Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:1 - Tupanaarü Ore

¹ Rü yexguma marü napatawa nayexmagu ga Dabí rü Tupanaarü orearü uruxü̃ ga Natáü̃maxã nidexa rü ñanagürü nüxü̃: —Dücax, choma rü wüxi ya ĩpata ya ocayiwanaxca̱x ixĩxü̃newa changexma. Natürü ngẽma baú i Tupanaarü mugü nawa ngẽxmane rü wüxi ya ĩpata ya naxchirumarenaxca̱x ixĩxü̃newa nangẽxma —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:1 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:5

Rü yexguma Equítuanewa perü o̱xigü ga Iraétanüxü̃güxü̃ íchanguxü̃xẽẽ̱xgucürüwa rü ñu̱xmata ñoma i ngunexü̃wa nangu rü taguma wüxi ga ĩpata ga taxü̃newa chayexma. Rü naxchirunaxca̱x ga ĩpatawamare chiyexmachigü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:1

Rü nüma ga Dabí rü duü̃xü̃güxü̃ namu nax guma Dabíarü Ĩanegu naxügüã̱xü̃ca̱x ga napata. Rü yexgumarüxü̃ ta nanamu nax naxügüã̱xü̃ca̱x ga wüxi ga yexwaca̱xü̃ne ga ĩpata ga naxchirunaxca̱x nax yéma nayexmaxü̃ca̱x ga yema baú ga Tupanaarü mugüchixü̃.

Aguéu 1:9

Rü pemax rü poraãcü pepuracüe nax pexü̃́ nangẽxmaxü̃ca̱x i muxü̃ i perü nanetüarü o, natürü noxretama nixĩ i ngẽma pibuxgüxü̃. Rü ngẽma penetüarü o i pechiü̃gu namaxã penguxü̃xü̃ rü wüxi i cue ñaxü̃maxã ichayanatauxẽxẽ. ¿Rü tü̱xcüü̃ ngẽmaãcü nixĩ? Erü yima chopata rü naxtapü̱xica nügüétü nayi nax nachixexü̃ rü pemax rü pepataca̱xica pexoegaãxẽ. Rü choma ya Cori ya Tupana nixĩ i nüxü̃ chixuxü̃ i ngẽma.

Aguéu 1:4

¿Ẽ̱xna pexicatama penaxwa̱xexü̃ nax mexü̃ne ya ĩpatawa pemaxẽxü̃, rü yoxni ya yima chopata ya taxü̃ne rü naxtapü̱x nügüétügu yixü̃ nax nachixexü̃?

Danié 4:4

Rü choma i Nabucudonochó rü chataãxẽ ga chopatawa rü poraãcü mexü̃ choxü̃ naxüpetü.

Yeremía 22:15

¿Ẽ̱xna nagu curüxĩnü nax wüxi i ãẽ̱xgacü i mexü̃ quixĩxü̃ ega mexü̃ne ya ãẽ̱xgacüpata ya ocayiwamaxã pexmachianewa cungexmagu? Rü gumá cunatü rü taãẽãcüma namaxü̃ yerü aixcüma mea duü̃xü̃gümaxã inacua̱x. Rü yemaca̱x nixĩ ga duü̃xü̃gü ga nüxü̃ nangechaxü̃güxü̃.

Norü taxre ga to ga popera ga ãẽ̱xgacügüchiga ümatüxü̃ 1:4

Natürü marü tama Gabaóü̃wa nayexma ga yema baú ga Tupanaarü mugü nagu nuxü̃, yerü nüma ga Dabí rü ü̃paacü marü Quiriáx-yearíü̃wa nayayaxu rü Yerucharéü̃wa nanange, rü nagu nayaxǘcuchi ga guma ĩpata ga naxchirunaxca̱x ga yema baúca̱x naxüxü̃ne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:29

Rü guxü̃ma ga yema Dabí üxü̃ ga yexguma ãẽ̱xgacü yixĩxgu rü yema popera ga Tupanaarü orearü uruxü̃ ga Chamué ümatüxü̃gu naxümatü. Rü yexgumarüxü̃ ta ga yema Dabí üxü̃ rü naxümatü nagu ga yema popera ga Tupanaarü orearü uruxü̃ ga Natáü̃ ümatüxü̃, rü nagu ga yema popera ga Tupanaarü orearü uruxü̃ ga Gáx ümatüxü̃ ga Dabíchiga.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:1

Rü yema baú ga Tupanaarü mugü nagu üxü̃ rü nawa nanangegü ga guma ĩpata ga naxchirunaxca̱x ga Dabí woetama yemaca̱x üxü̃ne. Rü ñu̱xũchi Tupanape̱xewa ínanagu ga ãmaregü ga Tupanaxü̃ namaxã nangüxmüxẽẽgüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:1

Rü Iráü̃ ga ĩane ga Tíruarü ãẽ̱xgacü ixĩcü rü Dabíxü̃tawa nanamugü ga ñuxre ga norü ngü̃xẽẽruü̃gü nax Dabímaxã yanadexagüxü̃ca̱x. Rü ñu̱xũchi yéma nanamugü ta ga yatügü ga nüxü̃ icuáxü̃ ga nutaarü mexẽẽcüwagü rü corapinagü. Rü yema duü̃xü̃gü rü yéma nanana ga mürapewagü ga ocayiwanaxca̱x nax yemamaxã naxügüãxü̃ca̱x ga guma Dabípata.

