Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:30 - Tupanaarü Ore

³⁰ Rü name nixĩ nax guxü̃ma i duü̃xü̃gü i ñoma i naanewa maxẽxü̃ rü aixcüma naga naxĩnüexü̃ rü nüxü̃ namuü̃exü̃. Yerü nüma rü namaxü̃gu nayaxũxẽxẽ ga ñoma i naane nax tama namaxü̃na yaxũgachixü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:30 Referans Kwoze

Wiyaegü 33:9

Yerü nüma rü norü dexamaxã guxü̃ma naxü. Rü nanamu rü guxü̃ma mea inanu.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Wiyaegü 93:1

Rü nüma ya Cori ya Tupana rü ãẽ̱xgacü nixĩ. Rü norü üüne nicuxcuchi rü naporaxüchi. Rü nüma rü nachicagu nanaxǘ i ñoma i naane nax tama ngéma yaxũgachixü̃ca̱x.

Colosenses 1:17

Rü naxü̃pa ga guxü̃ma, rü nüma ga Cristu rü marü nüxíra nayexma. Rü nüma nixĩ i mea inanuãxü̃ i guxü̃ma rü namaxã inacuáxü̃.

Yeremía 10:12

Cori ya Tupana rü norü poramaxã nanaxü ga ñoma i naane. Rü norü cua̱xmaxã nanamexẽxẽ. Rü yexgumarüxü̃ ta norü cua̱xmaxã nayangeechi ga daxũguxü̃ i naane.

Ichaía 49:8

Rü nüma ya Cori ya Tupana rü ñanagürü ta: —Yexguma nawa nanguxgu ga ngunexü̃ nax chorü ngü̃xẽẽca̱x ípecaxü̃ rü choma rü pexü̃ chanawe̱x nax pexü̃ changechaü̃xü̃. Rü yexguma penaxwa̱xegu nax pexü̃ íchapoxü̃xü̃ rü pexü̃ charüngü̃xẽxẽxü̃. Rü ñu̱xma i choma rü tá pexna chadau nax wüxi i ngü̃xẽxẽ nüxü̃́ pixĩgüxü̃ca̱x i togü i duü̃xü̃gü. Rü ngẽmaca̱x i pemax, Pa Iraétanüxü̃x, rü wena tá nawa pemaxẽ i ngẽma naanegü ga perü uanügü chixexẽẽgüxü̃ rü ngẽmaãcü tá wena penamexẽxẽ i pechixü̃ane.

Wiyaegü 96:9

¡Rü nüxü̃ picua̱xüxü̃gü nawa ya yima napata ya mexẽchine! Rü name nixĩ nax guxü̃ma i duü̃xü̃gü i ñoma i naanewa maxẽxü̃ rü nape̱xegu nacaxã́pü̱xügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:25

Erü nüma ya Cori ya Tupana rü guxãétüwa nangẽxma, rü ngẽmaca̱x name nax nüxü̃xicatama icua̱xüü̃güxü̃. Erü nüma rü naxãũcümaxü̃chi rü guxü̃ma i ngẽma tupananetagüarü yexera tanaxwa̱xe i nüxü̃ tamuü̃e.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:23

Pa Guxü̃ma i Ñoma i Naanecüã̱x i Duü̃xü̃güx ¡rü naxca̱x pewiyaegü ya Cori ya Tupana! ¡Rü guxü̃ i ngunexü̃gügu penaxunagü nax nüma yixĩxü̃ i tüxü̃ namaxẽxẽxẽxü̃!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:29

¡Rü nüxü̃ picua̱xüü̃gü erü ngẽma nixĩ i mexü̃ nax naxca̱x penaxüxü̃! ¡Rü perü ãmaregümaxã naxü̃tawa pexĩ! ¡Rü napata ya mexẽchínepe̱xewa nüxü̃ picua̱xüü̃gü!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:31

Rü name nixĩ i nataãxẽ i guxü̃ma i ngẽma daxũguxü̃ i naanewa ngẽxmagüxü̃, rü ngẽma ñoma i naanewa ngẽxmagüxü̃. ¡Rü guxü̃ i nachixü̃anegüwa nüxü̃ pixu rü ñapegügü: “Nüma ya Cori ya Tupana nixĩ i ãẽ̱xgacü ya guxãétüwa ngẽxmacü yixĩxü̃”, ñapegügü!

Wiyaegü 76:8

Rü daxũguxü̃ i naanewatama marü cunaxuegu i curü poxcu namaxã i ngẽma chixexü̃ ügüxü̃. Rü ngẽmaca̱x i ñoma i naane rü nidu̱xru rü nachianemare i ngẽxguma cunaxuegu̱xgu i curü poxcu naxca̱x i ngẽma chixexü̃ ügüxü̃ rü ícunanguxü̃xẽẽgu i ngẽma curü duü̃xü̃gü i togü chixri namaxã icua̱xgüxü̃.

Wiyaegü 99:1

Nüma ya Cori rü ãẽ̱xgacü nixĩ. Rü norü tochicaxü̃ rü ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nangẽxma. Rü nape̱xewa rü norü muü̃maxã nidu̱xrue i guxü̃ma i nachixü̃anecüã̱xgü rü woo i ñoma i naane rü nidu̱xru.