃xẽẽxü̃ i curü duü̃xü̃gü i Acóbutaagü rü Yúchetaagü.

Wiyaegü 65:5

Pa Tupana Pa Torü Maxẽxẽẽruxü̃, cuma rü tomaxã quixaixcüma rü toxü̃ cungãxü̃ namaxã i ngẽma mexü̃gü i curü poramaxã cuxüxü̃. Rü woo ñaa naane iyacuáxü̃wa ngẽxmagüxü̃ i duü̃xü̃gü rü cuxü̃́ nayaxõgü. Rü woo már arü tocutü i yáxü̃guxü̃wa ngẽxmagüxü̃ i duü̃xü̃gü rü cuxü̃́ nayaxõgü.

Neemía 9:10

Rü cuma rü Faraóü̃pe̱xewa rü guxü̃ma ga norü ngü̃xẽẽruü̃güpe̱xewa, rü guxü̃ma ga yema nachixü̃anecüã̱xgü ga duü̃xü̃güpe̱xewa, rü cuyaxüchigüama ga taxü̃ ga mexü̃gü ga curü üünemaxã cuxüxü̃. Yerü nüxü̃ cudau ga ñuxãcü totanüxü̃maxã chixri inacua̱xgüxü̃, rü ngẽmaca̱x cutachiga i ñu̱xmax.

Wenaxarü naxümatü ga Tupanaarü mugü 15:15

¡Rü tagutáma nüxü̃ perüngümae nax pema rü mugüruü̃gü pixĩgüxü̃ ga Equítuanewa rü nüma ga Cori ya perü Tupana nixĩ ga pexü̃ ínguxü̃xẽẽcü! Rü ngẽmaca̱x nixĩ i ñu̱xma i pexna chanaxãxü̃ i ñaa mu.

Wenaxarü naxümatü ga Tupanaarü mugü 4:7

Rü tórü Cori ya Tupana rü guxü̃guma i ngẽxguma ta̱xacüca̱x nüxna icagügu rü tüxna nangaicama. Rü nataxuma i to i duü̃xü̃gütücumü i taxrüxü̃ nüxü̃́ ngẽxmaxü̃ i norü tupana i nüxna ngaicamaxü̃ i ngẽxguma ta̱xacüca̱x nüxna nacagügu.

Ínachoxü̃xü̃chiga 6:6

¡Rü ngẽmaca̱x i ñu̱xma rü namaxã nüxü̃ yarüxu i Iraétanüxü̃, rü choma ya Cori ya Tupana rü tá Equítuanecüã̱xme̱xẽwa íchananguxü̃xẽxẽ! Rü ngẽma yáxü̃ i puracügü i Equítuanecüã̱x naétüwa ngẽxmaxẽẽxü̃wa tá íchananguxü̃xẽxẽ. Rü tá ichanawe̱x i chorü pora, rü taxü̃ i ãũcümaxü̃gümaxã tá íchananguxü̃xẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:20

Pa Corix, nataxuma i to i curüxü̃ ixĩxü̃. Rü nataxuma i ta̱xacü i to ya Tupana ixĩxü̃, ngẽmatama marü toma nüxü̃ taxĩnüexü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:22

Rü cuma rü nüxü̃ cuxuneta ga Iraétanüxü̃ nax guxü̃guma curü duü̃xü̃gü yaxĩgüxü̃ca̱x. Rü cumax, Pa Corix, rü norü Tupana tá quixĩ.

Yeremía 32:21

Rü cuma rü curü poramaxã Equítuanewa ícunanguxü̃xẽxẽ ga curü duü̃xü̃gü ga Iraétanüxü̃. Rü yema taxü̃ ga ãũcümaxü̃gü i cuxüxü̃maxã rü cua̱xruü̃gümaxã poraãcü cunamuü̃exẽxẽ ga guxü̃ma ga yema Equítuanecüã̱xgü.