Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:41 - Tupanaarü Ore

⁴¹ Rü yexgumarüxü̃ ta ga Dabí rü nüxü̃ naxuneta ga Emáü̃ rü Yedutúü̃ rü yema togü ga namücügü ga naégamaxã nadexü̃ nax Cori ya Tupanaca̱x nawiyaegüxü̃ca̱x nagu i ñaa wiyae: “Moxẽ Cori ya Tupanana pexã, erü norü ngechaü̃ rü taguma inayacua̱x”.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:41 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 5:13

Rü yema wiyaetanüxü̃ rü paxetatanüxü̃ rü wüxigu nawiyaegü rü Tupanaxü̃ nicua̱xüü̃gü rü Cori ya Tupanana moxẽ naxãgü. Rü yemaacü napaxetagü namaxã ga norü cornétagü rü norü platíyugü rü togü ga paxetaruü̃gü. Rü yema norü wiyaewa rü ñanagürügü: —¡Nüxü̃ picua̱xüü̃gü ya Cori ya Tupana erü nüma rü namecüma rü ngẽma norü ngechaü̃ rü taguma inayagu̱x! —ñanagürügü. Rü yexgumatama ga guma Cori ya Tupanapata ga taxü̃ne rü caxixü̃maxã nanapá.

Édra 3:11

Rü ñuxre ga nümagü rü nawiyaegü rü Tupanaxü̃ nicua̱xüü̃gü. Rü yema togü rü nanangãxü̃gü rü ñanagürügü: —¡Nüxna moxẽ pexã ya Cori ya Tupana erü nüma rü tamaxã namecüma rü ngẽma norü ngechaü̃ i taxca̱x rü taguma nagu̱x! —ñanagürügü. Rü guxü̃ma ga duü̃xü̃gü rü nataãẽgü, rü tagaãcü Cori ya Tupanaxü̃ nicua̱xüü̃gü, yerü marü inaxügü nax wena namexẽẽxü̃ ga Cori ya Tupanapata ga taxü̃ne.

Norü taxre ga to ga popera ga ãẽ̱xgacügüchiga ümatüxü̃ 20:21

Rü yexguma marü duü̃xü̃gümaxã yadexa̱xguwena rü nüxü̃ naxuneta ga ñuxre ga wiyaetanüxü̃ nax nagu yacu̱xgüxü̃ca̱x ga naxchirugü ga üünexü̃. Rü ñu̱xũchi yema churaragüpe̱xegu naxĩ. Rü yemaacü Tupanaxü̃ nicua̱xüü̃güetanü namaxã ga ñaa wiyae ga ñaxü̃: —¡Moxẽ nüxna pexãgü ya Tupana! Erü nüma rü guxü̃guma tüxü̃ nangechaü̃ —ñaxü̃.

Norü taxre ga to ga popera ga ãẽ̱xgacügüchiga ümatüxü̃ 7:3

Rü yexguma yema Iraétanüxü̃ nüxü̃ daugügu ga yema üxüema rü Tupanaarü üünexü̃ nax Tupanapata ga taxü̃neétügu ínaxĩxü̃, rü guxü̃ma ga nümagü rü inacaxã́pü̱xügü rü waixü̃müanegu nanangücuchitanü. Rü Tupanaxü̃ nicua̱xüü̃gü rü moxẽ nüxna naxãgü rü ñanagürügü: —Nüma ya Tupana rü namecüma rü norü ngechaü̃ rü taguma inayacuã̱x —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:34

¡Rü moxẽ nüxna pexã ya Cori ya Tupana! Erü nüma rü namecümaxüchi rü ngẽma norü ngechaü̃ rü taguma nagu̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:33

Rü yema wüxigu nanegümaxã yexmagüxü̃ nixĩ ga Queáx nataagü. Rü yema wiyaetanüxü̃maxã icuáxü̃ nixĩ ga wiyaeruxü̃ ga Emáü̃. Rü nüma ga Emáü̃ rü Yoé nane nixĩ, rü Yoé rü Chamué nane nixĩ,

Iraétanüxü̃arü muxchiga 1:17

Rü gumá taunecü rü norü taxre ga tauemacüarü ügügu rü nümagü ga Moiché rü Aróü̃ rü nanaxĩtaque̱xexẽxẽ ga yema yatügü ga natanüxü̃maxã icua̱xgüxü̃ ga Tupana idexechixü̃. Rü yexgumarüxü̃ ta nanaxĩtaque̱xexẽxẽ ga guxü̃ma ga yema togü ga duü̃xü̃gü. Rü nayaxugü ga guxü̃ma ga yema Iraétanüxü̃. Rü natücumüchigüãcü nayawǘgüéga. Rü yexgumarüxü̃ ta rü wüxichigü ya ĩpatacüã̱xchigüãcü nayawǘgüéga ga yema duü̃xü̃gü. Rü yemaacü niwǘgüéga ga guxü̃ma ga yema yatügü ga 20 ga taunecü rüe̱xna yexera nüxü̃́ yexmagüxü̃, yerü yemaacü nixĩ ga Cori ya Tupana ga Moichémaxã nüxü̃ yaxuxü̃. Rü yemaacü Moiché nayaxugü ga yema duü̃xü̃gü ga yexguma Chinaíarü chianexü̃wa nayexmagügu.

