Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:26 - Tupanaarü Ore

²⁶ Rü nüma ga Tupana rü poraãcü nüxü̃ narüngü̃xẽxẽ ga yema Lebítanüxü̃ ga yangetaü̃güxü̃ ga yema baú ga Tupanaarü mugü nagu nuxü̃. Rü yemaca̱x Tupanaca̱x nanadai ga 7 ga woca ga iyatüxü̃ rü 7 ga carnérugü rü ñu̱xũchi naxca̱x ínanagugü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:26 Referans Kwoze

Iraétanüxü̃arü muxchiga 23:29

Rü yexguma ga nüma ga Balaáü̃ rü ñanagürü nüxü̃: —¡Ẽcü 7 i ãmarearü guruxü̃ nuxã naxü, rü ínayauxü̃ i 7 i wocaxacügü rü 7 i carnérugü nax cha̱u̱xca̱x ínamemarexü̃ca̱x nax Tupanaca̱x chayaguxü̃! —ñanagürü.

Yox 42:8

¡Rü ẽcü i ñu̱xma rü 7 i woca i iyatüxü̃ piyauxgü rü 7 i carnérugü rü chorü duü̃ ya Yoxü̃tawa penagagü! ¡Rü yimápe̱xewa perü maxü̃ca̱x penadai rü ípeyagu i ngẽma naxü̃nagü! Rü nüma ya yimá chorü duü̃ ya Yox rü tá pexca̱x nayumüxẽ. Rü choma rü tá nüxü̃́ nüxü̃ chaxĩnü i norü yumüxẽ rü taxuxü̃táma chixexü̃ pemaxã chaxü woo nax namexü̃ nax pexü̃ chapoxcuexü̃ nagagu nax tama aixcümaxü̃ pixuxü̃ ga chauchiga yimá chorü duü̃ ga Yox nüxü̃ ixuxü̃rüxü̃ —ñanagürü ga Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:14

¿Rü ta̱xacü ẽ̱xna chixĩ i chomax, rü ta̱xacügü nixĩ i ngẽma chorü duü̃xü̃gü nax toxü̃́ natauxchaxü̃ nax cuxna tanaxãxü̃ i ñaa muxü̃ma i ngẽmaxü̃gü? Rü dücax i guxü̃ma i ngẽma rü cuxü̃tawa ne naxũ, rü cuxü̃tawa nixĩ i tanayaxuxü̃ i ngẽma cuxna taxãxü̃.

2 Corintios 3:5

Rü tama tóxrütama cua̱xmaxã nixĩ i tanaxüxü̃ i ngẽma puracü. Natürü guxü̃ma i ngẽma taxüxü̃ rü Tupanaarü ngü̃xẽẽmaxã nixĩ i tanaxüxü̃.

2 Corintios 2:16

Rü ngẽma duü̃xü̃gü i tama yaxõgüxü̃ca̱x rü Tupanaarü ore rü ñoma wüxi i guxpaanexü̃ i nayuexẽẽxü̃rüxü̃ nixĩ. Natürü ngẽma yaxõgüxü̃ca̱x rü ngẽma ore rü ñoma wüxi i pumaraema i namaxẽxẽẽxü̃rüxü̃ nixĩ. Rü ngẽmaca̱x ¿texéaxü̃́ natauxcha nax nüxü̃ tixuxü̃ i ngẽma Tupanaarü ore?

Ngechuchuarü ngúexü̃gü ga yamugüxü̃arü puracüchiga 26:22

Natürü Tupana choxü̃ narüngü̃xẽxẽ rü ngẽmaca̱x taguma íchayachaxãchi nax guxü̃ma i duü̃xü̃gümaxã nüxü̃ chixuxü̃ i Tupanaarü ore rü woo buxü̃ rü yáxü̃. Rü namaxã nüxü̃ chixu ga yema ore ga nũxcümaü̃güxü̃ ga Tupanaarü orearü uruü̃gü rü Moiché nüxü̃ ixugüxü̃ nax ngúxü̃ tá yangexü̃ ya Cristu rü tá nax nayuxü̃, natürü yemawena rü nüma tá yixĩxü̃ ga nüxíra yuwa ínadaxü̃ nax tatanüxü̃ i Yudíugümaxã rü ngẽma to i duü̃xü̃gü i tama Yudíugü ixĩgüxü̃maxã nüxü̃ yaxuxü̃ca̱x i ore i tüxü̃ maxẽxẽẽxü̃. Rü taguma tomare ga ore duü̃xü̃gümaxã chixu —ñanagürü ga Pauru.

Echequié 45:23

Rü ngẽma 7 i ngunexü̃gü i ngẽma peta nagu naxüchigagüxü̃gu rü 7 i wocaxacügü i iyatüxü̃ i taxuwama ichixexü̃ rü 7 i carnérugü i iyatüxü̃ i taxuwama ichixexü̃ tá nixĩ i cha̱u̱xca̱x ínagugüxü̃. Rü ñu̱xũchi wüxichigü i ngẽma ngunexü̃gu rü tá cha̱u̱xca̱x nayama̱x i wüxi i chíbu i yatüxü̃ i pecaduarü ütanüruxü̃.

2 Chamué 6:13

Rü yexguma 6 arü unecüxü naxügüegu ga yema yangegüxü̃ ga baú ga Tupanaarü mugü nagu nuxü̃, rü nüma ga Dabí rü wüxi ga woca ga yatüxü̃ nima̱x rü ñu̱xũchi wüxi i carnéru ga ingüxüchixü̃ nima̱x rü Tupanaca̱x nayagu.

1 Chamué 7:12

Yemawena ga Chamué rü wüxi ga nuta nayaxu, rü ĩane ga Mispá rü ĩane ga Chéü̃arü ngãxü̃gu nanaxǘ ga gumá nuta. Rü Ebéü̃-échegu nanaxüéga. Rü ñu̱xũchi ñanagürü: —Nüma ya Cori ya Tupana rü ñu̱xmarüta taguma nüxü̃ narüchau nax tüxü̃ nangü̃xẽẽxü̃ —ñanagürü.

Iraétanüxü̃arü muxchiga 29:32

Rü ngẽma norü 7 i ngunexü̃gu rü cha̱u̱xca̱x tá penadai rü ípenagu i 7 i wocaxacügü i iyatüxü̃, rü taxre i carnérugü i iyatüxü̃, rü 14 i carnéruxacügü i iyatüxü̃ i wüxi ya taunecü nüxü̃́ ngẽxmagüxü̃ i taxuwama ichixexü̃.