Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:11 - Tupanaarü Ore

¹¹ Rü ngẽxguma marü cuyu̱xguwena, rü choma rü tá nüxü̃ chaxuneta i wüxi i cune nax nüxí ãẽ̱xgacü yixĩxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:11 Referans Kwoze

Wiyaegü 132:11

Yerü cumax, Pa Corix, rü chaunatü ga Dabímaxã icuxuneta namaxã i wüxi i uneta i taxucürüwama cuxüchicüüxü̃.

Ngechuchuarü ngúexü̃gü ga yamugüxü̃arü puracüchiga 13:36

Rü yexguma namaxü̃xgu ga Dabí, rü nüxü̃ narüngü̃xẽxẽ ga norü duü̃xü̃gü, yexgumarüxü̃ ga Tupana namuxü̃. Natürü nayu, rü nanatüxü̃tagu rü naéxü̃tagu nata̱x ga naxü̃ne, rü niyixi.

Ngechuchuarü ngúexü̃gü ga yamugüxü̃arü puracüchiga 2:29

Rü ñanagürü ga Pedru: —Pa Chauenexẽgüx, aixcüma pemaxã nüxü̃ chixu nax nayuxü̃ ga nũxcümaü̃cü ga tórü ãẽ̱xgacü ga Dabí, rü marü inata̱x, rü ñu̱xma rü ta tatanüwa nangẽxma i naxma̱xü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:28

Rü yexguma nayu̱xgu ga Dabí rü marü nayaxüchi rü namuarü yemaxü̃ã̱x. Rü duü̃xü̃gü rü poraãcüxüchima namaxã nataãẽgü. Rü nane ga Charomóü̃ nixĩ ga nachicüxü ãẽ̱xgacüxü̃ ingucuchicü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:15

Rü cupe̱xewa i ñoma i naanewa rü toma rü ñoma duü̃xü̃gü i ĩanetanüxü̃rüü̃mare tixĩgü nax paxaãchi i ñoma i naanewa tangexmagüxü̃ yema nũxcüma ga torü o̱xigürüxü̃. Rü ngẽma torü maxü̃ i ñoma i naanewa rü ñoma wüxi i naxchipetarüxü̃ paxa inarütauxmare.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:5

Rü ñu̱xma rü namu i chaunegü ya Tupana choxna mugüxü̃, rü ngẽma chaunegütanüwa rü Tupana nüxü̃ naxuneta ya chaune ya Charomóü̃ nax nüma chauchicüxü ãẽ̱xgacü yixĩxü̃ca̱x i Iraéanewa.

Nüxíraxü̃xü̃ ga popera ga ãẽ̱xgacügüchiga 8:20

Rü nüma ya Cori ya Tupana rü nayanguxẽxẽ i ngẽma norü uneta. Rü yema nüxü̃ yaxuxü̃rüxü̃ rü ñu̱xmax rü chaunatü ga Dabíchicüxü Iraétanüxü̃arü ãẽ̱xgacü chixĩ rü namaxã ichacua̱x. Rü ñu̱xmax, rü chanaxü ya wüxi ya napata ya taxü̃ne naxca̱x ya tórü Cori ya Iraétanüxü̃arü Tupana.

Nüxíraxü̃xü̃ ga popera ga ãẽ̱xgacügüchiga 2:10

Rü nüma ga Dabí rü nayu. Rü norü o̱xigütanügu nayata̱xgü nagu ga yema Yerucharéü̃arü üyechigü ga Dabíarü Ĩanegu ãégaxü̃.

Nüxíraxü̃xü̃ ga popera ga ãẽ̱xgacügüchiga 1:21

Erü ngẽxguma taxúxexü̃tama cuxunetagu naxü̃pa nax cuyuxü̃, Pa Ãẽ̱xgacüx, rü chaune i Charomóü̃ rü ñu̱xũchi i choma rü Adonía rü tá toxü̃ nadai —ngĩgürügü ga Bechabé.

Wenaxarü naxümatü ga Tupanaarü mugü 31:16

Rü yexguma ga Cori ya Tupana rü Moichémaxã nidexa rü ñanagürü: —Marü paxa tá cuyu, rü ñaa chorü duü̃xü̃gü i Iraétanüxü̃ rü paxa tá nawe narüxĩ i ngẽma tupananetagü i ngẽma naane i tá peyaxuxü̃wa ngẽxmagüxü̃. Rü ngẽxguma rü tá choxna nixĩgachitanü, rü ngẽmaãcü tá nagu narüchixe i ngẽma uneta i namaxã chaxüxü̃.

Naanearü ügüchiga 15:15

Natürü i cuma rü tá mea curüyae, rü taãẽãcü tá cuyu nax ngẽmaãcü wüxiwa curü o̱xigümaxã cungexmaxü̃ca̱x.

Nüxíraxü̃xü̃ ga popera ga ãẽ̱xgacügüchiga 8:19

Natürü taxũtáma cuma cunaxü, rü wüxi i cune tá nixĩ i naxüxü̃”, ñanagürü nüxü̃ ga Cori ya Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:10

Rü yemaca̱x nüxü̃ chaxuneta ga ãẽ̱xgacügü ga guxchaxü̃arü mexẽẽruü̃gü nax chorü duü̃xü̃gü ga Iraétanüxü̃na nadaugüxü̃ca̱x. Rü ñu̱xmax, Pa Dabíx, rü choma rü tá chanaxãneexẽxẽ i guxü̃ma i curü uanügü. Rü cumaxã chanaxuegu rü ngẽma cutaagü rü cuxrüxü̃ tá nüxí Iraétanüxü̃arü ãẽ̱xgacügü yaxĩgüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:12

Rü yimá ãẽ̱xgacü tá nixĩ ya naxücü ya chopata ya taxü̃ne. Rü choma rü tá nüxü̃ charüngü̃xẽxẽ nax ngẽma nataagü ya cune rü nüxí guxü̃gutáma Iraétanüxü̃arü ãẽ̱xgacü yixĩgüxü̃ca̱x.

Yeremía 33:17

Rü choma ya Cori ya Tupana rü ñachagürü: “Tagutáma nataxu nax wüxi i nataxa ya Dabí nax ãẽ̱xgacü tá yixĩxü̃ i Iraéchixü̃anewa.

Norü taxre ga to ga popera ga ãẽ̱xgacügüchiga ümatüxü̃ 6:9

Natürü taxũtáma cuma nixĩ i cunaxüxü̃. Rü yimá cune ya tá cuxü̃́ ngẽxmacü tá nixĩ ya naxücü ya yima chopata ya taxü̃ne”, ñanagürü ga Tupana.

Wiyaegü 89:5

Pa Tupanax, guxü̃ma i ngẽma dauxü̃wa ngẽxmagüxü̃ rü cuxü̃ nicua̱xüü̃gü naxca̱x i ngẽma taxü̃gü i mexü̃gü i curü poramaxã cuxüxü̃. Rü ngẽma curü orearü ngeruü̃gü i dauxü̃cüã̱x rü tá cuxü̃ nicua̱xüü̃gü erü aixcümacü quixĩ.