Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:25 - Tupanaarü Ore

²⁵ Rü nüma ga Dabí rü wüxigu yema Iraétanüxü̃arü ãẽ̱xgacügümaxã rü yema churaragüerugümaxã taãẽãcüma Obéx-edóü̃patawa naxĩ nax yayauxgüãxca̱x ga yéama baú ga Tupanaarü mugü nagu nuxü̃ nax Yerucharéü̃wa nangegüãxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:25 Referans Kwoze

Filipenses 4:4

Rü chanaxwa̱xe nax guxü̃guma tórü Corimaxã petaãẽgü. Rü wena pemaxã nüxü̃ chixu, rü ¡petaãxẽgü!

Filipenses 3:3

Natürü yíxema aixcüma Tupanape̱xewa imexe, rü yixema tixĩgü. Rü Tupanaxü̃ ticua̱xüü̃gü i Naãxẽ ya Üünexü̃arü ngü̃xẽẽmaxã. Rü tataãẽgü erü Ngechuchu ya Cristuarü duü̃xü̃gü tixĩgü. Rü tama tayaxõgü nax ngẽma yigü íiwíecha̱xmüxü̃pe̱xechiraü̃xü̃ca̱x Tupanape̱xewa imexü̃.

Miquéa 5:2

Rü cumax, Pa Beréü̃ i Efráta, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, natürü cugu tá nixĩ i nabuxü̃ ya yimá Iraéanecüã̱xgüarü ãẽ̱xgacü ya woetama marü ngẽxmaechacü.

Édra 6:16

Rü yema Iraétanüxü̃ rü chacherdótegü rü Lebítanüxü̃, rü naétü ga yema togü ga Babiróniawa íchoxü̃xü̃ rü taãẽmaxã nanaxüchigagü ga guma Tupanapata ga taxü̃nearü ãxü̃chichiga.

Nüxíraxü̃xü̃ ga popera ga ãẽ̱xgacügüchiga 8:1

Rü yexguma ga Charomóü̃ rü Yerucharéü̃wa naxca̱x nangema ga guxü̃ma ga yema norü ngü̃xẽẽruü̃gü ga ãẽ̱xgacügü rü guxü̃ma ga yema ãẽ̱xgacügü ga wüxichigü ga Iraéanecüã̱xtücumümaxã icua̱xgüxü̃. Rü nanangutaque̱xexẽxẽ nax Chióü̃wa yayauxgüãxü̃ca̱x ga yema baú ga Cori ya Tupanaarü mugü nawa yexmaxü̃ nax Tupanapatawa nangegüãxü̃ca̱x.

1 Chamué 10:19

Natürü i ñu̱xma i pemax rü nüxü̃ pexo ya yimá perü Tupana ga guxü̃ma ga perü guxchaxü̃güwa rü perü ĩ̱xãchiãẽgüwa pexü̃ ínguxü̃xẽẽcü. Rü ñu̱xma nax nüxü̃ pexoxü̃ ya perü Tupana, rü ngẽmaca̱x wüxi i perü ãẽ̱xgacü i réica̱x ípeca nax pemaxã inacuáxü̃ca̱x. Rü ngẽmaca̱x i ñu̱xma rü chanaxwa̱xe i Cori ya Tupanape̱xewa ípengugü ya wüxitücumüchigü rü tügütanüxü̃chigü —ñanagürü ga Chamué.

1 Chamué 8:12

Rü ngẽxgumarüxü̃ tá ta tüxü̃ naxuneta ya toguxegü nax 1,000 i churaragüarü ãẽ̱xgacü nax tixĩgüxü̃ca̱x, rü toguxegü nax 50 i churaragüarü ãẽ̱xgacü nax tixĩgüxü̃ca̱x. Rü ñuxre i pemax, rü tá norü naanearü aimüanewa pexü̃ napuracüe, rü toguxe rü tá norü nanetüarü buxgüwa pexü̃ napuracüexẽxẽ, rü toguxe rü tá naxnegüarü üwa pexü̃ napuracüexẽxẽ, rü toguxe rü tá naweü̃ ya dairuü̃arü üwa pexü̃ napuracüexẽxẽ.

Wenaxarü naxümatü ga Tupanaarü mugü 16:15

Rü ngẽma peta i Tupanaca̱x tá pexüxü̃ rü 7 i ngunexü̃ tá penaxüchiga nawa i ngẽma nachica i nüma nüxü̃ naxunetaxü̃. Rü ngẽmaãcü ya perü Cori ya Tupana rü tá pexü̃ narüngü̃xẽxẽ nax muxü̃ pexü̃́ ínguxuchixü̃ i guxü̃ma i penetügüarü o. Rü guxü̃ma i perü puracüwa rü tá pexü̃ narüngü̃xẽxẽ, rü aixcüma tá petaãẽgü.

