Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:7 - Tupanaarü Ore

⁷ Rü yema ngunexü̃gu nixĩ ga Dabí noxri Acháxü̃ rü namücügüxü̃ namuxü̃ nax wiyaeãcü Tupanana moxẽ naxãgüxü̃ namaxã ga ñaa wiyae:

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:7 Referans Kwoze

2 Chamué 22:1

Rü yexguma Cori ya Tupana Dabíxü̃ rüngü̃xẽẽgu nax Chaúme̱xẽwa rü guxü̃ma ga norü uanügüme̱xẽwa ínanguxuchixẽẽãxü̃, rü nüma ga Dabí rü ñaa wiyaemaxã Tupanaxü̃ nicua̱xüxü̃.

Wiyaegü 18:1

Pa Corix, Pa Tupanax, cuma nixĩ i chorü poraxẽẽruxü̃ quixĩxü̃. Rü choma rü cuxü̃ changechaü̃.

Wiyaegü 12:1

Pa Cori Pa Tupanax ¡paxa toxü̃ rüngü̃xẽxẽ! Erü marü nataxuma i aixcüma cuxü̃́ yaxõgüxü̃. Rü ñoma i naanewa marü inarüxo i ngẽma duü̃xü̃gü i aixcüma mexü̃gu rüxĩnüexü̃.

Neemía 12:24

Rü yema Lebítanüxü̃maxã icua̱xgüxü̃ rü ñaagü nixĩ: Achabía, rü Cherebía, rü Yochué ga Caxmié nane. Rü yexguma nawa nanguxgu nax nawiyaegüxü̃ rü nüma ga natanüxü̃ rü nape̱xegu nayachigü nax Cori ya Tupanaxü̃ yacua̱xüü̃güxü̃ca̱x rü moxẽ nüxna naxãgüxü̃, gumá Dabí ga Cori ya Tupanaarü duü̃ ixĩcü namugüxü̃ãcüma.

Norü taxre ga to ga popera ga ãẽ̱xgacügüchiga ümatüxü̃ 29:30

Rü yemawena ga nüma ga ãẽ̱xgacü ga Echequía rü yema Iraétücumügüarü ãẽ̱xgacügü rü Lebítanüxü̃xü̃ namu nax Cori ya Tupanaxü̃ yacua̱xüü̃güxü̃ca̱x namaxã ga yema wiyaegü ga Dabí ümatüxü̃ rü Tupanaarü orearü uruxü̃ ga Achá ümatüxü̃. Rü yexguma ga nüma ga yema Lebítanüxü̃ rü taãẽãcüma nanaxügü ga yema cua̱xüxü̃. Rü nacaxã́pü̱xügü rü yemaacü Tupanaxü̃ nicua̱xüü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:6

Rü nüma ga Chacherdótegü ga Benaía rü Yaachié nixĩ ga guxü̃guma cornétagu icuegüxü̃ nape̱xewa ga yema baú ga Tupanaarü mugüchixü̃.