Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:13 - Tupanaarü Ore

¹³ Rü choma rü tá nanatü chixĩ rü nüma rü tá chaune nixĩ. Rü tagutáma nüxü̃ charüxo nax nüxü̃ changechaü̃xü̃, rü taxũtáma nüxü̃ chaxo yema ãẽ̱xgacü ga Chaúxü̃ nax chaxoxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:13 Referans Kwoze

Popera ga Yudíugü ga yaxõgüxü̃ca̱x ümatüxü̃ 1:5

Rü Tupana rü taguma wüxi ga norü orearü ngẽruxü̃ i daxũcüã̱xchiga ñanagürü: “Cuma nixĩ i Chaune. Rü ñu̱xma chanango̱xẽxẽ nax aixcüma Chaune quixĩxü̃”, ñanagürü. Rü taguma wüxi ga norü orearü ngẽruxü̃ i daxũcüã̱xchigü ñanagürü: “Choma nixĩ i Nanatü chixĩxü̃ rü nüma rü Chaune nixĩ”, ñanagürü.

Ichaía 55:3

¡Rü cha̱u̱xca̱x pexĩ, rü choxü̃́ iperüxĩnüe! ¡Chauga pexĩnüe rü tá pemaxẽ! Rü choma rü tá pemaxã chanaxü i wüxi i uneta i taguma gúxü̃. Rü ngẽmaãcü tá chayanguxẽxẽ ga yema chorü uneta ga ãẽ̱xgacü ga nüxü̃ changechaü̃xü̃chicü ga Dabímaxã nüxü̃ chixuxü̃.

Wiyaegü 2:7

Rü choma rü tá chanaxunagü i ngẽma Cori ya Tupana nagu rüxĩnüxü̃, rü chomaxã nüxü̃ yaxuxü̃ i ñaxü̃: —Cuma rü chaune quixĩ, rü choma rü Cunatü chixĩ i ñu̱xma.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:12

Rü yimá ãẽ̱xgacü tá nixĩ ya naxücü ya chopata ya taxü̃ne. Rü choma rü tá nüxü̃ charüngü̃xẽxẽ nax ngẽma nataagü ya cune rü nüxí guxü̃gutáma Iraétanüxü̃arü ãẽ̱xgacü yixĩgüxü̃ca̱x.

1 Chamué 15:28

Rü yexguma ga Chamué rü Chaúxü̃ ñanagürü: —Ñu̱xmatatama nixĩ i cuxna naya̱u̱xãxü̃ nax Iraétanüxü̃arü ãẽ̱xgacü quixĩxü̃, rü tá to i Iraétanüxü̃ i cuxü̃ rü yexera rümemaexü̃na nanaxã.

2 Corintios 6:18

Rü choma rü Penatü tá chixĩ, rü pemax rü tá chaunegü rü chauxacügü pixĩgü”, ñanagürü ya tórü Cori ya Tupana ya Guxü̃étüwa Ngẽxmacü.

Ore i mexü̃ ga Cuáü̃ ümatüxü̃ 3:35

Rü Tanatü ya Tupana rü Nanexü̃ nangechaü̃, rü marü naxme̱xwa nanangẽxmaxẽxẽ i guxü̃ma.

Ore i mexü̃ ga Luca ümatüxü̃ 9:35

Rü yema caixanexü̃wa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü. ¡Rü naga pexĩnüe!” ñaxü̃.

Ore i mexü̃ ga Luca ümatüxü̃ 1:32

Rü nüma rü wüxi ya ãẽ̱xgacü ya tachigacü tá nixĩ. Rü Tupana ya Guxü̃étüwa Ngẽxmacü Nane tá nixĩ i naéga. Rü Cori ya Tupana rü tá norü o̱xi ga Dabírüxü̃ ãẽ̱xgacüxü̃ nayaxĩxẽxẽ.

Nüxíraxü̃xü̃ ga popera ga ãẽ̱xgacügüchiga 11:36

Natürü i Charomóü̃ nane rü wüxitücumümaxã tátama inacua̱x nax ngẽmaãcü nangẽxmaxü̃ca̱x i wüxi i Dabítanüxü̃ i ãẽ̱xgacü ixĩxü̃ nawa ya yima ĩane ya Yerucharéü̃ ga nüxü̃ chaxunetane.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:14

Rü yimá ãẽ̱xgacü ya choma nüxü̃ chaxunetacü rü chorü duü̃xü̃gümaxã tá inacua̱x rü choma ãẽ̱xgacü íchixĩxü̃wa rü nüma rü tá ãẽ̱xgacü nixĩ i guxü̃gutáma. Rü tagutáma ínanguxuchi nax ãẽ̱xgacü yixĩxü̃” —ñanagürü ga Tupana.