Wenaxarü naxümatü ga Tupanaarü mugü 16:11

Rü Tupanape̱xewa tá penaxü i ngẽma peta nawa i ngẽma nachica ya Tupana nüxü̃ unetaxü̃ nax nawa nangẽxmaxü̃. Rü ngẽma petawa rü name nax ngéma penagagüxü̃ i guxü̃ma i pexacügü rü perü mugüruü̃gü. Rü ngẽxgumarüxü̃ ta name nax nüxna pexuxü̃ i ngẽma Lebítanüxü̃ rü ngẽma to i nachixü̃anecüã̱x i petanüwa ngẽxmagüxü̃. Rü ñu̱xũchi name nax tüxna pexuxü̃ ya yíxema taxcutagü rü yutegüxe i perü ĩanewa ngẽxmagüxe.

Wenaxarü naxümatü ga Tupanaarü mugü 12:18

Rü guxü̃ma i ngẽma Tupanaarü ãmaregü rü penaxwa̱xe i nape̱xewa penangõ̱x nawa i ngẽma nachica i nüma nüxü̃ naxunetaxü̃. Rü ngéma perü Cori ya Tupanape̱xewa rü tá penangõ̱x wüxigu namaxã i pexacügü rü perü puracütanüxü̃ rü ngẽma Lebítanüxü̃ i petanüwa ngẽxmagüxü̃. Rü ngéma chope̱xewa tá petaãẽgü namaxã i ngẽma õna i perü puracüwa peyaxuxü̃.

Wenaxarü naxümatü ga Tupanaarü mugü 12:7

Rü ngẽma nachicawa rü Cori ya Tupanape̱xewa pexacügümaxã tá pechibüe rü tá petaãxẽ naxca̱x i ngẽma mexü̃gü i Cori ya perü Tupanaarü ngü̃xẽẽgagu perü puracüwa peyaxuxü̃.

Wenaxarü naxümatü ga Tupanaarü mugü 1:15

Rü yexguma ga choma rü yema petanüxü̃tanüwa nüxü̃ chixunetachigü ga yatügü ga naãxẽxü̃ cuáxü̃ rü nawa nangóxü̃ nax mea duü̃xü̃gümaxã inacuáxü̃. Rü ñu̱xũchi nüxna chixãgachigü nax pemaxã inacua̱xgüxü̃ca̱x. Rü nümaxü̃ rü namaxã nüxü̃ chixu nax 1,000 ga yatügümaxã inacuáxü̃ca̱x, rü togü nax 100 maxã inacuáxü̃ca̱x, rü togü nax 50 maxã inacuáxü̃ca̱x, rü togü nax 10 maxã inacuáxü̃ca̱x. Rü yexgumarüxü̃ ta nüxü̃ chaxuneta ga ãẽ̱xgacügü ga wüxitücumüchigü ga Iraétanüxü̃maxã icuáchigüxü̃.

Iraétanüxü̃arü muxchiga 31:14

Natürü nüma ga Moiché rü namaxã nanu ga yema churaragüerugü ga 1,000 maxã rü 100 maxã icuáxü̃ ga daiwa ne ĩxü̃, rü ñanagürü nüxü̃: —¿Tü̱xcüü̃ penamaxẽxẽxẽ i ngẽma ngexü̃gü?

Norü taxre ga to ga popera ga ãẽ̱xgacügüchiga ümatüxü̃ 1:4

Natürü marü tama Gabaóü̃wa nayexma ga yema baú ga Tupanaarü mugü nagu nuxü̃, yerü nüma ga Dabí rü ü̃paacü marü Quiriáx-yearíü̃wa nayayaxu rü Yerucharéü̃wa nanange, rü nagu nayaxǘcuchi ga guma ĩpata ga naxchirunaxca̱x ga yema baúca̱x naxüxü̃ne.

Norü taxre ga to ga popera ga ãẽ̱xgacügüchiga ümatüxü̃ 5:2

Rü nüma ga Charomóü̃ rü Yerucharéü̃gu nanangutaque̱xexẽxẽ ga yema Iraéanearü ãẽ̱xgacütücumü, rü guxü̃ma ga yema 12 ga Iraétücumügüarü ãẽ̱xgacügü, rü guxü̃ma ga papagü ga natanüxü̃maxã icua̱xgüxü̃. Rü yemaacü nanangutaque̱xexẽxẽ nax ma̱xpǘne ga Chióü̃wa yayauxgüãxü̃ca̱x ga yema baú ga Tupanaarü mugü nagu nuxü̃, rü guma yexwaca̱xü̃ne ga Tupanapata ga taxü̃newa nangegüaxü̃ca̱x.