Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:32 - Tupanaarü Ore

³² Rü name nixĩ i norü taãẽmaxã naxãũga i ngẽma már, rü naxãũgatanü i guxü̃ma i ngẽma nawa ngẽxmagüxü̃. ¡Rü nataãxẽ i ngẽma naanegü rü guxü̃ma i nanetügü i nawa ngẽxmagüxü̃!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:32 Referans Kwoze

Ichaía 44:23

¡Pa Daxũguxü̃ i Naanex, taãẽãcü Tupanaxü̃ icua̱xüxü̃ naxca̱x i guxü̃ma i ngẽma naxüxü̃! ¡Rü Pa Ñoma i Naanearü Doxonexü̃gü i Taxü̃x, nüxü̃ picua̱xüü̃güx! ¡Rü pemax Pa Ma̱xpǘnegüx rü Pa Naixnecügüx, rü taãẽãcü nüxü̃ picua̱xüü̃gü ya Tupana, yerü nüma nixĩ ga norü poramaxã ínanguxü̃xẽẽãxü̃ ga Iraétanüxü̃ ga Acóbuarü duü̃xü̃gü naxme̱xwa ga norü uanügü!

Wiyaegü 93:4

Natürü i cuma nax daxũwa cungexmaxü̃, rü yima taxtügüarü yuape i poraãcü ãũgaxü̃arü yexeraxüchi cupora.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:33

Rü ngẽma naigü i naixnecüwa ngẽxmagüxü̃ rü name nixĩ i taãẽãcü nicuxcu nape̱xewa ya Cori ya Tupana ya núma ũcü nax ñoma i naanemaxã inacuáxü̃ca̱x.

Ichaía 42:10

Rü ñanagürü ga Ichaía: —¡Tupanaxü̃ picua̱xüü̃gü wüxi i ngexwaca̱xü̃xü̃ i wiyaemaxã! Rü guxü̃ma i nachixü̃anecüã̱x i ñoma i naanewa ngẽxmagüxü̃, rü guxü̃ma i duü̃xü̃gü i yáxü̃wa márcutüwa maxẽxü̃, rü guxü̃ma i duü̃xü̃gü i márgu yarüxĩĩxü̃, rü guxü̃ma i márwa maxẽxü̃, rü name nixĩ i Tupanaxü̃ nicua̱xüü̃gü.

Wiyaegü 69:35

Erü nüma rü tá naétüwa nachogü ya Chióü̃. Rü tá nüxü̃ narüngü̃xẽxẽ i norü duü̃xü̃gü nax wena táxarü namexẽẽgüãxü̃ca̱x ya Yudáanearü ĩanegü. Rü yima ĩane ya Yerucharéü̃ rü Tupanaarü duü̃xü̃güxacügüarü tá nixĩ. Rü ngéma tá namaxẽ i ngẽma Tupanaga ĩnüexü̃ rü ngẽxma tá naxãchiü̃gü.

Wiyaegü 96:11

Rü nataãẽgü i daxũguxü̃ i naane rü ñoma i naane. Rü ngẽxgumarüxü̃ ta norü taãẽmaxã naxãũga i ngẽma már, rü naxãũgatanü i guxü̃ma i ngẽma nawa ngẽxmagüxü̃.