Ore i mexü̃ ga Luca ümatüxü̃ 1:50

Rü nüma ya Tupana rü guxü̃gutáma nüxü̃́ tangechaü̃tümüü̃gü ya guxãma ya yíxema aixcüma nüxü̃ cua̱xüü̃güxe.

Yeremía 33:11

Rü tá nüxü̃ pexĩnüe nax taãẽãcüma aita naxüexü̃ i duü̃xü̃gü rü tá nüxü̃ pexĩnüe nax taãẽãcüma nügümaxã yadexagüxü̃ i ngẽma ãxma̱xgüchaü̃xü̃ rü ãtegüchaü̃xü̃. Rü duü̃xü̃gü rü ñanagürügü tá: “¡Moxẽ nüxna pexã ya yima Cori ya Tupana ya Guxãétüwa Ngẽxmacü, erü nüma rü namecüma rü norü ngechaü̃ rü tagutáma nagu̱x!” ñanagürügü tá. Rü pema rü chopatawa tá penana i perü ãmaregü i namaxã moxẽ choxna pexãgüxü̃. Rü choma rü tá nüxü̃ charüngü̃xẽxẽxü̃ i ñaa naanearü duü̃xü̃gü nax noxrirüxü̃ nataãẽgüxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Wiyaegü 103:17

Natürü ngẽma Tupanaarü ngechaü̃ tümaca̱x ya yíxema naga ĩnüexe rü taguma inayacua̱x. Rü tümaxacügüwa naxüe nax guxü̃guma Tupana tümamaxã mecümaxü̃ ya yíxema mea yanguxẽẽgüxe i norü uneta rü tama nüxü̃ irüngümaexe nax naga taxĩnüexü̃ i norü mugü.

Édra 8:20

Rü naétüwa rü ínangugü ga 220 ga Tupanapatawaarü ngü̃xẽẽruü̃gü. Rü nũxcüma rü ãẽ̱xgacü ga Dabí nixĩ ga yemaacü inanucü naxca̱x ga Tupanapata ga taxü̃nearü puracü. Rü guxü̃ma ga yema 220 ga ngü̃xẽẽruü̃gü rü nayawǘgü ga naégagü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:37

Rü nüma ga Dabí rü yema baú ga Cori ya Tupanaarü mugüchixü̃pe̱xegu nanamu ga Acháx rü namücügümaxã nax wüxichigü ga ngunexü̃gu naxügüã̱xü̃ca̱x ga yema Tupanapataarü puracü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:31

Rü yema ngãxü̃tücumü ga Manachétanüxü̃ rü 18,000 nixĩ ga norü mu. Rü yemagü nixĩ ga nüxü̃ naxunetagüxü̃ nax Dabíxü̃ yangucuchixẽẽgüxü̃ca̱x nax Iraéanearü ãẽ̱xgacü yixĩxü̃ca̱x.

Wiyaegü 39:1

Choma rü marü chaugümaxã ñachagürü: —Chaugüna tá chadau nax ngẽmaãcü tama chixexü̃ chaxüxü̃ca̱x i ngẽxguma chidexagu. Rü tá changea̱xmare i ngẽxguma chope̱xewa nangẽxmagügu i duü̃xü̃gü i chixexü̃gu rüxĩnüexü̃ —ñachagürü.

Wiyaegü 77:1

Rü tagaãcü Tupanana chaca i chorü yumüxẽwa nax choxü̃ naxĩnüxü̃ca̱x.

Wiyaegü 106:1

Name i Cori ya Tupanaxü̃ ticua̱xüü̃gü. ¡Rü moxẽ nüxna pexã! Erü nüma rü namecüma rü ngẽma norü ngechaü̃ rü taguma inayacua̱x.

Wiyaegü 136:1

¡Moxẽ nüxna pexãgü ya Cori ya Tupana! Erü nüma rü namecümaxüchi rü ngẽma norü ngechaü̃ rü taguma inayagu̱x.

Echequié 40:44

Rü yema naa̱xtü ga aixepewa yexmaxü̃wa rü nayexma ga taxre ga ucapugü nacüwawa ga yema ücuchica ga aixepewa yexmagüxü̃. Rü yema ücuchica ga nórtewa üxü̃cüwawa nayexma ga wüxi ga yema ucapu. Rü yema rü súrguama nadawenü. Rü yema to ga ucapu rü yema ücuchica ga súrwa üxü̃cüwawa nayexma. Rü yema rü nórteguama nadawenü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:17

Rü nüma ga yema Lebítanüxü̃ rü nüxü̃ naxunetagü ga Emáü̃ ga Yoé nane, rü Emáü̃enexẽ ga Achá ga Berequía nane, rü Merarítanüxü̃ ga Etáü̃ ga Cuchaía nane.