Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:34 - Tupanaarü Ore

³⁴ ¡Rü moxẽ nüxna pexã ya Cori ya Tupana! Erü nüma rü namecümaxüchi rü ngẽma norü ngechaü̃ rü taguma nagu̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:34 Referans Kwoze

Wiyaegü 106:1

Name i Cori ya Tupanaxü̃ ticua̱xüü̃gü. ¡Rü moxẽ nüxna pexã! Erü nüma rü namecüma rü ngẽma norü ngechaü̃ rü taguma inayacua̱x.

Édra 3:11

Rü ñuxre ga nümagü rü nawiyaegü rü Tupanaxü̃ nicua̱xüü̃gü. Rü yema togü rü nanangãxü̃gü rü ñanagürügü: —¡Nüxna moxẽ pexã ya Cori ya Tupana erü nüma rü tamaxã namecüma rü ngẽma norü ngechaü̃ i taxca̱x rü taguma nagu̱x! —ñanagürügü. Rü guxü̃ma ga duü̃xü̃gü rü nataãẽgü, rü tagaãcü Cori ya Tupanaxü̃ nicua̱xüü̃gü, yerü marü inaxügü nax wena namexẽẽxü̃ ga Cori ya Tupanapata ga taxü̃ne.

Norü taxre ga to ga popera ga ãẽ̱xgacügüchiga ümatüxü̃ 7:3

Rü yexguma yema Iraétanüxü̃ nüxü̃ daugügu ga yema üxüema rü Tupanaarü üünexü̃ nax Tupanapata ga taxü̃neétügu ínaxĩxü̃, rü guxü̃ma ga nümagü rü inacaxã́pü̱xügü rü waixü̃müanegu nanangücuchitanü. Rü Tupanaxü̃ nicua̱xüü̃gü rü moxẽ nüxna naxãgü rü ñanagürügü: —Nüma ya Tupana rü namecüma rü norü ngechaü̃ rü taguma inayacuã̱x —ñanagürügü.

Wiyaegü 107:1

¡Moxẽ nüxna pexãgü ya Cori! Erü nüma rü namecüma rü norü ngechaü̃ rü taguma inayacua̱x.

Norü taxre ga to ga popera ga ãẽ̱xgacügüchiga ümatüxü̃ 5:13

Rü yema wiyaetanüxü̃ rü paxetatanüxü̃ rü wüxigu nawiyaegü rü Tupanaxü̃ nicua̱xüü̃gü rü Cori ya Tupanana moxẽ naxãgü. Rü yemaacü napaxetagü namaxã ga norü cornétagü rü norü platíyugü rü togü ga paxetaruü̃gü. Rü yema norü wiyaewa rü ñanagürügü: —¡Nüxü̃ picua̱xüü̃gü ya Cori ya Tupana erü nüma rü namecüma rü ngẽma norü ngechaü̃ rü taguma inayagu̱x! —ñanagürügü. Rü yexgumatama ga guma Cori ya Tupanapata ga taxü̃ne rü caxixü̃maxã nanapá.

Yeremía 33:11

Rü tá nüxü̃ pexĩnüe nax taãẽãcüma aita naxüexü̃ i duü̃xü̃gü rü tá nüxü̃ pexĩnüe nax taãẽãcüma nügümaxã yadexagüxü̃ i ngẽma ãxma̱xgüchaü̃xü̃ rü ãtegüchaü̃xü̃. Rü duü̃xü̃gü rü ñanagürügü tá: “¡Moxẽ nüxna pexã ya yima Cori ya Tupana ya Guxãétüwa Ngẽxmacü, erü nüma rü namecüma rü norü ngechaü̃ rü tagutáma nagu̱x!” ñanagürügü tá. Rü pema rü chopatawa tá penana i perü ãmaregü i namaxã moxẽ choxna pexãgüxü̃. Rü choma rü tá nüxü̃ charüngü̃xẽxẽxü̃ i ñaa naanearü duü̃xü̃gü nax noxrirüxü̃ nataãẽgüxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Wiyaegü 118:1

Pa Duü̃xü̃güx, ¡Cori ya Tupanana moxẽ pexãgü! Erü nüma rü namecümaxüchi rü guxü̃guma tüxü̃ nangechaü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:33

Rü ngẽma naigü i naixnecüwa ngẽxmagüxü̃ rü name nixĩ i taãẽãcü nicuxcu nape̱xewa ya Cori ya Tupana ya núma ũcü nax ñoma i naanemaxã inacuáxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 20:21

Rü yexguma marü duü̃xü̃gümaxã yadexa̱xguwena rü nüxü̃ naxuneta ga ñuxre ga wiyaetanüxü̃ nax nagu yacu̱xgüxü̃ca̱x ga naxchirugü ga üünexü̃. Rü ñu̱xũchi yema churaragüpe̱xegu naxĩ. Rü yemaacü Tupanaxü̃ nicua̱xüü̃güetanü namaxã ga ñaa wiyae ga ñaxü̃: —¡Moxẽ nüxna pexãgü ya Tupana! Erü nüma rü guxü̃guma tüxü̃ nangechaü̃ —ñaxü̃.

Wiyaegü 100:5

Erü nüma ya Cori rü namecüma rü ngẽma norü ngechaü̃ rü guxü̃guma nangẽxmaecha. Rü ngẽma nax yaxaixcümaxü̃ rü taguma inayacua̱x.

Wiyaegü 105:1

¡Moxẽ nüxna pexãgü ya Cori ya Tupana! ¡Rü guxü̃wama nüxü̃ pixuchiga! ¡Rü guxü̃ma i duü̃xü̃gümaxã nüxü̃ pixu i ngẽma mexü̃gü i pexca̱x naxüxü̃!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:41

Rü yexgumarüxü̃ ta ga Dabí rü nüxü̃ naxuneta ga Emáü̃ rü Yedutúü̃ rü yema togü ga namücügü ga naégamaxã nadexü̃ nax Cori ya Tupanaca̱x nawiyaegüxü̃ca̱x nagu i ñaa wiyae: “Moxẽ Cori ya Tupanana pexã, erü norü ngechaü̃ rü taguma inayacua̱x”.