Nüxíraxü̃xü̃ ga popera ga ãẽ̱xgacügüchiga 1:44

Rü ngẽmaca̱x i nüma ya ãẽ̱xgacü rü nanamu ya chacherdóte ya Chadóx rü Natáü̃ rü Benaía ya Yoiadá nane rü Queretéugü rü Peretéugü noxrütama dauruü̃gü nax Charomóü̃xü̃ yaxümücügüxü̃ca̱x rü ãẽ̱xgacüarü mulagu yamuegüãxü̃ca̱x.

Nüxíraxü̃xü̃ ga popera ga ãẽ̱xgacügüchiga 1:8

Natürü ga chacherdóte ga Chadóx, rü tama Adoníawa naxǘ, rü bai ga Benaía ga Yoiadá nane, rü bai ga gumá Tupanaarü orearü uruxü̃ ga Natáü̃, rü bai ga Chimí ga ãẽ̱xgacü ga Dabímücüxüchi ixĩcü, rü bai ga yema Dabíarü churaragü ga nüxü̃ rücua̱xmaegüxü̃ rü taxuxü̃ma naxügü.

2 Chamué 12:1

Rü nüma ga Cori ya Tupana rü norü orearü uruxü̃ ga Natáü̃xü̃ namu ga Dabíxü̃tawa nax naxũxü̃ca̱x. Rü yexguma Natáü̃ Dabíxü̃tawa nguxgu, rü ñanagürü nüxü̃: —Wüxi ga ĩanewa nayexma ga taxre ga yatü. Wüxi rü namuarü yemaxü̃ã̱xü̃chi rü yema to rü nangearü yemaxü̃ã̱x.

2 Chamué 6:17

Rü yéma ne nanangegü ga yema baú ga Cori ya Tupanaarü mugü nawa yexmaxü̃. Rü ñu̱xũchi nayaxǘcuchigü nagu ga guma ĩpata ga naxchirunaxca̱x ga Dabí woetama naxca̱x üxü̃ne. Rü yexgumatama ga Dabí rü Cori ya Tupanana ãmare naxã. Rü nanadai ga naxü̃nagü rü ínanagu nax yemaacü namexẽẽãxü̃ca̱x ga norü guxchaxü̃gü ga Cori ya Tupanape̱xewa naxügüxü̃.

Ngechuchuarü ngúexü̃gü ga yamugüxü̃arü puracüchiga 7:46

Rü gumá ãẽ̱xgacü ga Dabí rü Tupana rü poraãcü namaxã nataãxẽ. Rü nüma ga Dabí rü nüxna naxca̱x naca nax naxüaxü̃ca̱x ga wüxi ga napata naxca̱x ga gumá Acóbuarü Tupana.

Nüxíraxü̃xü̃ ga popera ga ãẽ̱xgacügüchiga 8:17

Rü nüma ga chaunatü ga Dabí rü nanaxüxchaü̃chire̱x ya wüxi ya ĩpata ya taxü̃ne naxca̱x ya tórü Cori ya Iraétanüxü̃arü Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:2

Rü nüma ga Natáü̃ rü nanangãxü̃ rü ñanagürü: —¡Ẽcü naxü i guxü̃ma i ngẽma nagu curüxĩnüxü̃! Erü Tupana rü cuxü̃tawa nangẽxma —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:7

Rü yexguma ga Dabí rü Charomóü̃xü̃ ñanagürü: —Pa Chaunex, choxü̃́ nangúchaü̃ nax chanaxüxü̃ ya wüxi ya ĩpata ya taxü̃ne naxca̱x ya Cori ya chorü Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:2

Rü yexguma marü yexma nangutaque̱xegu, rü nüma ga Dabí rü inachi rü ñanagürü: —Pa Chomücügü rü Pa Chorü Duü̃xü̃güx ¡rü choxü̃́ iperüxĩnüe! Rü choma rü choxü̃́ nangúchaü̃ nax chanaxüxü̃ ya Tupanapata nax ngẽxma naxü̃́xü̃ca̱x i ngẽma baú i Tupanaarü mugü nagu nucuxü̃ nax ngéma nangẽxmaxü̃ca̱x ya Tupana. Rü yemaca̱x ga choma rü chananutaque̱xe ga yemaxü̃gü nax naxüxü̃ca̱x ya Tupanapata.

Ínachoxü̃xü̃chiga 26:1

Rü nüma ga Cori ya Tupana rü Moichémaxã nidexaama rü ñanagürü nüxü̃: —¡Ẽcü naxü ya chopata nawa i 10 i ãtachinüxü̃ i mexẽchine ya línuarü tüwa rü carnéruta̱xaarü tüwa üxü̃! Rü waxratachinüxü̃ rü yáuxratachinüxü̃ rü dautáchinüxü̃ tá nixĩ. Rü ngẽma ãtachinüxü̃ rü tá cunanga̱xãxẽ namaxã i taxre i daxũcüã̱xchicüna̱xãgü i ixãxpe̱xatüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:6

Rü yemawena rü nüma ga Dabí rü nane ga Charomóü̃ca̱x naca rü namaxã nüxü̃ nixu nax nüma naxüaxü̃ca̱x ga guma ĩpata ga taxü̃ne ga Cori ya Iraétanüxü̃arü Tupanaarü ixĩxü̃ne.