Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:18 - Tupanaarü Ore

¹⁸ Rü yemaca̱x Acóbumaxã nüxü̃ nixu rü ñanagürü nüxü̃: “Choma rü tá cuxna chanaxã i guxü̃ma i ñaa Canaáü̃ane nax guxü̃gutáma cuxrü rü cutaagüarü yixĩxü̃ca̱x”, ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:18 Referans Kwoze

Naanearü ügüchiga 13:15

Rü choma rü tá cuxna chanaxã i guxü̃ma i ngẽma naane i nüxü̃ cudauxü̃. Rü guxü̃gutáma cuxrü rü cutaagüarü tá nixĩ.

Miquéa 2:5

—Natürü ngẽxguma nachixü̃aneca̱x nawoegu̱xgu i chorü duü̃xü̃gü rü pema i ñu̱xma diẽruã̱xgüxe rü tá pengearü naaneã̱x i natanüwa —ñanagürü ya Tupana.

Wenaxarü naxümatü ga Tupanaarü mugü 32:8

Rü wüxi ga ngunexü̃gu ga Cori ya Tupana ya Guxãétüwa Ngẽxmacü, rü nayatoye ga duü̃xü̃gü rü wüxitücumüchigüna nanaxã ga norü naane nax yéma nayexmagüxü̃ca̱x. Rü ñu̱xũchi nüxü̃ naxuneta ga norü naanegüarü üyeanegü. Natürü natanüwa ga yema togü ga natücumügü, rü nüma ga Cori ya Tupana rü noxrüxü̃ nüxü̃ naxuneta ga Iraétanüxü̃, yerü woetama norü duü̃xü̃gü nixĩgü ga yema Acóbutanüxü̃.

Naanearü ügüchiga 17:8

Choma rü cuxna rü nüxna tá chanaxã i guxü̃ma i ñaa Canaáü̃ane i ñu̱xma nawa cumaxü̃xü̃. Rü tá guxü̃gutáma norü naane nixĩ i cutaagü. Rü choma rü tá norü Tupana chixĩ —ñanagürü.

Naanearü ügüchiga 12:7

Rü yema nachicawa rü Cori ya Tupana rü Abráü̃ca̱x nango̱x. Rü ñanagürü nüxü̃: —Ñaa naane tá nixĩ i cutaagüna chaxãxü̃ —ñanagürü. Rü yexguma ga Abráü̃ rü yexma Tupanaégagu nanaxü ga wüxi ga ãmarearü guruxü̃ yerü yéma nixĩ ga naxca̱x nangóxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:19

Rü woo yema tórü o̱xigü rü noxretama ga tóxnamanacüã̱x nixĩgü natanüwa ga yema duü̃xü̃gü ga nua maxẽxü̃, rü woo ñuxre ga nachixü̃anegüwa nichopetüetanü rü ñuxre ga ãẽ̱xgacügüme̱xẽwa íninguxü̃etanü, natürü nüma ga Tupana rü tama nanaxwa̱xe nax texé chixri namaxã icuáxü̃ ga Iraétanüxü̃gü. Rü yemaca̱x yema ãẽ̱xgacügü ga naxme̱xwa nayexmagüxü̃maxã nüxü̃ nixu rü ñanagürü nüxü̃: “Tama chanaxwa̱xe i ngẽma choma nüxü̃ chaxunetaxü̃ i chorü duü̃xü̃gü rü chixri namaxã ipecua̱x rü ngẽma chorü orearü uruü̃gü rü ngúxü̃ nüxü̃ pingexẽẽgü”, ñanagürü.